wirehair fyrir 22 árum, 3 mánuðum Fjöldi lestra: 861

Hundar sem éta gæludýr.

Reynslusaga: Gerðist 20.janúar 2002

Um miðnætti ca 23.45 var ég og félagi minn úti í garði og þá heyrum við urr frá hundi í næsta garði og hundarnir mínir hlaupa útí eitt hornið á girðingunni. Þar stendur Grænlenskur sleðahundur í stærri kanntinum og urrar þegar við komum, svo sjáum við hvar annar grænlenskur sleðahundur kemur töltandi að girðingunni. Mér stóð nú ekki alveg á sama við að sjá þessi flykki og heyra annan þeirra urra, ég þakkaði Guði fyrir að ég hafði sett upp girðingu þarna. Svo kom styggð á þá og þeir hlupu í burt og ég hugsaði ekki meira útí það. Morguninn eftir set ég bílinn minn í gang og kveiki ljósinn, þá sé ég dauða kanínu(hvíta) á veginum, hún var alveg heil nema að búið var að slíta af henni hausinn. Ég taldi að þessi kanína væri frá mér og ætlaði að ég mér að finna út hvar hundarnir ættu heima og láta eiganda þeirra vita af þessu, svo að eigandinn gerði sér grein fyrir hvað hundarnir hans væru að sýsla þegar þeir ganga lausir en ekki til þess að vera með leiðindi. Svo er ég í vinnunni á mánudeginum og konan mín hringir í mig um kl ca 13.00 og segir mér að hvíta kanínan okkar sé í búrinu sýnu,,,,,, nú varð ég hissa ????
Þegar ég kem heim um kl 17.30 banka ég uppá hjá nágranna okkar og segi honum frá hundunum,,,, Og viti menn.
Hundarnir höfðu opnað útiskúr hjá honum og náð einni kanínu en hinar höfðu sloppið.
Nágranni minn var frekar sár en reiður. Og hann komst að því hvar hundarnir áttu heima og hringdi í eiganda þeirra. Eigandi hundanna vildi endilega fá að sjá kanínuna og kvaðst koma annað kveld til að sjá hræið..
Annað kveld líður og ekki sést tangur né tetur af hundaeigendunum !!!
Þannig að nágranni minn ákvað að láta lögregluna bóka þennan atburð en líklega ekki kæra þetta.

Hvernig finnst þér að eiga að taka á slíku máli ????????????

Kveðja Wirehai

annahlin fyrir 22 árum, 3 mánuðum

láta lögregluna vita, auðvitað eiga hundar ekki að fá að ganga lausir og hvað þá stórhættulegir grænlenskir hundar! sem éta hvað það sem þeir ná í! Guði sé lof að þeir tættu ekki í sig barn eða eitthvað!

Enginn er verri, þó hann sé smá perri

Fyrra álit

blimp fyrir 22 árum, 3 mánuðum

róleg……

Fyrra álit

Monza fyrir 22 árum, 3 mánuðum

Kanína og barn !!!!! Ég held að veiðieðli hundsins sé skynsamara en það :-)))

kveðja Monza

Fyrra álit

wirehair fyrir 22 árum, 3 mánuðum

Já þetta var uppí í mosó.

Veiði og varðeðli hunds þarf ekki að vera sérlega “Skynsamt”.
Sérstaklega þegar að tveir hundar eða fleiri eru á veiðum.
Það eru dæmi um hunda sem hafa passað bíla og hús svo vel að jafnvel eigandinn komst ekki inn (það finnst mér ekki skynsamt).
Og fullt af dæmum um hunda sem hafa drepið og étið fólk, og margir þessara hunda alið upp sem “Gæludýr”.
Hundar geta farið í ákveðinn ham og æst hvorn annan svo mikið upp að þeim væri trúandi til alls.

Hvað gera þessir hundar næst þegar þeir sleppa út ?? Fara þeir á veiða eða í göngutúr ??

Kveðja wirehair.

