Og þá eru þeir að fara inn í aðrar Bengal ræktanir.

Það er líka með tegundir á Íslandi eins og Bengal og Maine coon að þegar það hefur bara verið einn ræktandi sem hefur flutt inn ræktunardýr þá verður það erfitt og kannski ómögulegt að finna tvö dýr nógu mikið óskyld til að mega para þau saman. Til að koma fyrir skyldleikaræktun hjá viðvaningum þá er krafa um geldingu það eina sem ræktendurnir geta gert.

hmm..ég er ekki viss um að þú megir segja þetta inná spjallsíðum! =/ verður ræktandinn sáttur við það ef að einhver viti það? Ég veit um manneskju sem ræktar eða kannski ekki ræktar, en framleiðir blandaða tegund. Manneskjan vill alls ekki að neinn viti af því.

Hmmmm það að búa til vísvitandi blandaða kettlinga er ekki ræktun, það er hálvitaskapur og er bara viðbót við húskattarkettlinga sem er offramboð af.
Þetta er örugglega góður köttur og vinur eins og flestir húskettir eru og hvort hann er blandaður með einhverjum hreinræktuðum eða ekki gerir hann hvorki betri né verri en ég stór efa það að það sé í honum Bengal blóð.
Það er til þess að gera stutt síðan þeir voru fyrst fluttir inn og það voru ekki seldir kettlingar strax og var það kannski vegna þess að fáir voru tilbúnir að borga vel á annað hundrað þúsund fyrir kettlinginn.
Ég hef oft heyrt talað um að þessi eða hinn kötturinn sé Bengalblanda vegna þess hvernig bröndur hafa verið á þeim en bæði doppu- og marmarabranda er til í íslenska húskettinum og það má líkja því við Bengal munstrið.
Einnig hafa sumir þeirra verið með litbrigði sem hafa frekar tengt þá við ABY og Sómala heldur en Bengal.
Þetta er eins með alla skógarkattablendingana sem er sennilega fleiri skyldir persum heldur en skógarköttum vegna þess að pörun skógarkattar og húskattar gefur ekki af sér loðna kettlinga nema að húskötturinn sé blanda og sú pörun væri algjör tilviljun.
Maður hefur heyrt á sýningum í fólki sem segist hafa átt skógarkatta- eða Maine coon blandaða ketti en tímasetningin hefur ekki staðist því að þessar tegundir voru ekki til í landinu þegar það átti þessar “blöndur”
Þetta er kannski spurning um að fólk sé sátt við húskettina sína sem eru allt sem góðir heimiliskettir eiga að vera og hætti að líkja þeim við eitthvað sem þeir eru ekki eða kannski fá sér hreinræktaðan kött með ættbók og þá fer ekkert á milli mála að kötturinn er eitthvað annað en gamli góði húskötturinn.