Það er ekkert mál, að setja smá inn fyrir þig. Ég er á námskeiði hjá Gallery voff og bara búin með 3 tíma svo að þetta er ennþá frekar ferskt hjá mér :)

Í fyrsta tímanum lærðum við að sitja og leggjast. ÞAð er um að gera að byrgja sig upp af hundanammi eða pylsu áður en þú byrjar. Þú byrjar á því að labba með hvolpinn við vinstri hliðin á þér og stoppar síðan og lætur hann finna lyktina af namminu. Þegar hann hefur fundið lyktina og langar auðvitað alveg rosalega í dregurðu hendina aftur fyri hundinn þannig að hann eiginlega dettur á bossan eða allavega þarf að setjast til þess að fylgja hendinni. Þegar hann sest segirðu sestu og gefur honum bita af namminu. Haltu síðan hendinni með namminu í í brjósthæð og láttu hvolpinn alltaf vera með athyglina á hana. Gefðu honum svo á meðan að hann situr kyrr, til að hrósa honum fyrir að sitja. Um að gera að endurtaka þetta sem oftast þ.e. labba nokkur skref og láta hann svo setjast. muna bara að segja ákveðið nei við hann ef hann reynir að standa upp og ýta honum niður aftur.

Til að láta hann leggjast, þarf hann fyrst að sitja og svo læturðu hann finna lyktina af namminu og dregur hendina síðan frá honum með gólfinu þannig að hann eltir hana. Um leið og hann er laggstur segirðu leggstu og gefur honum nammi. vertu svo stanslaust að gefa honum nammi fyrir að liggja kyrr og muna að hrósa honum. Ef hann fer að reyna að standa upp segirðu ákveðið NEI og ýtir honum niður aftur. Ekki gefa honum nammi strax á eftir þar sem hann gæti farið að tengja það við neikvæðu hegðunina. Til að fá hvolpinn síðan upp aftur læturðu hann finna lyktina af namminu og dregur það svo upp og aftur frá hausnum þannig að hann þarf að lyfta sér upp á rassinn til að elta það. þá segirðu upp og gefur síðan nammi. Jæja ég vona að þetta hafi verið nokkuð nálvæmt, endilega sendu mér bara mail ef það er eitthvað sem vefst fyrir þér. Ég get síðan sent þér meira seinna eða sett það hérna inn á síðuna, gangi þér vel og hikaðu ekki við að senda mér meil ef þú ert í einhverjum vandræðum ;)