tegundin heitir Chihuahua en ekki Chicuacua(allt í fína með það)

en allavega…..sorry chihuahua eigendur en mér finnst þetta alveg ótrúlega leiðinlegir hundar. Alltaf geltandi og bara leiðinlegir hundar. Allavega mæli ég ekki með þessari tegund, myndi kynna mér meira ef ég væri þú

Ég á vin sem á Chicuacua og hann kostaði 150 þusund og eg held að hann sé hreinræktaður.

Ég er enginn hundasérfræðingur, en eftir minni reynslu af hundum væru retriever hundar með traustustu og þægilegustu hundum ef þú ert hálfhrædd(ur) við þá.

Marzibil. Ef þú vilt vita meira um Chihuahua hunda þá ættir þú að líta á heimasaíðu Ástu og Balla en þau eiga tvo svoleiðis hunda og halda uppi heimasíðu um þá og þeirra kyn.

Farðu á leit.is og skrifaðu ,,Ástu og Balla" og þá er færðu tengil á heimasíðuna þeirra.

Ég er sammála þessu með að þeir eru sígjammandi og svo skíthræddir þegar á hólminn er komið. Skil ekki hvað fólk er að fá sér Chihuahua þegar það eru til svo margar skemtilegar hundategundir hér á landi.
Það er ekki einusinni hægt að fara með þá í smá göngutúr, nema þá kanski í kringum húsið.
Í gegnum tíðina hef ég rekist á þónokkra eigendur Chihuahua og þetta hefur mér fundist svolítið furðulegir karaktera, svona einhvernvegin fólk sem segir í tíma og ótíma dúllídú eða jafnvel rúsínudúllur og skríkir af ákafa um leið, og segir svo að lokum komdu til mömmu eða farðu til pabba.
Þetta er nú mín skoðun hvað finnst ykkur hinum.

Mitt álit.
Chihuahua eru hundar!! En það virðast ægilega margir fá sér þessa tegund og steingleyma að ala þá upp, og sitja svo uppi með geltandi smáhund sem mígur niður allstaðar og er skíthræddur við ókunnga og hlýða engu. Það má heldur ekki gleyma að þeir fara úr hárum eins og flestir aðrir hundar og þó þeir séu svona litlir þá verður þú sko alveg var við það.

Svo er annað sem ég tel að þurfi að passa, það er búið að vera í tísku núna síðustu 2-3 ár að eiga smáhund og ég tel að það hafi komið niður á tegundinni. Það eru allskonar afbrigði í gangi, alveg niður í pínupons hunda upp í mjög stórar hlussur, því með aukinni eftirspurn spretta upp ræktendur sem hafa ekki hundsvit á því sem þeir eru að gera og hafa bara áhuga á að græða sem mest. Því skaltu passa vel að fá þér hund hjá viðurkenndum ræktenda hjá Hrfí og fá að skoða báða foreldrana.
Þessi tegund er að fara á 130-170.000.

Kv. EstHe

ég er ekki mikil chihuahua manneskja. Það er nú ekki hægt að kalla þá hunda. Þeir geta ekki mikið gert. Síðan gelta þeir alveg rosalega mikið!
Ekki vera að fá þér hund í svona fljótræði. Kynntu þér málið betur og skoðaðu aðrar tegundir.

Tjúar eru alveg yndislegir. Ég og konan mín eigum einn síðhærðan og hann er algjör engill. Það að þeir gelta mikið er bara rugl, ef þú tekur fyrir það ákveðið strax þá hættir það strax. Þó svo að þeir séu litlir þá eru þetta samt hundar og þeir brotna ekki þó svo maður sé harður við þá. Í sambandi við verðið þá er það frá 100 - 160 þús.
Ef það er eitthvað meira sem þú vilt vita þá getur þú farið á www.tjuar.tk eða www.hvuttar.net

við eigum einn 1 árs gamlan loðnan chihuahua hund og hann er mjög gáfaður og hlýðin hundur hann kann að setjast,legjast,legjast á bakið,heilsa,standa á afturlöppanum,skríða,,sækja,vera kjyr,hoppa í fangið á manni ofl .þegar ég fer með hann útt að labba þá er hann oftast ekki í taumi hann eltir mann eins og skuggin mans .hann geltir eiginleg aldrei ekki nema eihver æðir inn án þess að banka á undan sér og þegar maður er að leika við hann.í öllum hunda bókum sem ég hef lesið þá er altaf sagt að chihuahua séu séu stórir og gáfaðir hundar í litlum líkama og ég held að það sé bara rétt

Sæl.
Sjálf er ég að fá litla tjúa prinsessu eftir nokkra daga.

