scorpion78 fyrir 21 árum, 8 mánuðum Fjöldi lestra: 703

Bítur'ann

Í framhaldi af þessari grein sem var skrifuð hérna á undan langar mig fá álit ykkar á einu atriði. Þegar að ég fer út að labba með hundinn minn hitti ég mjög oft krakka. Undantekningarlaust spyrja þau: Má ég klappa honum, hvað heitir hann, er þetta stelpa eða strákur osfr. En því miður þá finnst mér þau einnig spyrja undantekningalaust að því hvort að hann bíti. Ég hef oft verið að hugsa um það afhverju krakkar eru svo óöruggir gagnvart því að hundur geti bitið. Vonandi hafa ekki allir þessir krakkar sem spyrja mig verið bitnir af hundi :(
Ég vill meina það að þetta komi oft á tíðum frá foreldrum því að þegar börn eru lítil er oft sagt við þau: passaðu þig á hundinum og jafnvel hann getur bitið. Þetta finnst mér vera svolítil neikvæðni þar sem börnin alast upp við það að halda að hundar bíti þau.
Allir hundaeigendur vita það að hundur bítur í EKKI nema eitthvað mikið sé búið að ganga á og hann orðinn hræddur og/eða finnst sér vera ógnað, í flestum tilfellum.
Allavega er ég búin að vera að predika fyrir börnunum í hverfinu hjá mér að hundar bíti ekki nema að þeir verði hræddir og óöruggir.
Auðvitað geta hundar bitið og eru ástæðurnar margvíslegar en mér finnst það samt algjör óþarfi að stimpla það inn í börnin okkar að passa sig á hundinum því að hann getur bitið. Hundarnir okkar eru því í festum tilfellum mjúk, loðin og sæt dýr sem ber að varast í augum barnanna.

shiva fyrir 21 árum, 8 mánuðum

Ja,það er óhætt að segja að þetta gerist í 70% tilvika,líka þetta:mikið voðalega eru þau góð og róleg:Það fer voðalega í taugarnar á mér,við hverju býst þetta fólk,að ég sé með 2 geðsjúklinga sem á að lóga.Ég er ekki að fá mér hund svo ég geti pirrað mig á hvað hann er óþekkur,ég reyni að þjálfa þau svo ég nái því besta fram í þeim,,ég hef ekki nokkurn áhuga að vera með kolvitlausan hund.Ég er ekki beint á móti því að fólk vari börn sín við hundum,,heldur væri mikið gáfulegra að kENNA þeim að umgangast þá.Sýna þeim að þeir eru ekki hættulegir,heldur þarf að kunna að höndla og umgangast þá.Þoli ekki foreldra sem skjótast undan því að kenna börnum sínum,og segja frekar“Passið ykkur á hundunum ,þeir bíta”
þetta er bara easy way out.

Fyrra álit

Begga fyrir 21 árum, 8 mánuðum

Það er samt til allt of mikið af hundum (gjarnan af smáhundakyni) sem hafa verið keypti af því að þeir voru svo mikil krútt - en eigendurnir vita og kunna ekkert um hundahald. Þessir hundar eru því oft óþekkir og glefsa gjarnan - sérstaklega í stríðin börn.

- www.dobermann.name -

Fyrra álit

scorpion78 fyrir 21 árum, 8 mánuðum

Ég er alveg sammála þessu með smáhundana. Fólk gleymir því voðalega oft að þetta eru líka hundar og það ÞARF að siða hunda til, líka smáhunda. Ég heyrði það líka einhverstaðar einherntíman að það væru yfirleitt smáhundar sem bitu börn.

Fyrra álit

[Notanda eytt] fyrir 21 árum, 8 mánuðum

ég á kannski ekki hund, en ég á barn. og ég tel barnið mitt hiklaust á það að halda sig fjarri ókunnugum hundum því þeir geta bitið.
og staðreyndin er nefnilega sú að allir hundar geta bitið og það fyrirvararlaust.
ég vil síður að barnið mitt verði bitið af því að það var að klappa einhverjum ókunnugum hundi!
og þannig er það nú…

Fyrra álit

[Notanda eytt] fyrir 21 árum, 8 mánuðum

Þessu er ég fyllilega sammála. Og Shiva, þetta er ekki the easy way out…. heldur
BETTER SAFE THAN SORRY !! Því þó þú vitir að þú hafir í höndunum ljúflinga, þá veit ég það ekki og ekki börnin mín heldur.

