Afsakið kæru lesendur þessa bið sem hefur orðið á greinum Ritu Skeeter. Hún hefur verið í mikillri hættu, við það að þurfa að finna út hver sannleikurinn er á bak við SillyMoo. Gengið í gegnum eld og ösku til þess að segja ykkur frásögn sína um SillyMoo. Njótið heil!

SillyMoo er hinn nýkrýndi stjórnandi á huga. Hún er 16 ára hnáta og er nú í skólanum eftir að hafa verið í garðvinnu um sumarið. SillyMoo hefur margar dökkar hliðar og Rita Skeeter ætlar að fjalla aðeins nánar um það á næstunni.

Eftir nokkrar spurningar komst undirrituð að því að uppáhalds bók þessa nýkrýnda stjórnanda er þriðja bókin og uppáhalds persónurnar eru Sirius Black, Remus Lupin og Charlie Weasley.

Þriðja myndin um Harry Potter finns henni vera sú skásta í röðinni, sem undirrituð getur einfaldlega ekki ímyndað sér. Sú mynd er hrein hörmung að mati undirrtiaðarar. Finnst SillyMoo önnur myndin um piltinn vera sú versta, sem undirrituð getur enn og aftur ekki fengið sig til þess að skilja.

Þegar SillyMoo er beðin um að spá um framtíð pörupiltsins Harry Potter heldur hún því fram að einhver nákominn Harry muni deyja og þá spáir hún því að það sé enginn annar en Dumbledore sem muni fórna lífi sínu fyrir Harry.
Undirrituð sver það að hún sér glott á vörum stjórnandans, illkvittnislegt glott sem þýðir ekkert gott.

Hver er þessi Sillymoo? Eftir smá rannsóknir hefur undirrituð, ykkar undurfagra Rita Skeeter, komist að niðurstöðu. Sillymoo er enginn annar en Oliver Wood, fyrrverandi fyrirliði Gryffindorliðsins í quidditch og núverandi leikmaður hjá Puddlemere United.
Flest ykkar hugsa eflaust núna: “Hvað er að því? Oliver Wood er frábær náungi og svo er hann alveg ofboðslega góður í quidditch!”. RANGT!

“Oliver Wood hefur ekki spilað með Puddlemere United í tvo og hálfan mánuð!” segir Philbert Deverill, stjórnandi liðsins hneykslaður. “Þegar við réðum hann til okkar eftir útskrift hans úr Hogwarts virtist hann vera ágætis drengur. En þegar hann byrjaði á æfingunum komumst við að því að hann gerir allt til þess að komast lengra á framabrautinni. Við þurftum að reka hann vegna lélegrar mætingar og einfaldlega vegna þess að hann hótaði öðrum liðsmönnum stöðugt.”
Þess ber að minnast að nú fyrir viku var ráðist á fyrirliða liðsins, John Jackson, og lögð á hann bölvun. Hann liggur nú á Sankti Mungó í slæmu ástandi og getur ekki sagt frá hver lagði á hann þessa bölvun.

“Við höfum ekki heyrt frá honum í yfir mánuð” Segir Winona Wood, móðir Olivers, og snýtir sér í vasaklút. “Það hlýtur eitthvað skelfilegt að hafa komið fyrir hann, hann hefur alltaf komið í mat á föstudagskvöldum” Segir Winston Wood, faðir Olivers, og tekur utan um konu sína.

Mikið rétt, eitthvað skelfilegt hefur komið fyrir þennan dreng. Hann er orðinn geðsjúklingur, drápari á vegum Þess-sem-má-ekki-nefna.
Já, það er ekki erfitt að sjá hvað Sillymoo, eða Oliver Wood, ætlar sér. Uppáhalds persónur hennar eru strokufanginn og morðinginn Sirius Black, varúlfurinn hættulegi Remus Lupin og drekatemjarinn Charlie Weasley.
Undirrituð telur það augljóst að Wood hefur myndað bandalag með þessum þremur hættulegu mönnum og að þeir starfa nú fyrir þann-sem-má-ekki-nefna. Black er geðsjúkur morðingi sem nú hefur sameinast fyrrum meistara sínum, Lupin hefur fengið varúlfa samfélagsins til samstarfs við þá og Weasley hefur að sjálfsögðu fullt af stórhættulegum drekum undir sinni stjórn.

En eins og kom fram áður gerir Wood allt sem í valdi hans stendur til að komast lengra á framabrautinni. Mun það að sá-sem-má-ekki-nefna komist til valda nægja honum? NEI!

Sillymoo/Oliver Wood mun nota þann-sem-má-ekki-nefna sem peð til að losa sig við Harry Potter og Dumbledore, en án Potters hefur Oliver enga hindrun í veg sínum í Quidditch leikjum. Undirrituð er kannski ekki stærsti aðdáandi Potters og Dumbledors, en ég vil vissulega ekki að þeir falli fyrir hendi þessara brjálæðinga!

Wood er ekki aðeins að þessu til að sjá meistara sinn komast til valda í galdaheiminum og á huga.is, heldur mun hann með áðurnefndum samstarfsmönnum sínum steypa þeim-sem-má-ekki-nefna af kolli.
Mun þá vera kominn helmingi verri og hættulegri illmenni sem stjórnar galdraheiminum og mun taka öll völd í Quidditch, einu heilbrigðu skemmtun okkar galdramanna og norna.

Sillymoo er ekki hér til að leika sér. Hún hefur komist til valda hér á áhugamálinu og það mun ekki nægja henni. Hún MUN losa sig við Tzipporah, BudIcer og Aesu og það mun bara vera hennar fyrsta verk. Hún mun einnig hrifsa völdin af öllum yfiradminunum hér og reka huga.is sem þrælasíðu þar sem fólk mun ekki geta sagt sínar skoðanir án þess að vera refsað á hryllilegan hátt

Því segi ég, ykkar ritara sannleikans, að völdin verði að vera tekin af Sillymoo.
Takið völdin af henni áður en þessi hryllilega manneskja mun ná of miklum völdum og þagga niður í okkur öllum. Undirrituð er vissulega að leggja sig í mikla hættu við að rita þetta en ef það er það sem þarf til að þið vitið sannleikann, þá er það þess virði.
Takið völdin af þessum brjálæðingi áður en það er of seint!


-Rita Skeeter-


ps. Einhverjar tillögur um næsta mann á bak við nickið?