gorsin fyrir 21 árum, 5 mánuðum Fjöldi lestra: 342

Beagle ekki fyrir alla....

Ansi þykir mér það dapurt hundalíf að mega aldrei tjá sig þeas. gelta. Hvorki varnargelti né hamingjugelti í leik. Ég er ekki viss um að eigandi þess hunds væri kátur með að fá aldrei að opna munninn og tjá sig.
Ungir hundar geta ekki verið einir í 8 klst. eða lengur. Það verður að venja hvolpa frá unga aldri að vera örstutta stund einir heima með tímanum getur hann verið einn í 5-6 klst.
Margir Beagle hundar hafa gengið á kaupum og sölum. Flest allir fyrir utan kannski 5 hunda koma frá Dalsmynni og eru því fæddir í búrum og alast upp í búrum eins og hænsni. Dapurt. Þeir eru einnig seldir þaðan á röngum forsendum. Sagan sem fylgir þeim við sölu þaðan er að þetta sé ekki erfiðir og þrjóskir hundar. Sem þeir eru. Ég er ekki að segja að þeir geti ekki verið góðir heimilishundar og skemmtilegir. En þetta eru ekki litlir sætir sófahundar eins og útlitið við fyrstu sýn gefur til kynna heldur hörku vinnuhundar.
Kveðja,
Gorsin

Stubbur1 fyrir 21 árum, 5 mánuðum

Eins og talað úr mínu hjarta:)

Fyrra álit

avid fyrir 21 árum, 5 mánuðum

Ég veit ekki hvort þessi grein sé skot á mig út af fyrirspurninni minni hér neðar. En ef svo er þá vill ég aðeins fá að “svara fyrir” fyrirspurninni minni.

Mér finnst að það verði að gera greinar mun á því hvort hundar séu sígeltandi og gjammandi eða gefi frá sér einstaka gelt þegar þeir “hafa eitthvað að segja”. T.d. þegar þeir leika sér, vilja eitthvað og svo framvegis.

Varðandi viðveru eigenda. Við verðum að sætta okkur við það að í okkar samfélagi er ekki til nema örfá heimili sem geta verið fyrirmyndar heimili fyrir hund. Heimili þar sem er óendanlega stór garður og húsbóndinn er heima 24/7. Jú, þetta fyrirfinnst á Íslandi og er í daglegumáli nefnt bóndabær - en á öllum bóndabæum sem ég hef verið eru hundarnir geymdir úti, í þvottarhúsinu eða út í hlöðu/fjósi. Þar hafa þeir jú nóg pláss til að hlaupa um og eyða orku (“vinna”) - en þeir eru engir “bestu vinir mannsins”. Þeir eru bara skepnur á bænum.

Við vitum öll að hundar eru álitnir gæludýr í nútíma samfélagi og við verðum bara að sætta okkur við að þeir fái ekki alltaf gjörsamlega 100% fyrirmyndar heimili. Það eina sem við verðum að gæta er að hundaeigendur fari vel með hundana og leggi sig 100% fram við að gera gott fyrir þá. Eins og t.d. með að reyna að eyða sem mestum tíma með þeim, fara út að labba með þá og fara með þá á opin svæði þar sem þeir geta hlaupið um á…

En talandi um ræktun eins og Dalsmynni þar sem dýr eru geymd eins og hænur eða hver önnur “skepna á bænum”, þá er ég ekki hlynntur slíkri meðferð á hundum. Sem dæmi búa foreldrar mínir á bóndabæ við Höfuðborgarsvæðið þar sem bóndinn á næsta bæ hleypir hundinum sínum ekki inní húsið sitt heldur fleygir við og við matarafgöngun út til “kvikindsins” og þegar það er MJÖG vont veður þá leyfir hann “skepnunni” að vera í bílskúrnum… Enda lítur hundurinn út eins og Cujo.

Og á hinn bóginn finnst mér líka leiðinlegt þegar fólk á 5 hunda sem allir eru “þjálfaðir” til að vera stífir sýningarhundar. Svona punt. Án þess að ég sé að reyna að móðga einhvern með þessari skoðun minni.

Í mínum huga er hundur bara hundur. Hann er besti vinur mannsins. Hann er hluti af fjölskyldunni og okkur ber að sinna honum sem fjölskyldumeðlimi. Hundurinn verður að gera sér grein fyrir því hver er húsbóndinn.

