Ekki var þessi enski spuni minn? =) (spyr ég í von) :D:P<br><br>—————————–

Ef að heilinn væri nógu einfaldur til að við gætum skilið hann værum við of heimsk til að skilja hann!
_____________________________

Hugrakkasti stríðsmaðurinn er sá sem færir frið.

Hugi.is er nátturlega opinn öllum og fólk á öllum aldri er að senda hér inn greinar og spuna. Á þessu ákveðna áhugamáli eru það einna helst krakkar á aldrinum 10-14 ára sem eru virkastir. Nokkrir notendur eru farnir að nálgast tvítugt, en ég held hreinlega að ég sé sú eina hér sem er komin yfir tvítugt (endilega leiðréttið mig ef það eru fleiri ellismellir hér).

Mér finnst að allir spunar sem sendir eru hér inn eigi rétt á birtingu, svo lengi sem farið er eftir þeim reglum sem við höfum sett (sjá neðst á www.hugi.is/hp). Þar er talað um málfar, stafsetningu, uppsetningu og fleira í þeim dúr. Þegar kemur að innihaldi sögunnar, sögurþræðinum sjálfum, finnst mér ég (eða aðrir adminar) ekki eiga að skipta mér af honum. Það er hlutverk ykkar, sem gagnrýnendanna okkar hér á huga, að gefa fólki hreinskilið álit.

Þið eruð jú okkar gagnrýnendur. Ef þið segið “Flott komdu með framhald” þá verður viðkomandi ánægður og kemur með framhald. Ef þið segið “Þetta er nú ekki alveg nógu gott…” og komið með rökstuðning afhverju ykkur finnst það ekki nógu gott þá sér viðkomandi að þetta er ekki að falla í kramið, reynir kannski einn eða tvo kafla í viðbót og reynir að bæta sig. Ef hann fær enn sömu viðbrögð þá hættir hann væntanlega að senda inn kafla.

Ykkar hlutverk sem gagnrýnendur er mjög stórt á vef sem þessum. Hér eru t.d. margir notendur sem virðast segja “Flott, komdu með framhald” við öllu sem berst inn. Hvað á það að þýða? Sumt sem hér kemur er hreint ekki gott efnislega séð (ég ætla ekki að taka dæmi) en þar sem mér finnst að allir eigi rétt á að spreyta sig og fá sína gagnrýni hef ég hleypt því í gegn.
Ég hef svo hins vegar fylgst með spunum sem mér finnst mjög lélegir fá fullt af “Flott, komdu með framhald” og þeir hafa haldið áfram þó nokkra kafla.

Nú spyr ég hvar er réttlætið í þessu? Hvernig líður þeim sem eru að skrifa virkilega góða spuna og fá “Flott, komdu með framhald” álitin þegar þeir sjá svo að spunar sem eru mjög lélegir fá sama dóm? Er það ekki ákveðin niðurlæging við þá sem eru að leggja mikið á sig og gera góða spuna? Er það ekki líka ósanngjarnt gagnvart þeim sem ekki eru að standa sig nógu vel að fólk segi þeim aftur og aftur að þetta sé fínt hjá þeim og leiðbeini þeim ekkert um hvað mætti betur fara? Hvernig eiga þeir að geta bætt sig ef þeir vita ekki hvað þeir eru að gera vitlaust?

Ég vil í lokin koma með smá hugleiðingu um það hvað er gagnrýni?
Orðið gagnrýni er hægt að kljúfa og er merking þess “að rýna til gagns”. Að rýna til gagns er mjög mikilvægt allstaðar í lífinu. Að rýna til gagns er ákveðin list og stundum getur verið erfitt að finna réttu leiðirnar og þurfa gagnrýnendur að vera vel á verði um hvort rýnin sé til gagns eða ógagns.
“þú ert ömurlegur” er t.d. engum til gagns.
“Þú mættir skoða persónurnar þínar aðeins betur og spá betur í hvernig þeim líður og segja okkur frá því.” er aftur á móti til heilmikils gagns fyrir ungan óreyndan rithöfund.

Höfum þetta í huga og gerum nú okkar besta til að vera góðir gagnrýnendur. Ef farið er að flæða inn of mikið að slæmum áhugaspunum er það bara gagnrýnendum að kenna sem ekki eru að standa sig í stykkinu við að hjálpa spunahöfundunum okkar að bæta sig.

Kveðja
Tzipporah