Það er tvennt sem ég tel vera mikilvægast í því sem klúbburinn hefur komið til skila.

Annars vegar er það sem Cruiser nefnir um starf tækninefndar. Hún hefur komið því til leiðar að breytingar á jeppum eru löglegar og framkvæmdar þannig að bílarnir eru ekki hættulegir í umferðinni. Fyrst þegar menn voru að byrja að fikta við þetta í bílskúrunum var þetta allt kolólöglegt í raun og framkvæmt þannig að bílarnir gátu verið stórhættulegir og algjörlega með sjálfstæðan vilja. Það er í raun stórmerkilegt að það hafi tekist að fá jeppabreytingar samþykktar af yfirvöldum og klúbburinn á stóran þátt í því.

Hitt er viðhorfsbreyting gagnvart náttúrunni og náttúruskemmdum. Fyrir 20 árum var ekki óalgengt að menn keyrðu hugsunarlaust hvar sem er og ennþá hægt að sjá hjólför frá þessum tíma, því þau geta verið sjáanleg ótrúlega lengi. Þetta var eitt af meginmálum klúbbsins í upphafi af því jeppamenn voru oft ekkert vel séðir og taldir vera umhverfissóðar. Núna er orðinn allt annar hugsanaháttur og um leið jeppamenn litnir almennt allt öðrum augum. Um leið er sérstök undanþága í lögum til að aka á snjó og frosinni jörð utan vega.

Þetta hvortveggja er grundvallaratriði í því að við getum í dag ferðast á breyttum jeppum um fjöll og jökla án þess að neinn amist við því.

Miro