Kveðja, Yokio hundavinur! :)

kv, Andri

Fyrra álit

[Notanda eytt] fyrir 21 árum, 5 mánuðum

sammála Yokio

Fyrra álit

Schafer fyrir 21 árum, 5 mánuðum

“Og á hinn bóginn finnst mér líka leiðinlegt þegar fólk á 5 hunda sem allir eru ”þjálfaðir“ til að vera stífir sýningarhundar. Svona punt. Án þess að ég sé að reyna að móðga einhvern með þessari skoðun minni.”
Hvað er stífþjálfaður sýningarhundur?? Þú móðgar mig samt …. ég á fimm hunda og þeir hafa allir staðið sig vel á sýningun…og hvað er svona leiðinlegt við þá????
þú hefur örugglega aldrei hitt mína hunda og það er ekkert “Stíft við þá” þótt þeim gangi vel á sýningum.Og eitt en mínir hundar eru ekkert uppá “punt” mér þykir jafn vænt um þá alla “5” EINSOG ÞÉR UM ÞENNAN EINA.. það er einn munur þó…þeim gékk vel

Jólakveðju schafe

Fyrra álit

avid fyrir 21 árum, 4 mánuðum

Schafer: Vá.. easy tiger. :)

Ég veit ekki hvort þú sért að reyna að móðga mig með þessum loka orðum þínum “það er einn munur þó…þeim gékk vel”. Eina sem mér dettur í hug er að þú haldir að ég sé einhver bitur karl sem á hund sem hefur farið á sýningu og skít tapað.. Well, í sannleika sagt á ég ekki hund. Ég er í “hundapælingum”. En þó hef ég alltaf átt hund í foreldrahúsum og á enn hund þar með fjölskyldunni.

Þú segir að þínir hundar séu ekki uppá punt. Þá er ég heldur ekkert að tala um þínar aðstæður… Skilurðu?

Ég byggi skoðun mína á nokkrum einstaklingum sem ég þekki og þá sérstaklega einum sem á nokkra hunda einungis notaðr til sýninga. Mér finnst ekkert að því að þraut þjálfa hunda og hafa þá snyrtilega, mér finnst líka í góðu lagi að fólk fari með þá á sýningar og keppnir.. En mér finnst (og ég ítreka að ég sé ekki að reyna að móðga neinn!) “ómannúðlegt”, eða hvernig á að orða þetta, að eiga hunda einungis til þessara tómstundagamans.

Ef við færum þetta bara yfir í samlíkingu. Maður á að hugsa um hundinn sinn eins og fjölskyldumeðlim. Ef þú eignast barn, þá er mjög ólíklegt að þú hugsir strax á fyrstu dögunum að þú ætlir að ala það upp til að verða sýningagripur en ekki leyfa því að eiga “eðlilegt” líf. Því að mér finnst það ekki eðlilegt “hundalíf” að rækta hunda einungis til þessara iðju.

Gott mál að þér þyki vænt um hundana þína. En þetta fólk sem ég er að tala um þykir það sjaldnast. Það er bara að þessu af einhverju keppnisskapi og áhuga sinn á keppnunum/sýningunum einum og sér - ekki hundunum sínum!

kv, Andri

Fyrra álit

Schafer fyrir 21 árum, 4 mánuðum

þetta átti nú aldrei að verða svo grrrr. “hot”easy eitthvað :-)

Það sem ég vildi meina er að … að hundar þurfa ekki að vera stíf … til að ganga vel :-)Ég hef ákveðnar skoðanir á sýningum og þær eru að hundategundir eiga að standast ákveðnar kröfur um útliti(hverju sinni) annanrs væri ekki um tegund að ræða :-)

Allar tegundir hafa sinn sjarma það er bara spurning hvað hentar hverjum hverju sinni. Ekki rétt?
vonandi átt þú eftir að finna þinn sjarma :-))
Ég er líka sammála þér að það má ekki dæma hunda eftir “iðju” en við sem erum ræktendur verðum að velja og hafna hverjir eru hæfir til ræktunar og hverjir ekki. og sýningar eru partur að því vali…. að eiga flottan sýningar hund er bónus ..hundar eru fyrst og fremst partur af fjölskyldunni og er það vonandi næstu 10-12 árinn. En það er þess vegna sem ræktun á sér stað, til að halda ákveðnum eiginleikum og útliti hver sem tegundinn er.

Mér þykir ofboðslega vænt um mína hunda og gæti ekki verið meira sammála þér um að sumir hugsa annað ……. ég er með mikið keppnisskap og reyni allt sem ég get til að halda mínum hundum í formi en sýningarþjálfun er það síðasta sem hugsað er um :-))
Sýningar hundur þarf fyrst og fremst að vera rétt skapaður(eftir tegund og af guðs náð)vel fóðraður,og í réttu jafnvægi til að takast á við áreiti einsog á sér stað á svona sýningum. Og ég get lofað þér því að barnið mitt (þá meina ég mannsbarn) hefur ekki þurft að pæla eða hugsa um hvort hún sé hæf til sýningar :-)

GLEÐILEG JÓL
öll sömul
Schafer,fjölskylda…….hundar kettir og Bína(african gray)

Fyrra álit

gorsin fyrir 21 árum, 4 mánuðum

Sæl Yokio,

Ég var síður en svo að skjóta á þig, heldur á þann sem svaraði þessu:
Okkar hefur alltaf verið stranglega bannað að “gelta”. Ef hann gerir það þá er hann skammaður, en hann “geltir” bara þegar hann er úti og einhver er að stríða honum fyrir utan girðinguna. En hann er laus inni í garði. Þá rjúkum við til dyra og skömmum hann.

Kveðja,
Gorsin

Fyrra álit

Hundar

Hundar

Ofurhugar

Stjórnendur

Hverjir eru inni

Korkar - Allt um hunda

Beagle ekki fyrir alla....

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi