Hérna er allt safnið mitt af þessum ódauðlegu fíla- og atómbröndurum. Ekki mikið en samt nóg til að gefa vel af sér í réttum fíling.

Hvað sagði Tarsan þegar hann sá fílana koma labbandi yfir hæðina?
Svar: Þarna koma fílarnir labbandi yfir hæðina :)

Hvað sagði Tarsan þegar hann sá fílana með sólgleraugun koma labbandi yfir hæðina?
Svar: Ekkert, hann þekkti þá ekki :)

Afhverju naglalakka fílar alltaf tærnar á sér rauðar?
Svar: Til að geta falið sig í Kirsuberjarunnum :)

Hefuru einhvern tímann séð fíl í kirsuberjarunna? Þarna sérðu, það virkar :)

Hvernig veistu að það hefur verið fíll í ísskápnum þínum?
Svar: Það eru fótspor í smjörinu :)

Hvernig veistu að það er fíll heima hjá þér þegar þú kemur heim?
Svar: Hjólabrettið hans er fyrir utan :)

Hvernig kemuru fíl fyrir í ísskáp í 3 handtökum
Svar: 1 opnar ísskápinn, 2 setur fílinn inn og 3 lokar ísskápnum :)

Hvernig kemuru gíraffa fyrir í ísskáp í 4 handtökum
Svar: 1 opnar ísskápinn, 2 tekur fílinn út, 3 setur gíraffan inn og 4 lokar ísskápnum :)

Hvernig kemuru 6 fílum fyrir í Lödu?
Svar: 2 frammí, 3 afturí og einum í hanskahólfinu :)

Atóm Brandarar:

Einu sinni fóru 3 fílar í fallhlífarstökk, fyrsti stökk út og fékk þessa flottu bláu fallhlíf. Sá næsti stökk út og fékk þessa flottu rauðu fallhlíf. Sá þriðji stökk síðan út og ekkert gerist þegar hann tosar í bandið og heldur ekki fyrir varahlífina. þEgar hann fer svo fram hjá hinum fílunum þá segir hann: Þetta er allt í lagi, ég er með tópas í vasanum

Hvort er lengra til Hólmavíkur?
Svar: Hvorki né

Hvort er lengra til Ólafsfjarðar?
Krókódíll á hjóli :)

Vona að þið skemmtið ykkur jafn mikið yfir þessum og ég hef gert í gegnum tíðina en ég minni á að maður þarf að vera í rétta skapinu til að hlæja að þeim