Lengdur Mercedes Benz limmi stoppaði á rauðu ljósi og við hliðina á honum stoppaði pínulítill Mini. Guðmundur, sem sat í limmanum leit með fyrirlitnigasvip á Jónas í litla bílnum og byrjaði að gorta sig af því hvað bíllinn hans væri flottur.

„Þetta er besti limmi sem hægt er að fá fyrir peninga,“ sagði hann. „Hann er með ABS bremsur, spólvörn, líknarbelgi fyrir alla farþegana, innbyggt tölvukerfi með Internettengingu, ljósnæma glugga, vel fylltan bar, sjónvarp með gerfihnattadiski í þakinu, …“

Þegar hér var komið sögu tók Jónas í litla bílnum framí fyrir honum. „En ertu með DVD spilara?“

Nú skiptu ljósin yfir í grænt og Guðmundur varð dálítið svektur yfir því að hafa ekki DVD spilara í bílnum, svo hann lagði leið sína í næstu verslun sem seldi DVD spilara fyrir bíla og lét setja einn slíkan í limmann.

Nokkrir dagar liðu og þá sá Guðmundur hvar litli bíllinn hans Jónasar stóð við vegarbrúnina. Allir gluggar voru huldir móðu og strókur af gufu stóð út um einn gluggann sem var aðeins opinn. Þegar Guðmundur sá þetta fór hann út úr stóra og flotta bílnum sínum með allar græjurnar og bankaði á gluggann á litla bílnum hans Jónasar. Eftir smá tíma rak Jónas rennandi blautan hausinn út um dyrnar.

„Ég er búinn að setja DVD spilara í bílinn minn!“ sagði Guðmundur hreykinn.

Jónas varð önugur „Og þurftirðu endilega að draga mig út úr sturtunni til að segja mér þetta?“