Fyrra álit

Tzu fyrir 22 árum, 3 mánuðum

“”“Og fullt af dæmum um hunda sem hafa drepið og étið fólk, og margir þessara hunda alið upp sem ”Gæludýr“”"

Cool down boy, ég held að þetta sé nú ekki alveg rétt, Fullt af dæmum!!!?? ehe

Fyrra álit

wirehair fyrir 22 árum, 3 mánuðum

Kæra Tzu.

Ég ætla að benda þér á að það eru hundar á fleirri stöðum en í Reykjavík.
T.d Út um allan heim.
Núna í haust drápu grænlenskir sleða hundar 6 ára dreng á grænlandi og átu hann , það eina sem fanns var annar skórinn hans,, Þessir hundar voru reyndar ekki gæludýr.
Það er stutt síðan að fullur unglingur í þýskalandi álpaðist inná lóð þar sem “bull terrier” hundur átti heima og hundurinn “reif” hann í sundur, þessi hundur var heimilishundur og sagði lögreglan að hundurinn hefði verið byrjaður á mannáti þegar það fattaðist hvað hefði skeð.
Góð grein kom á “Varðhundar og réttur þeirra.” hér neðar á greinarsíðu þar sem bent er á dæmi um manndráp af hundum.

Þér til glöggvunar er heimurinn miklu stærri en Ísland “Og fullt af dæmum um hunda sem hafa drepið og étið fólk, og margir þessara hunda aldir upp sem ”Gæludýr“”
Þó svo að þú sækist ekki eftir því að heyra um það.
Í framtíðinni vona ég að þú reynir að sækjast eftir bæði jákvæðu og neikvæðum fróðleik um hunda því það er hægt að læra heilmikið á því.

Kær Kveðja Wirehair.

Fyrra álit

Tzu fyrir 22 árum, 3 mánuðum

Heimurinn er mjög stór og fullt af alskonar furðulegum og ógeðslegum hlutum er að gerast þarna úti…
ég sagði ekki að þetta gerðist aldrei, ég sagði að þetta gerðist ekki oft, ef hundar lenda í röngum höndum er voðin vís eins og t.d Bull terrier. en þú nefndir mér hér aðeins eitt dæmi því grænlensku hundarnir voru ekki gæludýr.

því miður er mikið að hálvitum í heiminum þá Einnig á íslandi margir stráklingar að obba sig með því að eiga Doberman og Rottweiler. og ala þá upp með grimmd í huga.

Fyrra álit

[Notanda eytt] fyrir 22 árum, 3 mánuðum

Ég komst í smá upplýsingar um hvernig þetta virkar í Austurríki hjá systur minni.. og þar er bannað að lóga hundum.. sama hvað þeir gera, hún hafði t.d. dæmi um hund sem réðst á smástrák þegar hann var að gefa hundinum vatn og reif andlitið af honum..en nei það mátti ekki lóga hundinum.. svo hundurinn var sendur á hundaheimili en engum þar sagt frá þessu.. svo er ein gæslukonan að gefa hundinum mat og þá ræðst hann á hana og rífur nánast aðra höndina af henni.. og nei þessi hundur er ennþá lifandi eftir síðustu fregnum.. flækingshundar hrannast upp á hundaheimilum og ekkert má gera. En svo á hinn veginn eru lögin einnig öfgakend í hina áttina á íslandi þar sem hundum er lógað fyrir að gelta á kött.

Fyrra álit

[Notanda eytt] fyrir 22 árum, 3 mánuðum

:/ ekki gott

Fyrra álit

wirehair fyrir 22 árum, 3 mánuðum

Kæra Tzu.

Best að ég leyfi þér að fylgjast með því sem að þú telur ekki alveg rétt.
En svona lagað skeður oft á hverju ári,, við fáum ekki alltaf að vita af því.
Hér er slíkt dæmi og fórnalambið er enþá heit.
http://www.aftenposten.no/nyheter/iriks/article.jhtml?articleID=267929

Ath. þetta er ekki skemmtileg lesning , heldur grátleg árás hunda á sárasaklausan dreng.

Kær Kveðja Wirehair.

Fyrra álit

thengillo fyrir 22 árum, 3 mánuðum

Kanína og barn!!! Ertu að líkja saman kanínu og barni? Hundum er ekki eðlislægt að veiða menn, þeim er eðlislægt að veiða lítil dýr, jafnvel stór dýr á við birni og villisvín, en ekki menn. Þó að það sé barn. Það þarf þá að vera mikið að í uppeldi hundsins eða geðslagi.

Hundar geta verið mjög skynsamir og skipulagðir við veiðar. Sérílagi ef það snýst um að ná bráðinni eða finna hana. Það er frábært að fylgjast með góðum veiðihundi á veiðum. Kanína, ekta dýr til að veiða.

Það þykir varla fréttnæmt á Grænlandi að hundur drepi barn, það gerist svo oft.

Vitiði muninn á úlfi og hundi. Það er ekki nema 1%. Það hef ég frá þeirri snilldar stöð “Animal planet”!!

Kveðja thengill

Fyrra álit

Tzu fyrir 22 árum, 3 mánuðum

ehh ekki ætla ég að lesa þessa dönsku.

Fyrra álit

rumpe fyrir 22 árum, 3 mánuðum

Ég var að ferðast um á internetinu í gær og viltist inn á Norska dagblaðið VG. Þar sem ég rakst á þessa hræðilegu frétt um litla drenginn sem var drepinn af hundunum. En þar segir einnig frá öðrum dreg sem grænlenskur hundur myrti árið 1994.
Við sem búum hérna á Íslandi höfum verið svo heppinn að hundar hafa ekki drepið börn eða fólk.
Ég vil líka benda á að hundar þurfa rosalegann aga eins og allir aðrir og þeir þurfa líka að læra hvað má gera og hvað má ekki gera.
Oft er sakt að hundar taki eftir eigendum sínum og líkist þeim mikið á margann hátt.

Kveðja Rompe

Fyrra álit

wirehair fyrir 22 árum, 3 mánuðum

Sæl Tzu.

Ég ætla að leyfa þér að sjá það sama og ég sé í fréttum. Svo þú sjáir að hundárásir eru daglegt brauð úti í hinum stóra heimi.
Mér þykir leitt að þú skulir ekki lesa dönsku….
En það ætti ekki að skipta máli þar sem þessi frétt er á norsku eins og sú fyrri sem ég sendi þér.
http://www.vg.no/pub/vgart.hbs?artid=3572643

p.s ég ætla ekki að halda þessu áfram, bara að reyna að opna á þér augun.
Svo að þú sért ekki að gera lítið úr sannleikanum..

Kær Kveðja Wirehair.

Fyrra álit

wirehair fyrir 22 árum, 3 mánuðum

Sæll thengill.

Þú skrifar :“Ertu að líkja saman kanínu og barni?” ég held að enginn sé svo vitlaus að vita ekki muninn á þessu dýrategundum, það er enginn að reyna að líkja þessu saman eða að segja að hundar þekki ekki muninn.

Mér finnst þú fara alveg í hring í máli þínu .
Fyrst segir þú að hundum sé ekki eðlislægt að veiða menn og síðan segir þú að hundar séu aðeins 1% öðruvísi en úlfar.
Villtir úlfar veiða fólk ef þeir eru svangir.
Það þarf ekkert að efast um það því það eru til þó nokkuð mörg dæmi um árásir úlfa(reyndar ekki á ísland ,, bros).

Hundar eru yfir höfuð mjög skynsamir eins og þú segir. En þegar hundahópur er annars vegar þá breytist ýmislegt í hegðun þeirra. Því þeir geta manað hvorn annan upp í vitleysu (líkt og skeður stundum hjá mönnum). Hundar geta komist í ákveðinn ham sem getur endað líkt og hjá þessu 7 ára í Noregi þ.e.a.s hundarnir veiddu hann,,,,,
Ég er bara alls ekki tilbúinn að láta reyna á það hvort að þetta komi fyrir börnin hér í kringum mig.
Mér finnst að það sé fullseint að senda hunda til hundageðlæknis þegar hundurinn hefur framið eitthvern glæp.
Hvað finnst þér um það að annar hundurinn urraði þvílíkt á okkur hér úti í garði, þó að við ógnuðum honum ekkert og hann var ekki á sýnu yfirráðasvæði ???

Mér þótti alls ekkert óeðlilegt við að hundarnir skildu veiða kanínuna og drepa hana. Þessir hundar hafa komið hingað tvisvar í skjóli nætur og þegar ókunnugir hundar(stórir í þokkabót) birtist við húsið hjá þér og fer að urra á þig og veiða gæludýrinn í nágrenninu , við hverju má maður búast ??

Hundar eru frábær veiðidýr og ef rétt er staðið að þjálfun og notkun þeirra eru þeir ómissandi.

Kær Kveðja Wirehair.

Fyrra álit

thengillo fyrir 22 árum, 3 mánuðum

Sæll “Wirehair”!!!

Sammála mörgu (flestu) sem þú segir.
Ég er allsekki að verja þessa hunda sem eru í nágrenni við þig. Ég þekki ekkert til þeirra.
Ég er bara orðinn þreyttur á þessu með að lóga öllum hundum sem gera eitthvað af sér. Það er oft ekkert hugsað út í aðstæður. T.d. með þetta út í Noregi. Hver veit nema þessi sjö ár strákur hafi sparkað í þá eða verið að henda snjóboltum í þessa hunda. Æst þá svakalega upp og svo hafa þeir sloppið út í æsingnum. Það fer bara á einn veg. Ekki það að það sé réttlætanlegt fyrir bragðið, alls ekki.
En nóg um þetta, það er hægt að rökræða þetta endalaust. :)

En mér skilst að þú sért veiðimaður og eigir síðhærðan Vohrste. Ég og vinur minn erum miklir veiðimenn (aðalega hann þó. Ég er svona að byrja).
Hann er með 2 ára Weimaraner tík. Sem hann er að þjálfa í veiðar. Hann er örugglega búinn að reyna að hafa samband við þig. Við höfum mikinn áhuga á að hitta þig. Við höfum mikinn áhuga á þessari hundategund. Er ekki hægt að koma því kring, einhvernveginn?

Getur sent mér mail á thengillo@hotmail.com

Kveðja thengillo. :)

Fyrra álit

[Notanda eytt] fyrir 22 árum, 3 mánuðum

Þetta eru grænlenskir hundar sem eru kommnir af hundum sem fá bara það sem úti frýs og það í gegnum aldirnar og er orðið innprentað í eðli þeirra að bjarga sér sjálfir og eru þetta hundar sem miklu frekar ætti að banna hér heldur en td Rottweiler eda Doberman því bara í gær þann 1 Feb voru svona hundar á lausu í bæ einum í Svíþjóð að mig minnir og drápu þar ungt barn 7 ára gamlan dreng á heimleið úr skóla ímyndaðu þér angist barnsins að mæta tveimur hundum voðalega vinalegum útlits og sjá þá svo sýna tennurnar og eiga sér engrar undankomu leið. Þetta er hræðilegt og ég segi fyrir mína parta ef að eigandi þessara hund er svo kærulaus að láta þá ganga lausa þá á bara að fanga þá strax og lóga þeim því að þetta kyn er ekki borgar eða bæjar dýr svona hundar vaða saman í hóp á ísbirni og lýsir það þeirra grimmdareðli.ég sjálfur elska hunda á einn Irish Setter mjög blíða og barngóða tík og segi að það er í lagi að halda hund en það má ekki bíða eftir að voðaatburðir kunni að ske það verður að taka á svona máli af festu því ímyndið ykkur ef að þessir hundar næðu barni hvað myndi það þýða fyrir alla hundaeigendur í landinu ég bara spy

Fyrra álit

Elvis2 fyrir 22 árum, 3 mánuðum

Er þetta ekki draumagæludýrið þá?

Hundur sem veiðir sjálfur í matinn og hægt væri að láta sofa úti allan ársins hring.

“Hvað borðar hundurinn þinn?”
“Allt.”

Elvis2

Gítarar = Gibson Les Paul Standard, Fender Jazzmaster. Aria Einhverfjandinn.

Fyrra álit

Jezzybelle fyrir 22 árum, 3 mánuðum

Mér finnst þetta mjög svo óhugnarlegt og ég myndi ekki hika við að láta lögregluna vita þar sem að eigandinn er greinilega ekkert að gera í málinu.

Fyrra álit

thengillo fyrir 22 árum, 3 mánuðum

Það er náttúrulega ekki afsakanlegt þegar hundar ganga lausir, og sérílagi ef þeir eru að skemma eða drepa lítil gæludýr.
En ég hugsa að það þurfi ekki grænlenskan sleðahund til að tæta í sig kanínu. Ég hugsa að venjulegur veiðihundur ætti þetta til. Allavega þarf að fylgjast vel með hundunum sínum í Kjarnaskógi við Akureyri. Þar er allt vaðandi í kanínum. Hafiði séð hund drepa mink? Það þarf ekki sérþjálfaðan minkaveiðihund til að tæta þá í sig.
Svo eru grænlenskir sleðahundar ekkert sérstaklega hættulegir. Þeir eru það á Grænlandi. Þar eru það líka vinnudýr ekki gæludýr.
Ég myndi reyna tala aftur við eiganda hundana. Fara bara með hræin til hans. Reyna að útkljá þetta mál á góða mátan.
Það geta verið margar ástæður fyrir því að maðurinn kom ekki umrætt kvöld.

“Öll dýrin í skóginum eiga að vera vinir” ekki satt!!!! :)

Fyrra álit

Monza fyrir 22 árum, 3 mánuðum

Var þetta nokkuð í mosó???

Fyrra álit

Schafer fyrir 22 árum, 3 mánuðum

Þetta er alveg ömurlegt þegar svona kemur fyrir.
Það er erfit að hemja svona veiðieðli. Ég á t.d 11 ára gamlan vírhærðan langhund (minkahundur) ég veit alveg fyrir víst að ef hann sér kanínu eða önnur smádýr((mýs,mink og fl) þá drepur hann þau,það er hans eðli og ég get gert lítið við því.(hef reynt) En það sem ég get gert er að passa hann mjög vel sem og ég geri,enda hefur hann ekki étið gæludýr frá einhverjum.En þessi hundur myndi ALDREI gera nokkrum manneskju mein.Sama gildir um hund sem er í fjölskyldunni af frægu veiðihunda kyni hann drap nokkur lömb í sumar sem erjú ekkert annað en gæludýr bóndans.Þessi hundur er ljúfari en allt og lindir vel við öll önnur dýr og menn (nema rollur)Það er mikið veiðieðli í flestum ef ekki öllum tegundum hunda en í sumum er hægt að hemja þetta eðli aðra ekki,(það þýðir samt ekki að viðkomandi hundur sé hættulegur) ,en það er skylda hundseigandans að hafa gætur á sínum hundi alltaf.
Það er líka frekar lélegt af þessum hundaeiganda að koma ekki og reyna gera gott úr leiðindar málum.
Ég veit ekki hvernig á að taka á svona málum enda veit ég ekki allt sem þarna gerðist,en það væri agalegt að ef ég myndi lenda í þessu með minn gamla hund sem hefur aldrei gert neitt svona af sér en getur það léttilega ef ég er ekki á varbergi.
Það er samt ekki samhengi við veiðieðli alment og að ráðast á fólk.Það má líka alltaf hugsa um hverskonar meðhöndlun og uppeldi hundar fá sem hafa ráðist á fólk eða jafnvel drepið það.

Kveðja schafer.

Fyrra álit

lhg fyrir 22 árum, 3 mánuðum

Ég átti einu sinni hund sem var einhver terrier og border collie blanda og hann réðist aldrei á neitt. Hann reyndi stundum að vingast við ketti sem við hittum á kvöldgöngunni okkar en skildi aldrei í því af hverju þeir hvæstu alltaf á hann :)

Hins vegar þekki ég mann sem fékk sér Írskan Setter og sá var alveg óður. Einhvern tímann sleppti hann honum á opnu svæði og hundurinn náði í kött og kastaði honum upp í loftið en kötturinn slapp með skrekkinn á harðahlaupum. Svo fór hann með hann í sumarbústað og þá náði hundurinn í lamb og hálfdrekkti því í á. Manngreyið var alveg eyðilagður og borgaði bóndanum margfaldar skaðabætur en það er náttúrulega alltaf skylda eigandans að passa hundinn. Þessi hundur var síðan alveg gagnslaus sem veiðihundur þar sem hann var svo strekktur að hann fældi bara bráðina.

Fyrra álit

vice fyrir 22 árum, 3 mánuðum

Ég hef aðeins fylgst með umræðunni ykkar um hundana 2 og má til með að segja ykkur að ég þekki þarna aðeins til. Þessir hundar hafa verið til vandræða síðan þeir komu í hverfið og hafa nokkrum sinnum orðið uppvísir af því að glefsa í börn (ekkert alvarlegt samt ennþá). Þeir hafa setið úti í bandi allan daginn meðan húsbændur eru að heiman og stundum líka lausir. Ég varð vitni að því um daginn þegar þeir réðust á lítinn, skíthræddan hund og þegar eigandinn kom til bjargar hundinum sínum réðust þeir á manninn, sem rétt náði að forða sér. Huggulegt!!! Manni er nú ekkert sama um krakkana sem sogast að þessum sætu hundum og kjammsa í þeim.

Fyrra álit

wirehair fyrir 22 árum, 3 mánuðum

Sæll Vice.

Þessi mál eru alltaf erfið.
Sérstaklega ef að eigendur hundanna gera sér ekki grein fyrir alvöru málsins.
Ef að hundar eru grimmir gagnvart fólki verður að passa uppá hundana alveg rosalega vel.
Það er miklu betra að hundar Urri á mann og láti mann vita að því að þeir eru tilbúnir að verja sig , heldur en að þeir tjái sig ekkert og ráðist svo til atlögu upp úr þurru.
Hefur þú séð hundana eitthvað síðustu 2 vikur ??
Því það var sagt að þeim hefði verið lógað. !!!

Ég hef tvisvar séð “Dauða” hunda sem búið var að lóga, þannig að ég er hálfgerður “efasemda maður” þegar mér er sagt að búið sé að lóga þeim.

Kær Kveðja Wirehai

Fyrra álit

vice fyrir 22 árum, 3 mánuðum

Já ég hef séð a.m.k. annan hundinn undanfarna viku. Held að annar hundurinn hafi verið varhugaverður (tíkin) en hinn (rakkinn) verið allt í lagi. Veit ekki hvor varð eftir. Þetta er leiðindamál, því eflaust þykir eigandanum vænt um þá báða, en það er ábyrgðarverk að halda hund og ala hann upp, rétt eins og blessuð börnin.

Fyrra álit

Schafer fyrir 22 árum, 3 mánuðum

Hmm grænlenskir sleðahundar á Íslandi ertu viss??
Eru þetta ekki 2 innfluttir Somojed hundar?Bara spyr því það eru einu stóru hvítu sleðahundar sem ég veit um fyrir utan Husky blendingana.Bara spyr.
Það er nokkuð ljóst að eigendur þessa hunda hafa ekki verið að hugsa um þá. Bundnir út allan daginn og fl.
Af hverju á að lóga þeim?? Er það útaf því að þeir drápu kanínu/ur ?? Hafa þessir hundar ógnað fólki í hverfinu? Ég bara spyr því ég þekki ekki þessa hunda en hef séð þá bundna fyrir utan húsið og í bíl en þeir voru ekkert að urra á mig,voru eiginlega bara vinarlegir.Tek það samt fram ég þekki þá ekkert meir en það.

Ég get ekki séð neitt að því að koma þessum hundum fyrir á annan stað þar sem hugsað er um þá einsog þarf.

Ég er alveg sammála einum sem sagðist vera orðin þreyttur á því að hundum sé lógað um leið og þeir gera eitthvað af sér svo ég tali nú ekki um þegar eigendurnir eru ekki að standa sig.
Ég er sjálf með nokkuð marga hunda og fjölskyldu og veit alveg hvað það er mikið verk að hugsa um þá svo vel eigi að vera.

Ég er allavegna alveg á því að þessir hundar eiga ekki skilið að vera drepnir út af þessi.(ef það er ekki meir en það sem er sagt hér)

Mé þykir líka einkennilegt af þér að halda því fram að hvaða hundur(gæludýr) sem er gæti allt í einu étið eiganda sinn eða einhvern annan.
“Hundar geta farið í ákveðinn ham og æst hvorn annan svo mikið upp að þeim væri trúandi til alls”
Átt þú ekki hund og trúir þú þvi að hundurinn þinn gæti bitið eða étið einhvern.?
Vil ég taka það fram að ég er EKKI að réttlæta eigendur þessa hunda ég er eingöngu að hugsa um velferð hundana og vona svo innilega að þeir fá réttláta meðferð og ekki gerðir af villihundum útaf kanínum og venjulegum hundaslagsmálum sem gerist nokkuð oft hjá mörgum öðrum tegundum.

Kveðja Schafe

Fyrra álit

wirehair fyrir 22 árum, 3 mánuðum

Sæll Schafer.

Það var enginn að biðja um að þeim væri lógað !!
En ég hafði spurnir af því, og því spurði ég “VICE” um það hvort hann hefði séð þá !!
Það getur vel verið að þetta séu “Somojed” hundar.

Þú segir :
“Mé þykir líka einkennilegt af þér að halda því fram að hvaða hundur(gæludýr) sem er gæti allt í einu étið eiganda sinn eða einhvern annan. ”
Þú ert eitthvað aðeins að snúa út úr mínum orðum því að ég sagði aldrei hvaða hundur sem er gæti framið voðaverk. Ég einfaldlega benti á að jafnvel góðir heimilishundar geta breyst verulega við það að vera í félagsskap annara hundar. Atferli og hegðan þeirra getur breyst verulega sem getur orðið til þess að “Hundar geta farið í ákveðinn ham og æst hvorn annan svo mikið upp að þeim væri trúandi til alls”.
Ég ætla ekkert að þrasa um þetta, því þetta er svona og eins og ég hef sagt áður “Fullt af dæmum um hunda sem hafa drepið og étið fólk, og margir þessara hunda alið upp sem ”Gæludýr".
Og ekki skulum við gleyma af hverju ég skrifaði þetta í upphafi, vegna þess að hundarnir komu hingað til mín og urruðu á mig fyrir utan minn eiginn garð, hvað segir það okkur um hundana ?

Ég er alveg 120% sammála þér að það á ekki að leysa allan vanda með því að lóga hundunum.
Það væri réttar að rasskella eigendurnar ef um ítrekuð brot er að ræða. Því auðvitað eru hundarnir að reyna að upplifa eitthvað sem er spennandi og skemmtilegt. Og ekki skrýtið að þeir breyti mikið til ef þeir eru bundnir úti tímunum saman.

Ég á Tvo hunda, og ég treysti þeim mjög vel. En ég ætla ekki að vera eins og foreldri sem ver börnin sín þó að hann viti ekkert um það hvort börnin hafa verið óþekk eða ekki. Ég hef augun opin til þess að fylgjast með hundunum og lesa út úr atferli þeir og viðbrögðum til þess að sjá hvort að þeir sýna tilhneigingu til voðaverka.
Og ef svo væri að ég sæi ákveðið hegðunar munstur hjá þeim myndi ég hafa þá fjarri hættu, í stórri hundagirðingu þess á milli sem við værum á veiðum.

Spurning:
Hvernig er WIREHAIR DACHHUND ?? áttu ekki slíkan hund. hvernig er hann innan um aðra hunda ? innan um börn ? rólegir / æstir ? er varðeðli í þeim ?
Þetta eru glæsilegir hundar.

Kveðja Wirehair.

Fyrra álit

Schafer fyrir 22 árum, 3 mánuðum

hæ hæ aftur

Ég held að við getum öll verið sammála því að þetta er leiðindarmál. Og vonandi leysist það vel.
Ef það er rétt hjá mér að þetta séu Samoyed hundar,þá er þessi hegðun mjög ólík þeirri tegund.En og aftur er það kanski ekki skrítið ef þeir fá ekki almennileg hreyfingu og fl.
Ég er alveg sammála því að eigendur hunda bera ábyrgð á þeim og eiga gera aðstæður við hæfi.(girðingar,búr og fl)Svo ég tali ekki um ef maður er komin með fl en einn hund.

Svar:
WIREHAIR DACHHUND jú ég á einn slíka (að vísu orðin frekar gamll).Þetta er alveg geggjaður hundur.Hann er er mjög góður innan um aðra hunda nema þegar aðrir hunda byrja að slást þá hjálpar hann til :-)) En hann byrjar aldrei. Hann er alveg frábær við börn(hef lánað hann í unga sýnendur)Hann er eiginlega bæði rólegur og æstur. Hann er alveg rosalega kátur,ljúfur og elskulegur,en þegar hann sér mink eða kanínu er hann farinn á eftir því :-)) Ég hef aldrei séð neitt varðeðli í honum.
Þetta er stór,og sterkur hundur í asnalegum,litlum(lágfættum) líkama:-))
Já ég er sammála því að þetta eru glæsilegir hundar,það er eiginlega bara synd að hann er að verða einn eftir,engar dömur til handa honum.
Ég hef verið að hugsa um að flytja inn tík en ég á eiginlega alveg nóg með að reyna rækta schafer :-)) Hann er Íslenskur meistari,Alþjóðlegur Meistari (er með 8 cacib),frábær minkahundur og búinn að fara í mentaltest. Þannig að það er soldið grátlegt að ekkert sé hægt að rækta undan honum.Hann er ekkert unglamb lengur (11 ára)

Kær kveðja Schafe

Fyrra álit

wirehair fyrir 22 árum, 3 mánuðum

Sæll (eða sæl) Schafer.

Það er alveg grátlegt að þú skulir ekki hafa dömu fyrir slíkan gæða hund !!!!!
Flott lýsingin hjá þér á honum…..(bros ;-)) …)
Hvað telur þú að sé mikill kostnaður í að fá glæsilega dömu hingað á klakan. Þá meina ég allur kostnaður, tíkin, geymsla, læknir, flutningur o.s.f ??

Ég gæti vel hugsað mér að eiga og rækta “Wirehair Dachhund”. Þar sem ég er núna með “Wirehair german pointer” og ef að tíkin(Þruma) stendur sig vel í veiði og prófum , og hefur líkamsbyggingu og almenna heilbrigði í lagi hef ég mikinn áhuga á því að flytja inn hund fyrir hana. Þar sem ég er með mjög stóra lóð (um 4000 fm) er nægt pláss hér hjá mér og ekki skortir áhugan á hundum. En ég færi aldrei útí ræktun á hundum nema að vera með alveg “Super” eintök til undaneldis, ég held að það séu nógu mörg hundakyn á íslandi búin að brenna ílla á “Rusl ræktun” eða “óábyrgri ræktun”t.d Irish setter, Springer Spaniel, Saint Bernard. En sem betur fer eru oftast gæða ræktendur sem að leggja sig mikið fram við að laga ræktunarmál sem aðrir eru búnir að klúðra.

Kær Kveðja Wirehair.

Fyrra álit

Hundar

Hundar

Ofurhugar

Stjórnendur

Hverjir eru inni

Greinar

Hundar sem éta gæludýr.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi