p.s ég var að stofna rás á irkinu sem heitir #hundar, endilega að fjölmenna þar og þá geta allir spjallað :)

HJARTA,
Ég held að þú ættir að endurskoða það að taka 5-6 vikna hvolp. Ekki það að ég haldi að hann verði geðveikur heldur eru meiri líkur á ýmsum vandamálum. Ofvirkni og fl.
Ég mundi frekar hvetja þann aðila sem er með þessa hvolpa að gefa þeim gott og hollt hvolpafóður því þeir ættu að vera farnir að fá það, ef ekki þá sér tíkin kannski ekki frammá að hún geti annast hvolpana. Síðan að klippa klærnar á hvolpunum þvi þeir geta verið farnir að særa tíkina í kringum spenana. Ég á bágt með að trúa að tíkin vilji þá ekki nema að einhver ástæða liggji á bak við.
Reyndu frekar að hjálpa til við fá tíkareigandann til að hafa þá lengur. Þeir þurfa að vera hjá móðurinni til að minnsta kost 8 vikna aldurs. Mamman kennir þeim að t.d. bíta ekki of fast o.s.f. í leik.
Appolo

það er ALLTOF snemmt að láta hvolpa frá sér 5-6 vikna gamla, þeir verða kannski ekki geðveikir en geta átt við hegðunarvandamál að stríða þegar að þeir verða eldri ofl. Hundar ganga í gegnum ýmis þroskastig og er t.d. nýburastigið hjá þeim þegar að þeir eru 11-14 daga. Þá eru þeir algjölega háðir mömmu sinni, þeir heyra ekki og sjá ekki. Næsta þroskastig er 2-4 vikna sem er það stig sem hundurinn sem þú ert að spá í að fá þér er á núna. Þá fara þeir að sjá og öll önnur skynfæri verða virk. Hvolparnir fara að vera virkari, tennurnar fara að koma í ljós og þeir fara að naga hvern annan, fara síðan að skríða úr bælinu, fara að leika sér og kúka og pissa. 3-12 vikna, á þessu tímabili eru hvolparnir að þróa með sér aðlögun gagnvart hverjum öðrum, mömmu sinni, mannfólki og öðrum þáttum í umhverfinu það er því mikilvægt að hann hitti aðra hunda og ólíkar manneskjur á þessu aldurskeiði. osfrv osfrv, ég ætla ekki að fara að vera með grein um þroska hunda en aðalmálið er að þeir eru að þroskast mikið á fyrstu vikunum og er mamma þeirra best til að kenna þeim fyrstu vikurnar og því ekki ráðlagt að taka hvolpa svona snemma frá henni. HJARTA ef þú ert enn í vandræðum, prufaðu þá að hringja í einhvern dýralækni og spyrja hann. Þú hlýtur að geta fengið hann ca. 8 vikna.

Sæl Hjarta

Við eigum hund sem við fengum 5 vikna. Hann var munaðarlaus frá fæðingu og hafði því aldrei neitt af móður sinni að segja, því miður. Í dag er hann 2 ára og hefur allt gengið vel. Ég er sammála því að best væri fyrir hvolpinn þinn að vera á heimilinu til minnst 8 vikna aldurs. Þó tíkin sinni hvolpunum ekki er mjög gott fyrir þá að vera saman þennan tíma.

Ég er einnig sammála því að það sé mjög mikilvægt að hann hitti aðra hunda reglulega. Ef hann hefur ekki fengið leiðsögn hjá móður sinni getur hann orðið óöruggur innan um aðra hunda seinna meir ef hann kann ekki almennilega hundasiði. Það er í það minnsta það sem við höfum þurft að vinna mest í með okkar hundi. En síðan er það auðvitað að kynna sér vel hvað felst í því að taka að sér hvolp eins og nefnt var hér að ofan, hitta fólk og kynnast ýmsum aðstæðum og fleira í þessum dúr. Ég mundi líka ráðleggja þér að fara með hann á hvolpanámskeið. Það hjálpaði okkur mikið þar sem þetta var okkar fyrsti hundur. Við töluðum líka við dýralæknana í Garðabæ sem voru mjög hjálplegir.

En aðalatriðið er að kynna sér málið vel og ef þú hugsar vel um hann fer þetta örugglega allt vel.

Gangi ykkur vel
thulu

Sæl Hjarta.
Þú ættir að hugsa þig vandlega um. Það er ólöglegt að láta frá sér hvolpa yngri en 8 vikna. Aftur á móti ef þú hefur góðan tíma, og ert stöðugt heima, getur þú fengið hvolpamjólk handa honum og hugsað um hann (verið mamma hvolpsins).
Það er í raun 2 hlutir sem hvolpar þurfa frá fæðingu.
Það er
1. Mjólkin og
2. Mamman til að kenna þeim hvað þeir meiga og hvað ekki, og sýna þeim ást og ummhyggju.

Þú hefur valið ef þú treystir þér í það :)