Ég er viss um að hlutfall jeppa (og slyddujeppa) er töluvert hærra hjá okkur en þeim. Alveg eins og að ég er viss um að það eru fleiri jeppar í Alaska en Kaliforníu (og örugglega meiri sala á kuldaklæðnaði í Alaska ;).

Flestir jeppar hér á landi eru allavegana 95% notaðir eins og fólksbílar. En svo koma hin 5 prósentin.

Íslendingar eiga margir sumarbústaði sem þeir nota allt árið um kring. Vegir að þessum húsum eru ekki ruddir oft og fólk þarf oft á jeppum að halda til að komast þangað (síðasti vetur er ekki marktækur).

Ef við viljum kynnast hálendinu þá þarf oft á tíðum jeppa til þess. Á sumrin duga yfirleitt “slyddujeppar” til að komast á skemmtilega staði, og fá smá óbyggða tilfinningu.

Það er töluverður munur að þurfa að keyra yfir óbrúaðar ár (þó þær séu kannski ekki stórar) og eftir vegarslóðum eða að þurfa að fara frá Mílanó til Napólí á þriggja akreina hraðbraut.

Ég held því að samaburður á svona gjörólíkum stöðum sé vafasamur.

JHG