Það fer allt eftir því hvað þú ert að gera. Það er í sjálfu sér ekki flókið að leggja rafmagn í blöndungsbíl en innspíting flækjir málið svolítið. Ef þú ert að hugsa um auka ljós ofl. þá er þetta ekki mikið mál.

Ég ráðlegg þér að hugsa til lengri tíma þegar þú leggur rafmagn. Ég er mjög hrifinn að koma upp tengiboxum hér og þar, sem gera ráð fyrir miklu fleiri úttökum en ég þarf á að halda í það skiptið. Það er miklu þægilegra þegar nýtt tæki er tengt.

Sem dæmi þá lagði ég nýja víra í afturhluta bílsins (öll ljós). Ég er með tengibox í húddi og annað fest á grind innan við stuðara. Á milli er kapall með 10 vírum. Ég þarf ekki á þeim öllum að halda en þegar ég bæti við ljósum þá er gott að hafa þetta tilbúið.

JHG

Sæll Krissi

Svarið er einfalt. Það er ekkert mál ef þú veist hvað þú ert að gera!!!

Kv Isan

Venjulegt bílarafmagn er venjulega ekkert stór mál. Það þarf bara að passa að vírarnir séu nægilega sverir til að flytja strauminn, og að ekki séu ofstór öryggi á vírunum (öryggi vernda vírana frá að skemmast vegna ofmikils straums).
Svo þarf náttúrulega að passa að einangrunin sé í lagi, og að vírarnir nuddist ekki í sundur.
Ef hins vegar er verið að tala um tölvulagnir, svo sem fyrir abs hemlalæsivarnir, þá borgar sig að fá fagmann til að skoða lagnirnar, áður en eitthvað er gert.
Kveðja habe.