Fyrra álit

shiva fyrir 21 árum, 8 mánuðum

Já skiljanlega er ekki hægt að ætlast til þess að allir hundar séu góðir,en það sem ég átti við var að margir virðast hræða börninsín svo mikið,þannig að ef barn sér hund þá hleypur það logandi hrætt í burtu,og eitthvað sem kannski situr í þeim til elli,en ef það væri frekar hægt að kenna þeim að nálgast hunda sem ERU góðir,og vita hvað þarf að gera til að komast að því hvort þeir eru góðir eður ei,T.D.athuga hjá eiganda,nr. 1,2 og 15,þetta gera fæst börn,hvort megi klappa og tala við hvutta.Ég er alltaf tilbúin að tala við og kenna börnum hvernig eigi að haga sér í kringum mína hunda,mörg þeirra eru bara svo hrædd því mamma og pabbi segja að hundar séu ALLIR vondir,það var aðallega það sem ég meinti með
easy way out,að nenna ekki að hafa fyrir því að kynna börnum sínum hunda og hvernig haga eigi sér í kringum þá.

Fyrra álit

Pooh fyrir 21 árum, 8 mánuðum

Það er samt eitt sem foreldar virðast ekki átta sig á með því að stimpla það inn í börnin sín að fara varlega í kringum ókunnuga hunda er að þessi vari hjá þeim verður oft að hræðslu. t.d. hef ég oft lent í því að krakkar sp hvort þeir megi klappa tíkinni minni og hvort hún bíti og soleiss en nær undantekningalaust þá reyna þessir krakkar sem sp hvort hún bíti sona að laumast til að klappa henni. sona vera bara snögg og pota sona ofan á höfuðið á henni í tilraun til klapps (vegna hræðslu eftilvill?) og það í raun bíður bara hættunni heim. hundar verða að fá að þefa að hendinni sem er á leiðinni að fara að fikta í þeim og þar sem nebbinn er rétt fyrir ofan hættulega munninn þá er eins og sum börn þori ekki að leyfa voffanum að þefa en vilja hins vegar vaða beint í voffa og klappa. hundar sem eru ekki vanir börnum kunna yfirleitt ekki mjög vel við sona pot og læti. þó hundurinn hafi aldrei bitið er mjög auðvelt að búa til kjör aðstæður sem hundinum finnst sér ógnað sem verður til þess að hann bítur í fyrsta skiptið.

kv. Pooh

Fyrra álit

xark fyrir 21 árum, 8 mánuðum

já litlir krakkar segja þetta alltaf fyrst
“bítur hann ?”

Fyrra álit

Gungun fyrir 21 árum, 8 mánuðum

Ég hef kannski eitthvað súper-álit á hundinum mínum en þannig er að þegar hann var 6mán þá beit hann mig. Ég var að aga hann með því að reka hann afsíðis inní herbergi sem ég nota gjarnan, en það sem hann gerði (minnir mig pissaði inni, því ég var lengi að kenna honum það) fór eitthvað svo í taugarnar á mér að ég elti hann inní herbergi og stóð þar yfir honum og benti á hann skammandi hann. Pabbi var einmitt hérna og sá einsog skot að þetta var mér að kenna ekki hundinum. En allavega, hann beit mig og það djúpt að taug fór í sundur því ég fann einfaldlega engan sársauka og var bara að skoða skurðinn (voða spennandi). Ég sá eftir á að auðvitað átti ég að láta duga að vísa honum afsíðis.
Þegar krakkar koma að honum í dag og spyrja hvort hann bíti sem gerist nokkuð oft, þá segi ég undantekningalaust “Nei, hann er góður”.
Ég vil meina það að hann komi ekki til með að bíta, þó hafnn hafi bitið mig þarna 6mán. Hann reyndi að taka völdið 1½ árs og við ræddum málin og komust að þeirri niðurstöðu að virða hvort annað. Ég hef aldrei farið með hann á námskeið og eina sem ég á í vandræðum með í dag er urrið í garð annarra karlhunda.

Fyrra álit

brut fyrir 21 árum, 8 mánuðum

Ég vil benda þér á að fara á námskeið. Það er rosalega gott bæði fyrir eigandann og hundinn.
Það er greinilega margt sem þú þarft að læra í sambandi við hunda og samskipti þeirra við mennina.
Það er ekki gott að vera vitur eftir á þegar það er hægt að koma í veg fyrir hlutina með því að fá ráð hjá fagfólki.
+ að hundur á að virða þig fyrst og fremst. Hann á aldrei að vera jafningi þinn. Þá verða slysin!