Ég þekki þó nokkuð til þessar tegundar, og get því sagt að þeir eru ekki sígjammandi!
Þeir gelta ekki mikið ef tekið er fyrir geltið í byrjun.

Þetta eru alveg hreint æðislegir hundar sem elska að knúsa, þannig ef þú ert að leita þér af knúsudýri, þá ertu á réttum stað! ;)

Þú getur alveg farið með tjúann í gönguferðir eins og aðra hunda, ekki bara í kring um húsið eins og eihver hér sagði. Hins vegar hafa þeir ekki það mikla þörf á þeim, því þeir eru svo litlir ;)

Þegar kalt er úti þá þarf ég að klæða mína gellu í hundaföt, enda er hún snögghærð tjúa stelpa…
Hundum er ekki illa við fötin, þegar þau vita hvaða tilgangi þau genga, þannig að þeim verður ekki kalt í þeim.

Það er misjafnt hvað hreinræktaðir hvolpar kosta, en það er um 130-150 þúsund.

Þessir hundar eru mjög mannelskir og ekki mikið fyrir aðra hunda (eiga það samt til að vilja umgangast bara hunda af sömutegund)

Það er sagt að hundarnir séu ekki barngóðir, en ég held að það fari líka eftir því hvernig þú elur hann og hvernig kynni hann hefur að börnum.

Það er ekki gott að segja hve stórir chihuahua hundar séu, enda geta þeir verið alveg örsmáir…

Vona að ég hafi gefið svar við einhverjum spuringum… ;)

Þessir hundar eru alveg yndislegir. Kærasti minn á svona hund og er hann æði. Það er alltaf verið að segja að þeir séu frekir og alltaf geltandi. Það er bara vittleysa það fer bara hvernig maður elur þá upp.
Hundur kærasta minns geltir eigilega aldrei og frekur stundum eins og allir hundar. Ég á Border Collie og getur hún alveg verið frek líka.

þekki líka konu sem er að rækta þessa tegund og á hún 4 svoleiðis og þeir eru allir geðveikt skemmtilegir.

Marsibil

Chihuahua hundar eru eins og aðrir hundar misjafnir, en þeir sem ég þekki eru alveg yndislegir annar er reyndar svolítið frekur en það er algengt að fólk er ekki jafn ákveðið við þessa litlu og þá stærri, þeir þurfa alveg sama uppeldi og hinir.

Þeir sem ég þekki gelta ekki mikið en þegar þeim bregður þá gelta þeir en það gera hinir líka.

Chihuahua eru mjög kelnir og geta legið með manni og knúsast alveg endalaust.

Það er misskilningur að þeir þurfi litla hreyfingu, allavega þessir sem ég vitna í þurfa frekar mikla hreyfingu daglega.

Þeir eru loðnir en samt misloðnir annar er með meiri feld en hinn og þar með þolir hann kuldan betur og fer ekki í kápu þegar hinn þarf þess með.

Skoðaðu þetta vel hvuttar.net er með upplýsingar og eins og áður hefur komið fram Ásta og Balli.
kveðja
Krissa

Mikið er nú gaman að sjá svona mikið af björtu og gáfuðu fólki saman komið á einum stað. Það hreinlega rignir hér inn gáfumolunum og gullkornunum. Ég held að það sé bara efni í heila bók.

Ég held, kæra fólk, að ég hafi sjaldan orðið vitni af jafn miklu bulli og hér hefur komið fram. Þvílíkir fordómar og hálfvitaskapur. Hér kemur einstaklingur sem spyr einfaldra spurninga, um hvort að ákveðin hundategund sé mannelsk og hvort að það séu til undirtegundir af mexíkóskum smáhundum. En ég fæ ekki betur séð en aðeins tveir, í mesta lagi þrír hafi í raun svarað spurningum á meðan hinir blésu út og létu skína í óendanlega visku sína.

Til að byrja með er rétt að leiðrétta þá mýtu(myth) að þessir hundar gelti mikið, meira en aðrir hundar. Það er ekki rétt. Hundar gelta, það er í eðli þeirra að láta vita af gestum, láta aðra hunda vita af sér osfrv., en það er lítið vandamál að venja hunda af þessu, hvaða hundategund sem er. Hundar gelta líka þegar þeir eru óöryggir eða einfaldlega illa upp aldnir.

Labrador retriever eða Golden Retriever eru EKKI betri hundar að neinu leyti. Hver tegund út af fyrir sig hefur sína kosti og galla, líka þær tegundir sem viskubrunnarnir hérna eru að reyna upphefja sem ‘æðislegar’, ‘besta tegund í heimi’ osfrv.. Það er sannast sagna fáránlegt að vera metast um það, því hundar eru eins og fólk, þeir hafa ákveðið geðslag sem er einstaklingsbundið. Ykkur fyndist fáránlegt að vera dæmd heimsk af því að Jói í húsinu við hliðina á ykkur fékk bara 2 í stærðfræði. Hunda þarf að dæma eftir hverjum einstaklingi, þess vegna á hundasýningum eru margir hundar að keppa innan hverjar tegundar, en ekki bara einn, þeir eru jú mismunandi þrátt fyrir að vera af sömu tegund.

Ég veit um íslenskan hund sem geltir á allt sem hreyfist, ég veit líka um Stóra-Dana sem hefur bitið barn, Labrador sem skokkaði inn í hæsnahús og drap allt þar inni. Segir þetta eitthvað til um þessar tegundir? Eða segir þetta eitthvað um þessa einstaklinga?

Fáránlegast af öllu finnst mér þegar fólk dæmir eigendur hunda eftir því hvaða tegund það á. ‘Fólk sem á chihuahua er oftast furðulegir einstaklingar’…hvaða hálfviti lætur svona út úr sér? Eru allir þá sem eiga Border Kollie gáfaðir, af því að BC eiga að vera svo gáfaðir? Eru allir sem eiga St. Bernharðshund með ofvirka munnvatnskirtla? Þetta er alveg einstaklega heimskuleg athugasemd og viðkomandi ekki til hróss.

Það er hægt að ganga út frá vissum atriðum með hreinræktaða hunda, en til þess þarf að þekkja vel inn á foreldra þeirra. Einnig er hægt að ráðfæra sig við hundaþjálfara eða skoða bækur um viðkomandi tegund. En hér færðu, augljóslega, hvorki rétta mynd né fullnægjandi svör við spurningunum þínum.

Eru Chihuahua mannelskir?
Já, vel flestir hundar elska að vera innan fólk. Hundar velja sér foringja og vilja vera sem mest innan um þann einstakling. Sumir hundar eru hrifnir af börnum, aðrir ekki. Það er ekkert bundið við eina tegund umfram aðra. Sjálfur á ég tvo hunda, Border Collie og Chihuahua, báðar elska þær að fá gesti og hitta annað fólk.

Eru til margar tegundir af Chihuahua?
Chihuahua er yfirleitt skipt í tvo hópa;síðhærða og snögghærða.

Eru allir Chihuahua jafn litlir?
Nei, það eru til stærri og minni afbrigði af Chihuahua, rétt eins og það eru til litlir og stórir labradorar. Það fer bara eftir ræktendum og hvort að foreldrarnir hafi verið í stærri kantinum eða minni. Það fer bara eftir einstaklingum.

Hvað kosta þeir?
130-170 þús.

Að lokum langar mig til að biðja fólk hér að þroskast og halda sig við efnið. Það var ekki verið að biðja fólk um álit þeirra á tegundinni, heldur var verið að spyrja einfaldra spurninga og þau ykkar sem ekki vitið svarið, haldið kjafti og farið með bullið ykkar annað. Þetta rugl sem vellur upp úr ykkur gagnast engum og þið lítið bara út fyrir að vera vitlausari en þið eflaust eruð.