Enda var ég ekki að skamma þig… þú svaraðir þessu eins vel og þú gast og gerðir það í raun snilldarlega það eru ekki margir sem tekst að forðast rifrildi og skítkast þegar þeir fá svona á sig. Bara flott hjá þér.

Ég var aðeins að hnippa í Ellapella fyrir að senda svona “gagnrýni” frá sér.

Kveðja
Tzipporah

Þetta svar kom því ekkert við hvort þú værir almennur notandi eða admin. Ég geri mér líka fyllilega ljóst að þú kannt vel að segja fleira en “asnalegt” og var einfaldlega að hvetja þig til þess að gera það.

Fyrir nokkru síðan var sá vandi hér á áhugamálinu að enginn gagnrýndi hlutina. Fólk sagði annað hvort “Frábært, komdu með framhald” eða “Þetta sökkar” engar útskýringar.

“Frábært” svörin komu á alla spuna hvort sem þeir voru góðir eða ekki og þar af leiðandi vissi enginn spunahöfundur hvort spuninn hans var í alvöru góður eða ekki.
“Þetta sökkar” svörin urðu nánast undantekningarlaust til þess að upp komu rifrildi og í voru ekki til neins fallin annars en að særa eða brjóta niður viðkomandi höfund. Sama hvort að spuninn hans var góður eða slæmur.

Við adminar gerðum því átak í þessum efnum og hvöttum fólk til að gagnrýna markvissara og segja höfundum hvað var gott og hvað var slæmt.
Gagnrýni er það sem höfundar (hvort sem er spunahöfundar eða annarslags höfundar) þrýfast á. Ef höfundur fær enga almennilega gangrýni getur hann ekki þroskast því þá veit hann aldrei hvað virkar vel og hvað ekki.

Það gekk ágætlega en þó ekki nógu vel.
Fyrir rest ákváðum við að herða reglur í spunagerð þannig að það gátu ekki lengur allir sent spunana sína inn, sama í hvaða gæðum þeir voru.
Við settum upp boðorðin 10 fyrir áhugaspunahöfunda og höfum eftir það sigtað úr þá spuna sem okkur finnast sérlega góðir og birt þá. Aðrir spunar fara á spunakorkinn.

Eftir sem áður þarf að halda áfram að gefa höfundum almennilega gagnrýni.
“Flott og fínt” er að sjálfsögðu ekkert sérlega góð gagnrýni því það vantar allan rökstuðning. Þessi orð eru ekkert annað en smá bros í átt til höfundar. Það skaðar engann en það er ekki til mikils gagns heldur þó það geti vakið smá bros hjá höfundi til baka. Til að höfundur fái almennilegt klapp á bakið þarf að rökstyðja af hverju viðkomandi fannst þetta flott og fínt.

“Asnalegt” eða “Þetta sökkar” er öllu verra.
Það er eins og að ulla á höfundinn. Það skilar aldrei góðu frá sér og veldur oftast illindum og leiðindum. Þá er betra að segja ekki neitt.

Hins vegar er gott fyrir höfundinn að vita hvað má betur fara og þá er hægt að segja eitthvað á þessa leið:
“Mér finnst asnalegt að blanda lagi inní svona sögu. Það kemur ekki nógu vel út að mínu mati”
eða eitthvað í þá áttina.
- tek það fram að þetta er ekki mitt álit því mér fannst þessi spuni mjög sniðugur og gaman að sjá unnið svona útfrá lagi.

Það er ágætt að muna að á bak við skjánöfnin eru alvöru manneskjur sem hafa alvöru tilfinningar.

Eitt bros getur dimmu í dagsljós breytt,
sem dropi breytir veig heillar skálar.
Þel getur snúist við atorð eitt.
Aðgát skal höfð í nærveru sálar.
Svo oft leyndist strengur í brjósti,sem brast
við biturt andsvar, gefið án saka.
Hve iðrar margt líf eitt augnakast,
sem aldrei verður tekið til baka.

Kveðja
Tzipporah