kisinn minn heitir baby en hann þekkir bara nafnið kisi. hann er held ég bara venjulegur köttur. hann er 4 ára, gulbröndóttur og hvítur, geldur og eirnamerktur. algjör kelirófa, soldið lítill í sér, inniköttur.

p.s. ef einkver vill hann vantar hann heimili hann fæst gefins með nákvæmlega öllu. það á að lóga honum bráðum ef hann fær ekki heimili. hann er í símum 8467977 og 5871358

kveðja kisi og vina

kisinn okkar heitir Gandálfur hann er bröndóttur með hvitann maga og er 3ja mánaða ætlunin er að hafa hann sem innikött

hann er kelinn og æðislega mikið krútt :)

Kötturinn minn heitir pétur
hann er gulbröndóttur stór og feitur
og hann notar mig fyrir kattaklóru á nóttunni ef ág gleymi að gefa honum að éta
eða bítur í nefið á manni
hann er sadisti
helvítis kvikindið

Tígrisdýrið mitt heitir Pjakkur, hann er hvítur undir hökunni og á maganum og aftur á lappir með “dökk grá/svart” ofan á með svörtum Tiger röndum ofaná. Hann er líka geldur inni köttur sem á alheiminn og þarf ekkert á okkur mannfólkinu að halda, þó klór og athygli sé alltaf gaman. Hans uppáhlds leikfang er Power aid tappi, þessi glæri sem er ofan á, og sían úr vaskinum (hún er eitthvað góð á bragðið). Hann elskar að elta flugur þó að býflugur og geitunar séu ekkert sniðugar.

Ég á skapfúla hreinræktaða síamslæðu sem ég kalla Mísu. Hún er húmorslaus og þjáist af þunglyndi af háu stigi og fyrirlítur bæði menn og dýr. Þó aðalega menn.

Hún er 11ára gömul og er algjör vændiskisi þegar kemur að harðfiski því þá er hún bara endalaust hlý og góð. Hún er dverg-síamskisi þannig að fólk sem kemur í heimsókn ruglast alltaf á henni og kettling þótt bakið á henni sé orðið dekkra með árunum.

Hún er alltaf úti og vogar sér meira segja út í verstu snjóstormum og óveðri. Algjör töggur í henni sko! Það býr rauðhærður spikfeitur (>10kg) kisi á móti okkur…sem hlýtur að vera feitast köttur landsins. Hann er skíthræddur við Mísu mína því hún er svo grimm við hann og hrekur hann úr sínum eigin garði. Einu sinni meira segja hrakti hún hann inn til sín en hann rétt náði að troða í sig öllum matnum (næstum heil dós) rétt áður en Mísa kom svo hún gæti ekki fengið neitt að borða úr dallnum hans.

Mísa er yndisleg og mér þykir endalaust vænt um hana!! :o)

Ég á tvær kisur, kall og kellingu. Þau heita Fífil og Fífa. Þau eru hreinræktaðir síemskettir. Ég er ekki búin að eiga þau leingi, þau eru 10 mánaða og eru systkini. Algerar kellirófur. Vilja alltaf láta klappa sé og liggja ofan á manni :o).

Kisan mín er lítil kolsvört læða (þó með litla hvíta “sportrönd” á kviðnum). Hún heitir fullu nafni Alice in Wonderland en svarar nafninu Lísa.
Þrátt fyrir að vera orðin 4ja ára gömul halda flestir að hún sé ennþá kettlingur útaf því hversu lítil hún er, reyndar einnig hversu fjörug hún er.
Hún virðist hata allt og alla (hún er sérstaklega á móti dýrahaldi í reykjavík), nema þá náttlega mig. Mamma fer ekki það mikið í taugarnar á henni að hún fílar hana svosem ágætlega. En bróðir minn þolir hún ekki, vill helst ekki vera í sama herbergi og hann, nema þá að ég sé viðstaddur.
Hún á að heita útiköttur en er aldrei lengi úti.

Ég á læðu sem heitir Kolla. Hún er 13 ára gömul og er alltaf vælandi. Ég er farinn að hallast að því að hún sé bara að verða of gömul :(

Hún er kolsvört fyrir utan að hún er í hvítum “sokkum” og með smá hvítt á maganum.