Fyrra álit

Gungun fyrir 21 árum, 8 mánuðum

brut, átt þú hund? Kíktu þá hérna og svaraðu þessu… ég held ég kunni slatta á hunda, einsog þú sérð á þessari grein.

Fyrra álit

Gungun fyrir 21 árum, 8 mánuðum

dang it….linkurinn virkaði ekki.
http://www.hugi.is/hundar/greinar.php?grein_id=4 6030
Hér er þetta.

Fyrra álit

popo fyrir 21 árum, 8 mánuðum

Ég hef átt marga hunda um ævina, og þykist þekkja lundarfar hvers einstaklings, eitt verð ég að segja, að ef hundur bítur eiganda sinn einu sinni, ég tala nú ekki um það þegar hann er kominn á þennan aldur, þá átt ú á hættu meðan , hann er á lífi , að hann bíti þig einhverntíma aftur þetta getur þú lesið þig til um í hundabókum, t.d. stóra enska hundabókin, heitir einfaldlega DOGS oh fæst í Mál og menningu. Ég þekki þetta af eigin raun, og það leið langur tími á milli.

Popo , the mighty one…

Fyrra álit

Isiss fyrir 21 árum, 8 mánuðum

Þetta er alveg rétt, mér finnst voðalega leiðinlegt að sjá krakka sem hreinlega búast bara við því að hundarnir mínir bíti eða ráðist á þau ef þau labba framhjá mér… mér finnst alveg sjálfsagt mál að kenna börnum að fara varlega að hundum en það er kannski ekki rétta leiðin að hræða þau svo þau verði bara skíthrædd við alla hunda… oft eru kannski foreldrarnir líka hræddir við hunda og þannig “smitar” þetta út frá sér…
En það sem við getum gert er auðvitað bara að ala upp algjöra ljúflinga svo enginn þurfi að hafa áhyggjur í framtíðinni og allir kunna að meta litlu ferfættu vinina okkar..(en hvað þetta var skemmtilega væmið :s )

kv
Isiss

Fyrra álit

Gungun fyrir 21 árum, 8 mánuðum

Já smá væmið en ossalega sætt og satt líka ;)

Fyrra álit

krabbi fyrir 21 árum, 8 mánuðum

Ég er nú ekki alveg sammála höfundi,en skil svosem alveg hvað hann meinar, það er sammt ekki rétt að foreldrar séu að búa til einhverja hræðslu hjá börnum (tala sem foreldri og hundaeigandi.) Auðvitað er allt í lagi að brýna fyrir börnum að vera ekki að kássast í ókunnugum hundum, og ber okkur hunda eigendur bara að virða óöryggi fólks gagnvart hundum hvort sem það eru fullorðnir eða börn. Veit það fyrir víst að þau börn sem hafa orðið það óheppin að verða fyrir hundsbiti eru börn sem ekki eru hrædd við hunda og ganga of langt í að leika við þá, og í fæstum tilfellum er þetta meira en bara smá glefs sem lítur ílla út í augum þeirra sem lítið vita um hunda.

Fyrra álit

lucilla fyrir 21 árum, 8 mánuðum

Ég held að það blundi alltaf í íslendingum þessi hundahræðsla sem hefur einkennt landann síðan sautjánhundruðogsúrkál. Við erum svo tiltölulega nýfarinn að flytja inn allskyns tegundir og rækta góða hunda og virkilega spá í hvernig eðli hundarins er og leggja metnað okkar í að ala upp góðan hund. Fólk fékk bara ráð hjá einhverju hundaeiganda í hverfinu eða upp í sveit þar sem það fékk hvolpinn, hvað væri sniðugt að gera til að ala upp hundinn. Þannig að oftar en ekki var mikið um snarvitlausa hunda út um allt, sem voru að ráðast á hina og þessa í tíma og ótíma. Það er amk mín minning og þetta situr bara því miður í fólki og kannski ekki furða að það segir börnunum sínum að passa sig á öllum hundum..þeir geta bitið!! Við erum bara kominn svo stutt með þetta. En það er okkar hundaeigenda að breyta þessari skoðun fólks…byggja upp traust landans á því að flestir hundar eru besti vinur mannins og eru mjög góðir.
Ég fór með minn smáhund í útilegu í sumar innan um fjölda manns, og það voru mjög margir…þá tala ég um fullorðið fólk…sem var smeykt við hundinn. Spurði mig einmitt hvort hann bíti, hvort hann væri góður etc..eftir því sem leið á útileguna kom það oftar og oftar til mín og fór að segja hvað þessi hundur væri ljúfur og góður og að það heyrðist ekki í honum. Ein sagði mér að hún væri hrædd við alla hunda, því hún var bitinn sem krakki, en þarna náði hún að öðlast smá traust gagnvart þessum ferfætlingum og vera öruggari í kringum þá. Annar hugsaði sem svo að kannski eru ekki allir hundar kolvitlausir eins og hann Snati sem réðst á mig einu sinni fyrir langa löngu. Ég verð að segja það að mér leið bara vel og var stolt af því að geta sýnt fólki það að hundar eru í eðli sínu góðir gagnvart fólki ef við ölum þá upp af alúð og öryggi.

