Á eyðieyju einni fjarri allri mannabyggð (auðvitað) strandaði skip en á skipinu var fólk samankomið af ólíkum þjóðernum. En það var ekki fyrr en mánuði síðar sem greyið fólkið fannst og hafði þá ýmislegt á daga þeirra drifið…


Strandaglóparnir voru:
2 ítalskir karlar og ein ítölsk kona
2 franskir karlar og ein frönsk kona
2 þýskir karlar og ein þýsk kona
2 grískir karlar og ein grísk kona
2 breskir karlar og ein bresk kona
2 búlgarskir karlar og ein búlgörsk kona
2 japanskir karlar og ein japönsk kona
2 kínverskir karlar og ein kínversk kona
2 bandarískir karlar og ein bandarísk kona
2 írskir karlar og ein írsk kona
2 íslenskir karlar og 1 íslensk kona


Mánuði síðar á þessari sömu eyju höfðu eftirfarandi atburðir átt sér stað:


Annar Ítalinn drap hinn vegna ítölsku konunnar.


Frönsku mennirnir og franska konan lifa í sátt og samlyndi.


Þjóðverjarnir hafa komið sér upp mjög stífu vikulegu fyrirkomulagi um að heimsækja þýsku konuna.


Grikkirnir sofa hjá hverjum öðrum á meðan gríska konan þrífur og eldar handa þeim.


Bretarnir bíða enn eftir að einhver kynni þá fyrir ensku konunni.


Búlgararnir horfðu lengi á sjóndeildarhringinn og svo á búlgörsku konuna og stungu sér síðan til sunds.


Japanirnir sendu símbréf til Tokýó og bíða enn leiðbeininga.


Kínverjarnir hafa komið upp apóteki, vínbúð, veitingastað og þvottahúsi og kínverska konan er barnshafandi af völdum “þeirra” því starfsmenn vantar.


Bandaríkjamennirnir eru á barmi taugaáfalls því bandaríska konan kvartar í sífellu yfir líkamsvextinum sínum; yfir eðli konunnar; hvernig hún er fær um að gera hvaðeina sem þeir geta; nauðsyn þess að lifa fullnægjandi lífi; jafnri skiptingu á heimilisverkum; hvernig sandurinn og pálmatréin valda því að hún virðist feitari; hvernig síðasti kærastinn virti skoðanir hennar og kom betur fram við hana en þeir tveir; hve samband hennar við móður sína verður betra með degi hverjum og að lokum hve skattarnir eru lágir og að það skuli aldrei rigna.


Írarnir tveir hafa skipt eyjunni í norður og suður og sett upp landamæri. Þeir minnast ekki hvort til kynlífs hafi komið því það er allt í móðu eftir fyrstu lítrana af kókosviskíinu. En þeir eru sáttir því Bretarnir eru ekki að njóta sín.


Íslendingarnir væru orðnir stórskuldugir við verslanir og veitingahús Kínverjanna og á brugghús Íranna. Íslenska konan væri búin að sofa hjá ítölsku, frönsku og amerísku karlmönnunum á meðan íslensku karlmennirnir væru búnir að reikna út að þeir væru fallegastir, sterkastir, gáfaðastir og fjölmennastir miðað við höfðatölu.