Ég vil nú ekki meina að þeir séu betri, en staðreyndin er sú að blendingar eru í miklum meirihluta yfir þá hunda sem er lógað árlega.
Ástæðan fyrir því gæti verið sú að þeir eru langoftast gefins eða kosta mjög lítinn pening, og fólk freistast oft til þess að fá sér einn “til að prófa”, og sé svo eftir einhvern tíma að það nennir ekki að hafa hund.
Hundurinn endar því oft á flakki á milli heimila eða er lógað.
Þetta kemur líka fyrir hreinræktaða hunda, en í minni mæli.

Þegar fólk er að eyða miklum fjárhæðum í hund, þá hugsar það oftast um það í einhvern tíma áður, og virkilega spáir í því hvernig hund á að fá sér og hvort að hann henti.

Svo líka þegar fólk fær sér hreinræktaðann hund þá er nokkurn veginn hægt að segja til um hvernig hundurinn hann verður, þeas karakterinn, en með blendinga, td bordercollie/labrador, þá er ekkert ljóst fyrr en eftir slatta tíma hvort að hann verði líkari Labrador eða Border Collie, og það eru ekki allir sem vilja fjárhunda, og það eru ekki allir sem vilja hunda með veiðieðli (td eins og í terrier).

Ég er ALLS EKKI að setja út á blendinga á einn eða annan hátt, hef átt yndislegann blending sem var eins og hugur minn, en ég held samt að ástæðurnar sem ég nefndi hér að ofan ættu að fæla fólk frá því að búa til blendinga viljandi.
Það þarf ekki að gera meira en að skoða smáauglýsingar í dagblöðum og á hundasíðum á netinu til að sjá að það er rosalegt framboð af blendingshvolpum jafnt sem stálpuðum og fullorðnum blendingshundum.<br><br>——————————
<i>Nennir þú að rétta mér pennann ?</i