Já það verður að viðurkennast að ég er bitur út í þennan skóla. Ástæða, ég var að kynna mér kosti og galla hljóðvinnslunámskeiða nú fyrir um ári eða svo síðan og skoðaði meðal annars TÞB. Mér leist ekkert á verðið sem námskeið A var sett á og hvernig dagskrá námskeiðsins var byggt upp. Lagasmíðar kæmu mér að takmörkuðum notum, Reasonmánuðurinn fannst mér vera tímasóun(já ég er kannski þröngsýnn) og svo bara einn mánuður í að læra á Pro Tools. Þessi skóli var ekki að henta mér.

Hinn aðalkosturinn var námskeiðið í Sýrlandi. Sem var mun ódýrara, fjórir mánuðir í upptökur frá grunni til lokavinnslu, og þá mundi maður koma út með troðfullan hausinn bara af notfærum upplýsingum og tækniatriðum. Ég var búinn að bóka mig á það námskeið í Mars á síðasta ári, og átti námskeiðið þá ekki að byrja fyrr en nú rétt eftir áramót 2007. Svo þegar líða tók á áramótin fór ég að hringja og spurjast fyrir um námskeiðið en þá bárust mér þær fréttir að það væri búið að sameina þetta. Mér brá heldur betur í brún.

Þess vegna er ég bitur út í þetta og leiðist þetta fuzz í kringum þennan skóla. Ég hef ekkert á móti fólkinu hjá skólanum eða fólki sem sækir skólann og er einn vinur minn að kenna þarna, og ég get séð peningum varið í annan kost sem mundi henta mér persónulega betur.