Hann hét víst Dippet, ekki Dinner (lol, kvöldmatur) en fyrst að McGonagall er búin að kenna við skólann í 39 ár, geri ég ráð fyrir að hún hafi byrjað sama ár og Dumbledore varð skólastjóri og tekið strax við stöðu ummyndunarkennara og kennt hana alla sína tíð við skólann. Það er hins vegar spurning, því við vitum í raun ekkert um það hvort Dumbledore hafi verið skólastjóri á meðan Voldemort var við völd, þó mér finnist það ekki ósennilegt.
Það hefur komið fram að Dumbledore bauðst staða galdramálaráðherra en hann kaus heldur að stjórna skólanum, svo að Fugde varð ráðherra í staðinn. Við vitum hins vegar líka að Fudge varð ekki ráðherra fyrr en eftir að Voldemort hvarf, því þangað til kom Crouch sterklega til greina, en það breyttist þegar sonur hans fór til Azkaban, svo Fudge fékk stöðuna. þá vitum við ekki hvort Dumbledore var skólastjóri fyrir þegar hann hafnaði ráðherraembættinu eða hvort honum buðust báðar stöður en hann valdi skólastjóraembættið fram yfir. Ef hann varð ekki skólastjóri fyrr en þá, þá hefur hann líklega kennt ummyndun þangað til og McGonagall eitthvað annað (spurning hvað þá?) eða þá að Dumbledore hefur ekki verið að kenna við skólann heldur einbeitt sér að því að berjast við Voldemort, hver veit.
En hvað sem því líður, þá var Voldemort allavega ekki kominn til valda 34 árum áður en fyrsta bókin gerðist, svo að þegar McGonagall hóf kennslu við skólann þá hafði Dumbledore verið ummyndunarkennari og varla hefur hann hætt að kenna bara sisvona, annað hvort hefur hann haldið áfram sem ummyndunarkennari (og hugsanlega hætt þegar Voldemort kom fram á sjónarsviðið) og McGonagall kennt eitthvað annað á meðan, eða þá að hann hefur tekið við sem skólastjóri þegar McGonagall byrjaði og þá líklegast verið skólastjóri alla tíð síðan.

Reyndar finnst mér þetta ekki segja mér neitt mikið um söguna þína, nema þá helst að hún eigi að gerast 20 árum áður en fyrsta Harry Potter bókin gerist, eða þá að einhver fari að segja Rafael frá einhverju sem gerist á þeim tíma, samt get ég verið viss um hvorugt og þó annað af þessu (þá frekar það fyrra) sé rétt til getið hjá mér, þá get ég ekki séð eins og er að það skipti miklu máli fyrir mig að vita það, en það kemur náttúrulega bara allt í ljós þegar þú sendir framhaldið, sem ég vona að verði fljótlega