ég held að hann hafi ekki droppað, það er bara annað sem er að rísa :o)

Þetta er líka spurning um efni. Um hvað eiga greinarnar að vera? Maður myndi varla nenna að lesa endalaust greinar um ævisögur djassara. Svo væru svörin bara ‘Já, hann er ótrúlega góður hann Miles’ og eitthvað í þá áttina.

Ef einhver kæmi með grein um djass skala einhverja þá væru held ég fáir sem vissu eitthvað um það, nema þið FÍH karlar og aðrir áhugamenn.

Svo vill maður náttúrlega ekki sjá umræður þróast í ‘Mér finnst Guðmundur Ingólfsson lélegur’ og ‘Æi þegiðu, þú ert fífl, hann er víst góður’ eins og gerist oft á öðrum áhugamálum (t.d. Blizzard og Skóli).

Það vantar bara fleira djass áhugafólk. Ætli ég komi ekki með grein einhverntímann á næstunni. Um að gera að hjálpa.

kv.
cosinus.

Ég er sammála því að djass hefur ekki hrapað gífurlega í vinsældum síðustu áratugi, þó svo hann sé nú ekki jafn almennt vinsæll eins og áður. Reyndar finnst mér djass vera að aukast í vinsældum, sérstaklega uppá síðustu 10 ár, en þegar ég var um tvítugt voru t.d. ekki margir á mínum aldri sem hlustuðu á djass. Þá voru strákar eins og Óskar Guðjóns og fleiri að byrja að láta að sér kveða að einhverju viti, en nú er fullt að gerast í djassinum að mér finnst.
Varðandi áhugamálið þá kemur þetta greinilega í bylgjum, nokkrar greinar í röð og svo ekkert þess á milli sem er allt í lagi. Maður hefur þá tíma til að melta þær og jafnvel að hlusta eitthvað á það sem fjallað er um. Mér finnst mikið af góðum greinum hafa birst hér síðan í haust og vona að það haldi áfram.
En um að gera að halda þessu áhugamáli lifandi, en ekki fara að dæla endalaust bulli inná það. Vel skrifaðar og áhugaverðar greinar með reglulegu millibili er gott mál.

Það gefur verið stappað á alla stóra djassviðburði hérna síðasta árið, og mjög góð aðsókn að mörgum minni, þannig að það er augljóslega hópur fólks sem hefur mikinn áhuga á því sem er að gerast.