Ég á eitt eintak frá dynavet, ég hafði hana á tíkinni minni í 2 vikur áður en ég kveikti á henni, málið ef nefnilega að hundurinn á ekki að tengja spreyið við ólina. þessvegna þarf hann að venjast þessari ól fyrst, þær eru nú nokkuð þyngri en venjulegar ólar.
Voffi á að halda að þetta sé refsing bara af himnum ofan fyrir geltið, því svo átt þú að geta tekið ólina af þegar hann er hættur að gelta og hann á ekki að byrja aftur, vegna hræðslu við reiði ósýnilega guðsins ;)

Ég er hæst ánægð með mína, er búið að vera kveikt á henni í um 3 vikur. Tíkin mín er hætt að gelta á alla sem labba framhjá bílnum, hún bara situr og skoðar fólkið í staðinn fyrir að fá næstum hjartaáfall af frekju og æsingi yfir að einhver nálgist “hennar” bíl
Eins þegar dyrabjallan hringir kemur 1 pínu bofs, það lágt að það sprautast ekki á hana og svo trítlar hún niður að gá hver er að koma, áður fór hún gjammandi á 200 km hraða niður að hurðinni, oftar en ekki náði hún ekki að stoppa þannig að hún þrykkti sér á hurðina (fólk hefur örugglega haldið að þetta væri skógarbjörn með hundaæði), svo var hún orðin svo æst að hún gat ekki hitt gestina strax ef hún hafði aldrei séð þá áður.
Kosturinn finnst mér líka að hún er ekkert mállaus með þessa ól, hún nær alveg að láta mann vita að með smá voli ef hana vantar eitthvað boltann sem hún nær ekki eða bara að fara út að pissa.
Þar sem litla krílið mitt er alger kuldaskræfa þá svínvirkar kælispreyið á hana, sem þýðir enginn svaka lykt af sítrónum út um allt hús. Henni virðist líka bara líða miklu betur í dag hún er ekkert að tjúna sig upp þangað til hún ræður ekki við sig. hefði átt að fjárfesta í sona ól miklu fyrr en hún er að verða tveggja. alveg peningsins virði.
Þessar ólar eru hins vegar mismunandi, sumar gelta við högg, aðrar við hljóð, bestu ólarnar sprauta þegar það er sambland af þessum tveim hlutum. ég veit satt að segja ekki hvað mín nemur en hún er ekki eins og sumar sprautandi í gríð og erg bara ef hundurinn er að hoppa og leika sér eða þegar ég skelli hurð við hliðina á henni. Ráðlegg þér að tékka á þessu ef þú ert ekki búin að opna ólina.

kv. Pooh