Henni og Tíkini minni semur ekkert allt of vel. Þær slást að vísu ekki en taka sveig til að forðast hvor aðra. Einnig er mikið sport hjá þeim báðum að stelast í matinn hjá hinni :) (Og helst reyna að klára hann)

Hún er ´´utiköttur þó við búum í blokk. Það þarf bara að labba með henni stigaganginn til að hleypa henni út.

Nóg í bili
kv
bjornjul og Kolla (og Traci)

Ég á eina kisu inna um hundana mína hún heitir perla og er mjög sæt ! En hún er ekkert alltof góð en hún er að fullorðnast og leyfir mér að klappa sér aðeins :) EN ekki of mikið ;)

Ég á 9 ketti !

Húskötturinn hún Snúlla er 5 ára svört og hvít útikisa :)
Allir persarnir eru inni kisur !!!

CH*Arnardrangs Alicia er 3 ára Black Tortie (Svartyrja) Persi og er algjör kelirófa.

CH* Mýrdals Red Rascal er 2 ára ógeldur rauður persi og elskar að láta halda á sér út um allt :)

CH* Siriuksen Mafalda er 2 ára svört persa læða og ég flutti hana inn frá Finlandi .
Hún er mjög ákveðin :)

Geysir's Boy úr Dulheimum er 2 ára Bicolor (svartu og hvítur ) geldur persa fress og mjög rólegur og góður ;)

Arnardrangs Dixie Doodle Dandy er 4 mánaða Black tortie bicolor persa læða :) Hún er mjög kelin og góð .

Eldeyjar Aríel Rascal er 3 mánaða rauður persa strákur og er lítil rúsína :) Hann er alltaf malandi og elskar að láta knúsa sig :)

Eldeyjar Afródíta Black Tie Affair er 3 mánaða Bicolor (svört og hvít ) persa stelpa.
Hún er róleg og góð eins og Aríel ;)

Eldeyjar Amadeus Mozart er 3 mánaða svartur persa strákur og mjög góður eins og systkinin sín :) Hann elskar að fá að sitja á öxlinni hjá mér :)

Oh…þetta er mitt uppáhaldsumræðuefni, að lesa um annarra manna kisur og monta mig svo af mínum :)
Hún Matthildur Mjása Erludóttir er svört og hvít læða sem varð 9 ára 13. maí síðastliðin. Hún hefur gengið með mér í gegnum súrt, sætt og nokkra kærasta síðan ég var unglingur og er mjög sérstakt samband á milli okkar, við skiljum hvor aðra sko. Hún er í smóking, semsagt svört með hvíta sokka, hvítan maga og hvítan blett á nefinu. Hún er mjög kelin þegar hana langar til og vefur öllum á heimilinu um fingur sér. Það mætti segja að hún sé bæði drottning heimilisins og hverfisins þar sem hún passar sína lóð og fleiri. Hún hefur ekki þurft að slást þar sem allir kettir hlaupa undan henni því hún er frekar stór og feit og alls ekki árennileg. Flottust eru veiðihárinn en þau standa þrjá metra út í loftið (smá ýkjur). Svo er hún með alveg gul kringlótt augu.
Matta hefur alið upp þrjá kettlinga og mjólkað fyrir þá alla þrátt fyrir að hafa aldrei átt kettlinga sjálf. Hún var geld og eyrnamerkt þegar hún var þriggja ára. Hún er útiköttur núna en var inniköttur þangað til ég flutti í einbýlishús fyrir tveimur árum en þá gat ég ekki haldið henni inni lengur, hún fer samt aldrei langt.
Mér hefur alltaf fundist að Sorpa eða borgin ætti að borga okkur peninga þar sem Matta hirðir rusl úr götunni og skilur það eftir fyrir utan eldhúsgluggann hjá mér.

Svo er það hann Gráni pjakkur sem varð ársgamall 1. september síðastliðin. Hann er grár með ljósgráum tígrisröndum, mjög sérstakur á litinn því hann er langt frá þér að vera bröndóttur. Hann er með hvítan maga, lappir og trýni. Hann er ekki mjög stór en með það lengsta skott sem ég hef séð. Á hverju kvöldi kemur hann upp í rúm og leggst á koddann minn og vill sjúga á mér eyrnasnepilinn, hann fær það nú ekki alltaf en þá hringar hann sig í hálsakotinu hjá mér eða liggur ofan á hausnum á mér. Honum er voða illa við að láta halda á sér og er bara kelin þegar honum dettur það í hug. Hann er útiköttur og ofsalegt veiðieðli í honum, á tímabili í sumar var það fugl á dag. Hann hefur þó þann góða sið að koma sjaldan með þá inn heldur skilur þá eftir fyrir utan eldhúsgluggann ásamt ruslinu hennar Matthildar.

Hmm…ég gæti haldið áfram endalaust en nú ætla ég að hætta :)
IceCat

Ég hef ekki átt kisu nema í 2 vikur og hún heitir nú ekki neitt ennþá nema kannski bara kisa. Hún er dökkgrá með hvíta bringu, hvítar lappir, hvítan kraga og hvítt trýni fyrir utan gráan fegurðarblett á nefinu þannig að nefið á henni er hálft bleikt og hálft svart.

Þar sem ég bý í blokk verður hún að vera innikisa og unir sér ágætlega við það svo fremi að hún fái að sitja úti í glugga. Mér er oft ansi kalt á nóttunni vegna þessa. Gluggakistan er nefnilega svo mjó að kisa kemst ekki fyrir nema glugginn sé galopinn. Líklega þarf ég bara hlýrri sæng :)

Kisu fann ég úti á flækingi, ómerkta og oft búinn að sjá hana áður þannig að hún var greinilega týnd. Ég hef hins vegar ekki séð neinar auglýsingar um týnda ketti í hverfinu eftir að ég tók hana inn. Kattafólk segir mér að hún sé líklega um 5 mánaða gömul en ég fer með hana til dýra bráðlega og ætla þá að spyrja um það. Kannski er hún bara dvergur :) Hún er frekar gæf og kúrir stundum hjá mér í sófanum en á það til að slæma loppu í mig ef ég er að stríða henni ;) Hún er mikill mjólkurfíkill.

Ég á tvær kisur !
Nala er abbyssino köttur. Hún er þriggja ára og þegar á fékk hana þá var hún alveg brjáluð. Nala HATAR allt karlkyns menn og dýr. Hún er ótrúlega falleg og algjör lady það má sko ekki hver sem er klappa henni.
Atína er grábröndótt, ljósbrún og hvít. hún er að verða eins árs 12. nóvember næstkomandi. Atína er kelin þegar hana langar það en vill alls ekki láta halda á sér, hún bjó uppi í hesthúsi síðasta vetur en ég tók hana heim í sumar.

Ég bý í blokk þannig að kisurnar mínar eru innikisur en það tók Atínu samt dálítinn tíma að venjast því :o)

Já kettirnir okkar eru allir einstakir á sinn hátt. Minn er heyrnalaus. Öll fjölskyldan er enn ástfangin af honum þó að hann sé orðin stór og feitur.
Japani :)

Hæ, ég á 2 frábærar kisur. Þær eru 7 mánaða og eru systur. Það er varla hægt að kalla þær útikisur því þær fá bara að skreppa út í garð í 1-2 klst. á dag. Þær eru báðar kolsvartar en það er það eina sem er líkt með þeim. Þær eru báðar 1/4 síams og 1/4 persi en Desdemona hefur persaeinkennin, er síðhærð og pínu chubby en Trinity lítur út eins og svartur síamsköttur. þær eru mjög ólíkar í hegðun líka. Desdemona er alger leti og keliköttur og líður hvergi betur en í fanginu á einhverjum eða þegar hún fær eitthvað gott að borða. Hún nennir yfirleitt ekki að leika sér með bolta og þess háttar en flugur og fiðrildi og nú síðast fuglar er eitthvað sem hún telur þess virði að hreyfa sig fyrir. Trinity er miklu sjálfstæðari og mjög aktív. Hún er alltaf á ferðinni og leikur sér mjög mikið og finnst alveg nauðsynlegt að foreldrar hennar leiki sér með, þ.e. að við hendum boltum fyrir hana til að sækja o.þ.h. Henni finnst líka obboslega gott að láta klappa sér og klóra sér á maganum en bara þegar hún biður um það.

Gott framtak að tala um kisurnar.
Mínar eru tvær, Freyja er bröndótt húskattalæða 16 mánaða gömul, sennil. abbysiniu blanda eða eitthvað. Hún er sko ekki allra, ókunnugir fá ekki tekið hana upp, en hún er voða góð við börn og svo náttúrulega við okkur hjónin. Hún fór á hótel í sumar og þá át hún ekkert í 2 daga, hún verður að hafa mömmu til að gefa sér. Hún er mjög sérstök, hún er meðal annars sækir, þ.e. maður hendir bolta og hún sækir hann og leggur hann hjá manni og biður mann að sækja hana aftur. Hún mjálmar næstum aldrei og malar svo lágt að maður þarf að leggja eyrað að henni til að heyra það. Hún var tekin úr sambandi strax í janúar s.l., en samt eignaðist hún kettling þegar ég keypti Bengal högna af Óla í Nátthaga, hann heitir Týri hjá mér, en Toghu hjá Óla og er rúml. 9 mán. og algjör gaur, hann elskar háa staði, reyndar hún líka, hann kemur til mín eftir matinn kvölds og morgna og rekur upp svona stutt mjá og þá á ég að klóra honum og kela við hann, og þá malar hann eins og mótorbátur, maðurinn minn kallar hann MB Týra. Hann spjallar mikið, þegar hann er óþolinmóður eftir matnum syngur hann aríur, hann meira að segja lætur vita þegar hann er að della í kassann sinn.
Denna

Ég fékk kisuna mína á dýraspítalanum í Víðidal en öllum systkinum hans var lógað nema honum þvi hann var svo fallegur og reynt var að finna handa honum heimili.
Hann heitir Hlöðver og er tveggja ára, svartur og frekar grannur (reyndar aðeins byrjaður að fitna). Hann er geldur og eyrnamerktur en merkingin er eiginlega bara farin. Þegar hann var kettlingur var hann mjög ærslafullur, klifraði oft á bakið á manni og sofnaði bara þar. Svo kúrði hann stundum á maganum á manni. Hann vildi hinsvegar aldrei sofa í bælinu sínu.
Við ætluðum að hafa hann sem innikött en hann slapp svo oft út og var orðinn vanur því svo sú áætlun mistókst.
Núna þegar hann er orðinn aðeins eldri er hann oftast úti, annars kemur hann inn á milli og fær að éta og sefur hérna stundum. Hann er ekki mikið kúrudýr ennþá en einstaka sinnum getur hann verið góður og skemmtilegur.
Hann er farinn að leita í gluggakistuna í stofunni til að sofa eða bara vera þar. Um tíma byrjaði hann að nota bælið sitt sem svefnstað en er hættur því núna aftur.
Ég gæti svosem skrifað helling um kisann minn en ég er að hugsa um að sleppa því..:)

kisinn minn heitir Brúni og er rúmlega 5 ára gamall dökkbrúnn Oriental köttur. Hann er inniköttur fyrir utan þegar hann fer út á svalirnar okkar og skúrþökin í kringum svalirnar.
Hann er soldið taugaveiklaður og bregður mjög auðveldlega.

Kötturinn minn heitir Kolskeggur og er að verða 5 ára. Hann er dökk kaffibrúnn-virðist svartur.
Hann er risastór-“stærsti köttur sem ég hef séð” segja flestir sem sjá hann. Á nóttunni sefur hann uppi í hjónarúmi á milli koddana okkar með höfuðið á mínum kodda. Kolskeggur er algjör elska og leggur aldrei klær á neinn nema smáfuglana. Hann er skæður veiðiköttur og veit að meðan hann heldur áfram að klóra sér eins og brjálaður á nóttunni (uppi í rúmi) þá get ég ekki sett stærri bjöllu á hann. Við matborðið er ekki hægt að segja að hann sníkji, hann slær á handarbakið á manni og krefst þess að fá eitthvað-þegar hann er búinn að setja klærnar ofur varlega í lærið á manni. Kötturinn minn er stórkostlegur og ég hefði verið brennd á báli hérna fyrr á öldum-hann fer með mér í gönguferðir, fylgir mér út í búð-í leikskólann og bíður fyrir utan eftir að ég komi út. Ég get farið út á tröppur og flautað á hann ef ég vil að hann komi inn og hann kemur. Ég hef átt ketti áður, þann fyrsta þegar ég var barn, og þekkt marga ketti í gegnum árin en aldrei hef ég hitt kött eins og Kolskegg.
Líf mitt væri fátækara án Kolskeggs(verst að hann skuli ekki geta lesið þetta).

ps dýra eigendur ég mæli ekki med tví ad tid leikid ykkur med leisergeisl med dýrunum, ekki gott fyrir blessud dýrinn. eg hef átt hund og tad fór mjog illa med hann ad leika sér med geislan..
Ps Danskir kettir eiga vid ofitu vandamál ad strída, en tinn kottur.
Dýravinnu