DrumaTix fyrir 22 árum, 7 mánuðum Fjöldi lestra: 570

Tjáningarfrelsi

Í Noregi var verið að aflétta lagalegu banni við rasisma á grundvelli tjáningarfrelsis. Þetta þykir mér skynsamlegt þar sem grundvöllur heilbrigðs samfélags er að tala um hlutina og færa þá í dagsljósið í stað þess að bæla þá niður og banna þá. Ég er ekki fylgjandi rasisma, en finnst þetta engu að síður rökrétt framkvæmd þeirra Norðmanna. Í ljósi þessa þykir mér undarlegt að auglýsingastofa í Rvk. fái að vaða uppi með auglýsingar á eigin vegum þar sem þeir fullyrða að rasismi sé heimska. Þeir setja sig þarna þrepi ofar en fólk með aðrar skoðanir og þau, og enginn segir neitt. Mér finnst það í góðu lagi ef fólk ræðir slíka hluti sín á milli, en það er ósanngjarnt að birta svona lagað undir yfirskini auglýsingaátaks. Fólk kinkar bara kolli og samþykkir þetta án þess að ræða málin. Þetta fólk þarf að átta sig á því að þó rasistar séu ekki með sömu skoðanir og allir, þá hafa þeir sama rétt á þeim og allir. Ég er viss um að einhver yrði reiður ef það birtist auglýsing sem segði: “Frjálshyggja er heimska.” -eða- “Áhugamenn um kraftlyftingar eru hálfvitar.”
Þetta samfélag er handónýtt að því leytinu til að það er aldrei neitt gert í hlutunum og því fá svona hlutir að gerast án þess að nokkur lyfti fingri. Nú þarf einhver yfirlýstur rasisti að kæra þetta lið fyrir meiðyrði.

ivar fyrir 22 árum, 7 mánuðum

sammála þessu

Fyrra álit

Fluffster fyrir 22 árum, 7 mánuðum

Þannig tjáningarfrelsi í þínum augum er að mega rakka niður fólk sem lítur öðruvísi út en þú, en að það megi ekki rakka þig niður fyrir það? Sem sagt tjáningarfrelsi fyrir rasista en enga aðra?

Þú getur ekki bæði lofsamað frelsi til að breiða út hatur og rasisma og heimtað hömlur á frelsi þeirra sem leggjast gegn rasisma.

I have a plan so cunning you could put a tail on it and call it a weasel!

Fyrra álit

JBravo fyrir 22 árum, 7 mánuðum

Heyr heyr Fluffster.

Staðreyndin er því miður sú að Rasismi ER heimska.
Jafnvel ekki nógu fast að orði kveðið með orðinu “heimska”

Fyrra álit

Gourry fyrir 22 árum, 7 mánuðum

Rasismi er þrjóska og er eitt aðaleinkenni vitgranna manna sem halda að allt öðruvísi sé slæmt

[------------------------------------]

Fyrra álit

[Notanda eytt] fyrir 22 árum, 7 mánuðum

Algjörlega sammála. Rasismi er rugl, ekkert minna rugl heldur en dóp, segi ég. Því miður hef ég orðið var við of mikinn rasisma í kringum mig undanfarið. Það er sorglegt hvert unga kynslóðin stefnir í þessum málum…

Fyrra álit

[Notanda eytt] fyrir 22 árum, 7 mánuðum

Mér sýnist DrumaTix frekar vera að biðja um einhvers konar sanngirni - úr því að eitt er bannað, þá ætti að banna eitthvað sem að er (að því er honum finnst) vera alveg það sama.

Hins vegar er munur þarna á. Það er eitt að segja að svertingjar séu heimskir og latir. En að segja að rasismi sé heimska er allt annað. Annars vegar er verið að fullyrða um hóp fólks. Hins vegar er verið að lýsa yfir skoðun á viðhorfi. Menn geta ekkert að því gert hvar þeir fæðast, né hvernig húðin þeirra er á litinn. Menn geta hins vegar skipt um skoðanir, hver heilvita maður skiptir oft um skoðanir á sínum æviferli. Að hafa sömu skoðanir á hlutum þegar maður er fimm ára og þegar maður er fjörutíu og fimm ára er merki um greindarskort, eða a.m.k. lítinn þroska.

Fyrra álit

DrumaTix fyrir 22 árum, 7 mánuðum

Það sem ég meina, minn kæri fluffster, er að ég efast um að nokkuð blað eða miðill myndi vilja birta auglýsingu frá samtökum íslenskra þjóðernissinna undir yfirskriftinni: “Negrar eru ógeðslegir”
Það er ekkert til sem heitir sanngirni í að leyfa einhverri auglýsingastofu að birta svona heilsíðuyfirlýsingu undir því yfirskini að þeir séu að auglýsa sig.
Það er vitað mál að fjölmiðlar hafa óhugnanlega mikil áhrif á hugsanir okkar og gjörðir, og það sækir að mér hroll þegar ég sé svona lagað, þar sem fólk með aðrar skoðanir en við hin er troðið svona niður.