Fyrra álit

ethorg fyrir 21 árum, 8 mánuðum

Þetta er bara heilbrigð skynsemi að spá í hvort hundurinn bíti. Betra að hafa varan á.

Fyrra álit

Jezzybelle fyrir 21 árum, 8 mánuðum

Ég er einmitt með hund líka og hef tekið eftir því að krakkarnir spurja mig hvort hann bíti en mér finnst ekkert athugavert við það. Hundar geta verið ógnandi fyrir litla krakka og ég tala nú ekki um þegar þeir eru stórir. Ég er ekki svo viss um að þetta komi beint frá foreldrunum heldur bara frá krökkunum sjálfum. Þau vita að hundar geta bitið og spurja því að því. Ég geri það nú ansi oft sjálf að segja krökkunum að hundurinn minn bíti ekki bara svona til að róa þau. Eins hef ég hann alltaf í taumi þegar við mætum fólki því hann er svo hrifin af fólki og þá sérstaklega börnum að hann vill flaðra upp um alla og þó að ég þekki hundinn og viti að hann sé góður og bíti ekki þá vita aðrir það ekki. Ég þekki til dæmis einn sem á hund sem bítur og hefur nokkrum sinnum verið kærður fyrir það en hann bítur ekki bara þegar að honum er ógnað eða hann hræddur. Hann bara bítur. Ég var lengi vel hrædd við hunda sem barn og hélt að þeir myndu bíta mig, það kom alls ekki frá foreldrum mínum heldur fann ég upp á því sjálf.

Fyrra álit

eyglong fyrir 21 árum, 8 mánuðum

Krakkar spurja mig alltaf “bítur hann”
Þótt hann sé pínulítill chihuahua

Fyrra álit

squirrel fyrir 21 árum, 8 mánuðum

Það er líka oft þannig að efa hundurinn geltir þá er oft bara settur stimpil á hann sem sendur BÍTUR, en það eru náttúrulega ekki allir sem gera það.

Fyrra álit

dezzice fyrir 21 árum, 8 mánuðum

Ég er sammála því að segja við börnin að fara varlega nálægt hundum en ekki gefa þeim ástæðuna “þeir bíta” heldur bara benda þeim á að af því að þau þekki ekki dýrið að þá viti þau ekki hvernig það er. Og einnig að segja þeim að spyrja fyrst áður en þau vaða í það að klappa dýrinu.

Einnig þegar að ég var krakki að þá fannst mér voða gaman að fá að klappa hundum hjá öðrum og þá var nú einhver sem kenndi mér að rétta alltaf hendina fyrst að nefinu á dýrinu og leyfa því að þefa fyrst áður en ég klappa því, undantekningarlaust geri ég þetta í dag ef ég hitti nýtt dýr.

En oft eru þessar bit sögur algjört kjaftæði t.d. átti vinkona mína Schaefer hund, stór og mikill, hann slapp og það var lítið barn að veifa beini framaní dýrið, hundurinn hoppaði upp og eina sem að hann gerði var að skella barninu í götuna, mamman kemur móðursjúk út og gargar yfir allt að hundurinn hafi ráðist á barnið og bitið það, sama þótt að það væru engar sannanir fyrir þessu og engin bitför á krakkanum að þá misstu þau hundinn. Meira að segja nágrannarnir í kring staðfesttu að hundurinn hefði ekki bitið barnið og að barnið hefði verið að stríða dýrinu. Þetta gerðist fyrir soldið löngu síðan og í dag eru þessi mál betur skoðuð, sem betur fer.

Einnig held ég að foreldrar þurfi að kenna börnunum sínum að koma fram af virðingu við dýrin. Ég veit ekki hversu oft ég hef lent í því að þurfa að tala við börn af því að þau eru að stríða hundinum mínum eða öðrum hundum.

Fyrra álit

Hundar

Hundar

Ofurhugar

Stjórnendur

Hverjir eru inni

Greinar

Bítur'ann

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi