Shamaroth fyrir 22 árum, 1 mánuði Fjöldi lestra: 747

Virðingarleysi. Þroskaleysi. Miskunnarleysi

Ég hef núna verið að fylgjast dáldið með greinum og korkum hér á Huga, allt frá “The Sims” áhugamálinu til Bíla, og ég verð bara að segja að mér hefur oft brugðið yfir hinum ýmsum ummælum fólks, fram og til baka. Og oftast sama fólkið

Dæmi: Greinin “Ófyrirgenfalegt” á Sims áhugamálinu. Greinin var skrifuð af 10 ára stúlkukind, og kannski ekki sem best stafsett. En hún var nú eftir allt saman bara 10 ára, varla nýbyrjuð í almennilegri stafsetningu.

Hinsvegar létu Hugabúar það sér ekki aftra sér. Vesalings stelpan var tekin af lífi á MJÖG miskunnarlausann hátt. Mér virkilega blöskraði við lesturinn. Guð minn almáttugur… lítið í eigin barm! Ég sé hinar verstu málfarsvillur hjá fólki yfir tvítugu, og þið DIRFIST að brjóta niður barn svona?

Dæmi 2: Grein á áhugamálinu Heilsa. Stutt grein, og er stúlka nokkur að lýsa hvernig hún verður aðeins veik í fríum sínum. Einn notandinn sér þar leik á borði, og kallar hana orðrétt “hóru”.

Ekki reyna að komast undan því

——————

Þetta er hérna allstaðar, þar sem fólk sér ekki bjálkann í eigin auga fyrir flísinni í auga náungans. Það er bara miklu hærra hlutfall og sést meira hér á Huga.is

Svo er alltaf hægt að minnast gömlu “rasistaumræðunnar” á Deiglunni hér forðum… Guð miskunni sér yfir okkur og komi í veg fyrir annað eins…

Hinsvegar eru litlir gullmolar inná milli, eins og t.d. “Ostur er góður” á Quake áhugamálinu… ætli maður sé ekki hérna ennþá vegna þeirra?

Nefi fyrir 22 árum, 1 mánuði

Þakka þér kærlega fyrir. Ég er þér hjartanlega sammála. Maður kemur á huga og leggurinn greinar og fær nokkur svör og meiri hluti þeirra er að gagnrýna mann fyrir lélega stafsetningu; sjálfur er ég lesblindur og það hefur sitt að segja, en ekkert er jafn pirrandi og þegar fólk hefur ekkert að segja með viðkomandi grein heldur bara að koma að athugasemdum með stafsetningu.

Kv Nefi

Fyrra álit

freki fyrir 22 árum, 1 mánuði

Þetta er alveg rétt.
Maður er að lesa grein eða kork og hefur gaman af, og fræðandi. Þá kemur allt í einu “Þú ert lalal” eða “Þetta er frat”.

Bara svona lítil spurning til þeirra sem skrifa svona og vilja rífast og rakka hinn niður. Fáið þið eitthvað út úr því að rífast svona. Því ekki fá að stofna kubb sem mundi heita nöldur eða er hann kannski til.

Kveðja
Seppi

Fyrra álit

Malki fyrir 22 árum, 1 mánuði

Ég fékk þessa ábendingu frá “Da5id” um daginn,

“Malki, það er ljótt að sjá hvernig þú skrifar „einkanir“. Í nefnifalli er orðið einkunn og fleirtalan einkunnir.”

góð leiðrétting, það er ekkért að því að vera leiðréttur annað slagið, en sá sami notaði Enska slettu í svarinu sínu áður en hann fór að leiðrétta mig :)

Annars sé ég ekkért að því að rífast aðeins, svo lengi sem menn séu ekki með neitt skítkast og dónaskap.

En ég hef líka séð þá sem skifa greinarnar vera með skítkast út í þá sem voga sér að gagnrýna það sem er í greininni.
Ég hélt að það væri tilgangurinn með þessum greinum að leyfa fólki að svara og gagnrýna ef það vildi.

Er ekki einhver leið fyrir umsjónarmenn Huga.is að banna þá sem ganga of langt?

Takk takk

Malki.

Fyrra álit

[Notanda eytt] fyrir 22 árum, 1 mánuði

Stafsetningarvillur geta verið pirrandi. En það á alltaf að taka tillit til t.d. aldurs og lesblindu. Mér finnst frábært þegar ég sé að fólk að minnsta kosti að reyna að gera þetta rétt og er virkilega að vanda sig. Mér finnst ekkert sorglegra en þegar fólk er að gagnrýna aðra og skrifar eitthvað vitlaust. Enginn er fullkominn!

Mér finnst samt fínt þegar mér er bent á villur í málfari mínu og stafsetningarvillur hjá mér.

Kveðja
Daywalke

Fyrra álit

catgirl fyrir 22 árum, 1 mánuði

Ég er admin á heilsu og þegar ég sá þetta svar þá eyddi ég því…

Ef ég mætti ráða þá hefði ég viljað banna þessa manneskju. Svona fólk er bara ekki í lagi.

Fyrra álit

[Notanda eytt] fyrir 22 árum, 1 mánuði

Það er fátt meira pirrandi en fólk sem skrifar vitlaust og nennir maður oft ekki að lesa greinar sem eru mjög vitlaust stafsettar. Þess vegna finnst mér allt í lagi að leiðrétta fólk, svo lengi sem það er gert kurteislega. Þannig lærir það af mistökum sínum og allir verða voða glaðir.

Fyrra álit

grugli fyrir 22 árum, 1 mánuði

Það hlýtur að vera hægt að hafa eitthvað stafsetningarleiðréttingakerfi hér á huga svo það sé ekki verið að hvarta yfir henni.

Fyrra álit

Shamaroth fyrir 22 árum, 1 mánuði

Ég er sjálfur í 10. bekk og bara stafsetningin þar myndi vera of mikið fyrir Huga :)

Íslenskan er of gömul, og of einangruð. Mig grunar að þetta hafi verið áhugamál fólks fyrr á tímum, þ.e.a.s. finna upp á nýjum leiðum til að skrifa einhver orð fáránlega, og svo semja enn verri reglu um það

“En ég hef líka séð þá sem skifa greinarnar vera með skítkast út í þá sem voga sér að gagnrýna það sem er í greininni.
Ég hélt að það væri tilgangurinn með þessum greinum að leyfa fólki að svara og gagnrýna ef það vildi.”

Það er ekkert skárra… og er hægt að leita í gömlu rasistaumræðunum sem ég benti á í greininni. Fólk mátti ekki hafa skoðun, hvort sem hún var á báða bóga. Þetta var ekki lengur umræða og rifrildi, heldur nornaleit of aftaka…

Fyrra álit

Hugi

Hugi

Ofurhugar

Stjórnendur

Hverjir eru inni

Greinar

Virðingarleysi. Þroskaleysi. Miskunnarleysi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi