Það er nú ekki mikið að segja um hljómsveitina. Tómas Einarsson spilar á kontrabassa, Eyþór Gunnarsson á píanó og slagverk, Hilmar Jensson á gítar, Matthías Hemstock á trommur og slagverk, Pétur Grétarsson á slagverk, Kjartan Hákonarson á trompet og Samúel Samúelsson á básúnu.

Ég á diskinn Kúbanska, sem er held ég eini diskurinn þeirra, og mér finnst hann ekkert sérstakur. Hann er a.m.k ekki peninganna virði. Það eru 2-3 ágæt lög á honum en restin (7-8) er bara eitthvað leiðinlegt rugl. Röddunin hjá blásurunum er frekar ókúbversk og þeir taka eiginlega engin sóló. Auk þess er gítarleikarinn hundleiðinlegur og tekur allt of mörg sóló. Hins vegar eru sólóin hans Eyþórs mjög flott.

Tómas er að vinna að nýjum diski, Havana, sem hann tók upp á Kúbu með kúbverskum tónlistarmönnum. Ég held að hann komi út í haust eða um jólin en er samt ekki viss. Vonum að hann verði betri en Kúbanska.

Verð að vera ósammála ssd, mér finnst Kúbanska mjög skemmtilegur diskur. Sérstaklega er Eyþór æðislegur.
Hljómsveitin er ekki formlega til sem slík, þetta er meira svona “grúppa af tónlistarmönnum sem unnu saman að geisladiski”. Þeir hafa verið að spila saman á ýmsum tónleikum og viðburðum síðan Kúbanska kom út. Titillag plötunnar, Kúbanska, var tilnefnt til Íslensku tónlistarverðlaunanna 2002 sem besta djassverkið.
Það eru ekki þessir tónlistarmenn sem spila á næstu plötu Tómasar, Havana, sem kemur út mjög bráðlega, heldur kúbanskir tónlistarmenn. Sá diskur verður “kúbanskari” en Kúbanska, enda tekinn upp í Havana.
Ég held að það sé ekki mikið um plötuna á Netinu en þú getur athugað hvort þú finnur ekki dóma frá Vernharði Linnet á mbl.is, það ætti að vera hægt að finna þá þar.