Ég keypti mér langan Suzuki Fox 413 árið 1989. Þá var talað um Foxinn sem tískujeppa, því hann rokseldist og menn voru að fara um allt á þeim. Ástæða þess að ég keypti svona grip var að bróðir minn átti einn og hann hafði smitað mig af jeppabakteríunni.

Síðar hækkaði ég Foxinn upp, setti 33" dekk undir og B20B í húddið. Ég átti súkkuna til ársins 1996 þegar ég keypti Blazer K5.

Súkkan stóð sig alltaf mjög vel, og aldrei tókst mér að velta henni, þrátt fyrir aftakaveður og hliðarhalla. Margir af mínum félögum áttu súkkur, og ég man ekki eftir neinum sem tókst að velta þeim. Einn félagi minn átti hinsvegar svakalega breiðann Willys sem honum tókst með undraverðum hætti að velta. Menn verða bara að keyra súkkurnar eins og jeppa og þá er allt í lagi.

Annars þá hafa fleiri jeppar haft orð á sér fyrir að vera valtir. Bronco sport fékk þennan leiða stimpil á sig, Volvo Lapplander var stundum á hliðinni og Izusu Trooper fékk mjög slæma umfjöllun frá einhverjum samtökum í USA (sömu og gagnrýndu Samurai).

Prófið sem súkkan (og Izusu) féll á í Bandaríkjunum miðaðist við að taka 90 gráðu beygju á óheyrilegri ferð (minnir að það hafi verið 60mph). Sölumaður hjá Sveini Egilssyni (sem seldi súkkuna) sagði að jeppaþjóðin íslendingar hefðu meira vit en að fara að taka vinkilbeygju á þvílíkum hraða. Við vitum það að jeppi er valtari en fólksbíll og okkur ber að umgangast hann sem slíkann.

En Suzuki Fox er klárlega jeppi. Hann er með allt sem þarf. En hvað nota menn yfirleitt til að takmarka hvort um jeppa eða jeppling er að ræða? Það sem ég hef heyrt á mönnum er:

* Grindarbyggður, að mínu mati er það ekki nauðsynlegt, jeppi með grindarbitum getur alveg staðið fyrir sínu (og þeir hafa sínt það og sannað). Súkkan er byggð á grind svo að þröngsýnustu menn geta ekki fellt hana á því.

* Hásingar, margir jeppar í dag eru með flexitora og þó þeir séu ekki eins sterkir og rörin þá virðast þeir duga þokkalega. En það snertir ekki Foxinn, hann er með hásingar að framan og aftan.

* Millikassi, hátt og lágt drif, að mínu mati það atriði sem sker úr um hvort um jeppa eða jeppling er að ræða. Súkkan er með millikassa og hátt og lágt drif.

Ég get því ekki séð að hægt sé að segja að Foxinn sé ekki jeppi, hann hefur allt til þess, og hefur margsannað sig á fjöllum!

JHG

Mjög auðvellt að breyta foxinum. Við bræðurnir breyttum súkkum í skúrnum hjá pabba með venjulegum bílskúrsverkfærum, og það kostaði mjög lítið.

JHG

wiss
Oki í fyrsta lagi er Fox ekki beint hannaður fyrir breytingar

kallinn, bara svo að þú vitir eru engir jeppar hannaðir fyrir breytingar, breytingarnar eru hannaðar fyrir þá