Hvað er hann gamall ? ég hugsa að 3-4 sinnum út á dag sé bara alls ekki nóg.. þegar minn hundur var svona ungur fór ég með hann út á klt. fresti, líka á nóttunni og svo lengir maður tímann bara smám saman…. minn var frekar fljótur að húsvenjast..
svo er líka gott að hafa í huga að hvolpar þurfa út eftir svefn, mat og leik og þú sérð það líka á honum fljótlega hvenær hann þarf út, þ.e. hann verður kannski soldið órólegur og svoleiðis..
svo er nú bara um að gera að leika við hann og sýna honum húsið þvi hann er jú að koma á nýjan stað þar sem margt er að skoða og er kannski ekki alveg öruggur….
svo eru margir sem nánast teppaleggja íbúðina með dagblöðum og fækka þeim síðan smátt og smátt og kenna hundinum þannig… ég reyndar sleppti alveg þessu með dagblöðin og vandi minn bara beint á að fara út en það fer auðvitað bara eftir hverjum og einum..
svo er það nú bara þannig með hvolpa að þeir gera helst ekki neitt nema þeir megi það EKKI… :) en það er um að gera að hrósa honum fyrir allt sem hann gerir rétt og fylgjast vel með honum til að kynnast honum vel og endilega lestu þér vel til um tegundina og vertu dugleg að spyrja.. (því miður get ég ekkert sagt þér um chihuahua tegundina sérstaklega..)

Gangi ykkur rosa vel..

Isiss

Hæ hæ,
ekki örvænta þótt hvolpurinn láti ekki að stjórn í fyrstu, það er fullkomlega eðlilegt. Það tekur tíma og þolinmæði að gera hvolp húshreinan.

Það mikilvægasta er að ákveðin regla sé á hlutunum, þ.e. að farið sé út með hvolpinn strax og hann vaknar á morgnana og áður en hann fer að sofa á kvöldin, einnig alltaf eftir máltíðir (gefðu honum alltaf að borða á sama tíma) og þegar hann vaknar upp af þeim fjölmörgu lúrum sem hann væntanlega tekur yfir daginn.
Farðu alltaf með hann á sama stað út í garði svo að hann viti að þessi staður þýði að hér eigi hann að pissa/kúka. Athugaðu að þú þarft kannski að standa yfir honum í smá stund (ca. 10 mín) áður en eitthvað gerist. Ef ekkert gerist prufaðu að labba með hann stuttan hring í garðinum og fari síðan aftur á klósettstaðinn, stundum þarf það til að koma þessu í gang. Hrósaðu honum vel ef hann gerir eins og til er ætlast. Hafðu hann í ól meðan á þessu stendur svo hann hlaupi ekki burtu og fari að leika sér. Þegar hann hefur pissað/kúkað á réttum stað fær hann að leika sér að vild.

Skammaðu hvolpinn þegar hann gerir stykki sín inni, en athugaðu að þú verður að standa hann að verki, það þýðir ekki að reiðast honum fyrir eitthvað sem hann er löngu búinn að gleyma að hafa gert. Ekki nota nafn hundsins þegar þú skammar hann.

Ef hvolpurinn hefur pissað inni er gott að þrífa eftir hann með lyktareyðandi efni vegna þess að annars er hætta á að hann leiti aftur á sama stað til að pissa.

Í sambandi við hvernig best sé að ala hann upp skaltu endilega taka fyrir alla slæma hegðun um leið og hún kemur fram. Notaðu þá orðið NEI í hvössum tón. Ekki leyfa Steina að komast upp með frekju og yfirgang á meðan hann er hvolpur, hundinum líður betur ef hann hefur aga og reglu.

Vonandi hefur þetta komið að einhverju gagni,
endilega kíktu á þessa síðu hún býr yfir góðum upplýsingum varðandi hundauppeldi: www.canismajor.com/dog

hvaðan er hann?
það skiptir miklu máli í uppeldi þeirra frá byrjun að þeir séu vandir á að pissa á blað. ég á chihuahua og það er ekki erfitt að húsvenja þá.

Ég var nú ekki alveg að tala um að ég væri að gefast upp, heldur bara að hvort einhver gæti gefið mér góð ráð í sambandi við hvernig sé best að ala svona lítil dýr upp. Hann er jú frá Dalsmynni….ég er sífellt að heyra eitthvað nýtt um Dalsmynni. Hvað er svona mikið að hjá þeim?

Komdu sal,
Ég vona að þú getir notað eitthvað af því sem ég ætla að milða til þín, þannig var að systir mín fékk sér einn 8 vikna gamlan, og var hann þá vanur að gera allar sýnar þarfir á blaði, ég hef þjálfað hunda af öllum stærðum og gerðum, og eru chihuahua mjög góðir og gegna vel, en það verður alltaf ef hann gegnir ekki að nota rödd sem er hvöss, og svo aftur á móti blíðlega rödd þegar hann gerir eitthvað gott og hrósa honum mjög mikið, þeir þykjast vera mestir og bestir í öllu svo það þarf aga og það er það sem þeir vilja, þegar þú gengur með hann í taumi og hann á það til að draga þig, togaðu þá þannig í tauminn, að þér, þangað til hann gengur hæll og láttu hann aldrei komast framúr þér, þetta kostar vinnu, en þú verður alveg í skýjunum þegar hann er farinn að gegna þér, svo er það með að gera þarfir sínar á blaði, hafðu staðinn það þröngan, (útbúðu bara lítið pláss) og fylstu með honum, fagnaður honum mjög mikið ef hann gerir þetta rétt, en ef ekki skaltu dýfa trýninu á honum oní pissið og hvessa á hann, og fara svo með hann aftur á staðinn, þangað til að þetta kemur, þetta getur tekið tíma, en þú veist ekki hvað það er gaman þegar hann gegnir þér. Þetta með Dalsmynni, það er mjög góður staður, og þetta fólk sem er að setja út á hann, öfundar bara hvað ræktunimm er góð það og vel hugsað um dýrin, Ég myndi ekki hlusta á svona vitleysu, erum við ekki að hugsa um dýrin, en þetta fólk er ekkert að hugsa um þau, bara staðinn Dalsmynni.
Ég vona að þú hafir eitthvað í höndunum núna sem þú getur farið eftir, annars skal ég með glöðu geði aðstoða þig ef þú villt. Bless.
<br><br>popo