Ég mæli með kiwanis klúbbnum fínar kökur þar.

Ég mæli með málbandi! HAHAAHAHAHA

Annasr eru allar björgunarsveitirnar bara fínar, bæði kökur með hávaða (t.d. top gun) og svona ljósasjóv (t.d. Njáll á Berg. minnir mig)

Vanur maður hér á ferð takk fyrir góðan daginn.

Ehh, gleymdi að minnast á kostanðinn…frá 900 til 3900.

Ég er að vinna við að selja flugelda um áramótin, hef gert það í nokkur ár. Þannig að ég ætti að hafa svona “basic-knowledge” á þessu.

Mín skoðun er sú að ef þig vantar flugelda (rakettur), þá mæli ég ekki með Skátunum. Það er svona óskrifað “banna allt sem er gaman” hjá þeim.
Tertur eru allt annað og þeir standa yfir öðrum í þeim málum.

Þeir eru með tertur á bilinu 990 - 15900. Ef þú vilt Risatertur (sem er í rauninni bara flugeldasýning), þá eru bardagar góðir. Ingólfsbardagi, Flóabardagi þar helst.
Kappa-terturnar eru magnaðar sumar. Þar ber að nefna hæst Gunnlaug Ormstungu (6900), Gunnar á Hlíðarenda (2900), Njáll (3900) og ef þú vilt bara ýlur -> Snorri Sturluson (2900).

Svo eru brennurnar bara svona gos.. ekkert súper.

Mættu bara á svæðið og fáðu upplýsingar hjá strákunum. Þeir hafa reynsluna. Reyndu bara að hitta á verslunarstjórann.. hann veit best.

Ég var að sjá eina áðann úta flugeldasölu á 23.000 kall

Það var nú líka slatta stórt helvíti !

nánast orðrétt það sem Hilmar sagði… nema það að ég hef hef ekkert út á rakettur skátana að segja, en það er kannski bara ég.

Ég hélt að þessar stærstu (hjá Hjálparsveit Skáta reyndar) væru eitthvað um 30.000 kallinn. En það eru þessar allra stærstu auðvitað. Njáll og Grettir og þessir guttar þarna. :)

Kökurnar eru frá 1900 og alveg upp í 24.900 kr.

Kappaterturnar eru frá 2900-4900. Skemmtilegust af þeim er Hallgerður langbrók. Temmileg læti, skemmtileg ljós og mjög ásættanlegur sprengitími. Hún lifir í 55 sek. og kostar 3900. Mömmutertan í ár er Þórunn hyrna. Hún er hjartalöguð og með virkni í samræmi við það. Krúttleg ljós og lítill hávaði. Minnir að hún sé á 2900 (ekki til á mínum sölustað). Stóru kapparnir eru líka fínir til síns brúks, hins vegar er þeirra vandamál hversu stuttir þeir eru. Grettir og Egill lifa ekkert í mikið meira en 20 sekúndur og það full lítið fyrir tæplega 5000 króna fjárfestingu. Gunnlaugur Ormstunga er svo alveg stórkostleg ef þú hefur gott rými. Hún skýst ekki bara beint upp heldur myndar eins konar blævæng. Með betri nýjungum sem Landsbjörg hefur komið með inn á íslenskan flugeldamarkað í mörg ár.

Ég hef ekki verið þess heiðurs aðnjótandi að sjá bardagaterturnar í action en einhvern veginn hef ég það á tilfinningunni að það sé betra að kaupa minni en eina stóra.

Hins vegar mæli ég með öðrum tertum sem ekki hafa verið að seljast mikið í ár. Þetta voru lengi vinsælustu terturnar hjá skátunum en hrundu í sölu eftir að þeir fóru á íslenska nöfnin á öllum hinum. Þetta eru hinar stórskemmtilegu dönsku tertur Blomsterbukket og Blossom After Thundering. Þær eru á 1900 krónur hvor og eru 90 skota. Þær lifa alveg í góða mínútu og eru með fjölbreyttustu skotkökum sem ég hef séð. Blomsterbukket er meiri ljósadýrð en Blossom After Thundering minnkar hana aðeins og bætir við góðum hvellum.

Af rakettum hins vegar mæli ég engan veginn með þessum dýrustu. Ég fann í dag rakettur á 600 krónur með betri sprengingu og ljósum en þessar á 2900. Lásbogi er algert nei og hnífur er skítsæmilegur. Einnig er verið að selja á einstaka sölustöðum rakettur sem heita Luna og svo kúluraketturnar svokölluðu. Þessar tvær eru á 1300 hvor og eru það massívasta sem ég hef séð af rakettunum sem við erum að selja.

Ef þú ert að leita að gosum þá mæli ég með Kirkjubólsbrennu. Hún kostar 1700 og er að mínu mati skemmtilegri en Njálsbrenna. Hún endist í svona mínútu en Njálsbrennan í tvær. Munurinn á þeim eru 2200 krónur og það eina sem þú færð út úr Njálsbrennunni er það að fólk verður orðið þreytt á henni eftir innan við mínútu.

Af öðru dóti þá mæli ég með svörtum 8 skota hólki sem kallast Roman Candle. Hann kostar 900 krónur og skýtur 8 skotum sem eru hvert fyrir sig á við rakettur sem hægt væri að selja á 1500 krónur.

Ég er sjálfur að vinna á sölustað í Reykjavík og get alveg sagt þér eitt, ef þú ert með vöru sem heitir íslensku nafni og aðra sem heitir erlendu nafni þá skaltu hiklaust kaupa þá erlendu, jafnvel þó það muni meira en 1000 krónum. Ég get lofað þér því að þú verður ekki svikinn ef þú hugsar þannig.