Fyrra álit

marxus fyrir 22 árum, 7 mánuðum

Ég er fylgjandi málfrelsi, en mér finnst hægt að gera undantekningu þegar um er að ræða skoðun sem stríðir gegn allri skynsemi. Rasismi ER heimskulegur, hann byggir á fáfræði og þröngsýni, og þeir sem stunda hann í dag eru yfirleitt óupplýstir og ómenntaðir einfeldingar.

Þú vilt málfrelsi þar sem rasistar mega viðra hatur sitt, en andstæðingar þeirra mega ekki svara í sömu mynt? Ég veit ekki betur en að Þjóðernissinnar megi viðra skoðanir sínar á eigin heimasíðu. En það er að sjálfsögðu undir stjórnanda hvers fjölmiðils komið hvað hann birtir í sínum miðli. Sjónvarpið þjónar hagsmunum ríkisins og aðrir fjölmiðlar eru reknir í gróðaskyni, þó oft með ákveðnar pólítískar áherslur. Þeim ber engin skylda til þess að birta auglýsingar sem þeim líkar ekki. Sem betur fer eru fjölmiðlar svo vel upplýstir að þeir birta ekki áróður aðila sem bygga skoðanir sínar á heimsku og fáfræði. Það er málfrelsi á Íslandi en það er líka frjáls markaður. Þessum rasistum er alveg frjálst að birta skoðanir sínar á eigin heimasíðum og eigin miðlum, en það ber engum öðrum skylda til að hleypa þeim að.

Fyrra álit

[Notanda eytt] fyrir 22 árum, 7 mánuðum

ramax:

Er ekki einmitt verið að kæra formann Félags íslenskra þjóðernissinna fyrir “rasísk” ummæli? Var einhver hjá DV kærð(ur)? Ég held ekki.

Svo er það hitt, að það leysir ekkert að banna opinbera umfjöllun um þetta. Ef eitthvað, þá er það bara eins og hella olíu á eld (sem er alveg gríðarleg sóun á verðmætum). Það er hægt að banna umfjöllunina og það er hægt að banna þeim að viðra skoðanir sínar, en það á ekki eftir að koma í veg fyrir að þeir geri það, rétt eins og bann við að keyra hraðar en 90 km/klst á þjóðvegum kemur ekki í veg fyrir að fólk keyri miklu hraðar.

En auðvitað ber engum fjölmiðli (í einkaeign) að fjalla um annað en það sem stjórn fjölmiðilsins kærir sig um. Ríkisrekinn fjölmiðill ætti hins vegar að gefa öllum tækifæri á að tjá sig - hann er rekinn fyrir okkar skattpeninga, þá ættum við líka öll að fá að tjá okkur það. Til að lýðræði virki, þá þurfa allir kjósendur að vera upplýstir um það sem er að gerast. Þeir sem hafa ekki hundsvit á því sem er á gangi í þjóðfélaginu gera lítið gagn þegar þeir kjósa. Það væri ákjósanlegra að fólk sem er ekki að fylgjast með myndi ekki kjósa, en að kjósa einhvern flokk, bara af því að “formaðurinn er svo traustvekjandi”.

Ég er í meginatriðum fylgjandi næstum óheftu málfrelsi. Hið eina, sem ég er andvígur, er notkun niðrandi orða, og niðrandi ummæli.

Fyrra álit

DrumaTix fyrir 22 árum, 7 mánuðum

Þarna kom meginpunkturinn í umræðunni fram.
Heilbrigð umræða snýst ekki um að kalla fólk hálfvita. Þessa hluti þarf að ræða á yfirvegaðan máta með rökum í stað fúkyrða.
Við verðum að skilja að skoðanir rasista eru í þeirra huga réttar. Hver maður byggir sér sinn eigin veruleika og við hin höfum engan rétt á að rífa hann niður. Við getum rökrætt við þá þar til við blánum í framan, en svona starfsemi eins og áður segir skilar engum árangri, heldur reiði.
Þegar maður reynir að kljást við einhvern á svona agressívan máta fer á endanum svo að maður kljáist ekki við trú hans, heldur þrjósku. Þessu fólki má ekki mæta með hatri, heldur skynsemi og tiltali.

Fyrra álit

[Notanda eytt] fyrir 22 árum, 7 mánuðum

Það er þó nokkuð mikill munur á að alhæfa um fólk annars vegar og skoðun hins vegar. Nú hef ég ekki séð þessa auglýsingu, en þín orð benda til, að þeir séu að lýsa skoðun, gefa sitt álit á henni, jafnvel alhæfa um hana. Þó svo að sagt sé að rasismi sé heimska, þá er ekki þar með verið að fella neinn afgerandi dóm um rasista. Að aðhyllast heimsku er vissulega heimskulegt, en það er ekki þar með sagt að sá sem það gerir sé heimskur. Bráðgreint fólk getur trúað vitlausustu hlutum.

Fyrra álit

Hicksites fyrir 22 árum, 7 mánuðum

Hvernig væri að banna fólki að troða skoðunum sínum og hugmyndum uppá annað fólk? bara svona til að banna eitthvað, að einstaklingurinn hafi það frelsi að geta lifað sínu lífi án þess að verða fyrir svona áreiti.

Fyrra álit

Hugi

Hugi

Ofurhugar

Stjórnendur

Hverjir eru inni

Greinar

Tjáningarfrelsi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi