NEINEINEI!!! Það að súkka á 33“ komist jafn mikið og stórir flekar á 38” eða 44“ fer eftir aðstæðum! Súkkan kemst meira í léttum snjó og þegar sól og blíða er! En þegar snjórinn fer að verða meiri og þyngri eru það stóru bílarnir sem hafa vinninginn(sem er alltaf á íslandi), þeir eru á stærri dekkjum sem þýðir að þeir eru hærri og eru ekki að draga kúluna! Og svo komast súkkur ekki upp brekkur!

p.s. Súkkukallar ekki taka þessu nærri ykkur þetta er bara staðreynd! EN hvað veit ég? ég er bara á 38” Patrol!

kv, Geiri KlikK

Sæll, heillakallinn.

Sko, þegar jeppi verður að jeppa þá er dekkjastærðin ekki nema brot af því sem átt er við. Þegar jeppa er breytt þá er verið að óska eftir því að hann sé hæfari en hann var áður í að takast á við ófærur. Ófærur geta verið margvíslegar t.d. straumvötn, sandbleyta, gljúpur sandur, hraunslóði, brattar brekkur, djúpir skurðir með brúnum hvoru megin, ár með ísskörum ásamt öllum þessum aðstæðum með snjó ofaná misþykkum, mis blautum og misþéttum.

Þegar þú hannar jeppa þá er að mörgu að hyggja. Við á Íslandi sækjumst mikið eftir að láta jeppana <i>fljóta</i> á snjó og til þess þarf stór dekk miðað við litla þyngd. Þegar þú ferðast um hálendið að vetrarlagi lendirðu gjarna í því að þurfa að fara yfir lækjarsprænur sem eru þá jafnvel til hálfs ísi lagðar og mikið frostbólgnar (þ.e. klaka brúin langt fyrir ofan vatnsyfirborðið) og þá þarftu að hafa <b>aðfalls-,og fráfallshorn</b> bílsins gleið og sömuleiðis hátt undir kvið bílsins.

Í viðbót þá er stærðin ákveðinn kostur til að koma fyrir hinum ýmsu aukahlutum s.s. auka tank, lóló milligír loftkút o.s.frv.

Ég vona að ég hafi gert mig skiljanlegan í þessum efnum en reyndin er sú að í vissum færum gætir þú á Vitöru stungið 38-44" 2.5 tonna jeppa af en þegar á heildina er litið þá virkar best að hafa dekkin sem stærst og gírunina mesta.

Kv Isan

Ég er sammála þeim sem áður hafa svarað. Léttir bílar komast oft hratt og vel áfram í léttu færi, en þegar reynir þá þá enda þeir oft í spotta aftaní kafbátunum á stóru dekkjunum.

Flestir jeppamenn byrja á léttum bílum (einfallt og ódýrt). Síðan liggur leiðin yfirleitt í stærri og þyngri jeppa, á stærri dekkjum (ef þeir hrökklast ekki úr sportinu).

Sjálfur byrjaði ég á Suzuki (Fox) SJ413 sem ég setti á 33“ dekk og breytti á alla kanta. Bíllinn dugaði mér vel, en að lokum varð ég að fallast á að hann var ekki besta farartækið í fjallaferðum þó lítil þyngd hafi stundum gefið honum forskot.

Ef ódýrir, léttir bílar á 33” dekkjum væru bestu fjallabílarnir þá myndu menn halda sig við þá.

JHG