Ég fékk þennan fyrir c.a. 3 árum síðan í díl sem involveraði helling af dóti þannig að það var ekkert verð á honum sérstaklega. Er ansi vel settur hvað míkrófóna varðar þannig að ég hef lítið notað hann.

Þetta er örugglega meira en 10 ára gamall mic. Eftir því sem ég kemst næst þá er NTV fyrsta tegundin af lampa mic-um sem Rode gerðu, með Jensen transformer og öllu því fínasta öðru sem hægt er að klína í stálhólk sem nemur hljóð. Þessi lína var framleidd áður en Rode fóru að fjöldaframleiða og vinna kostnaðarlega hagkvæmari vörur og það er víst ekkert allt of mikið til af þessum gaurum í heiminum. Þeir eru hættir að framleiða þá, einkum og sér í lagi því efniviðurinn í þá er dýrari en í þá mic-a sem þeir eru að framleiða núna og þ.a.l. verða þeir að vera mun dýrari en Rode menn vilja hafa vörurnar sínar.

Hann er ekki allra. En þeir sem vilja mic sem tekur vel við sterkum röddum og miklum hamagangi þá er þessi í fremstu röð. Þeir sem eru að taka upp rokk eða metal ættu að skoða þennnan gaumgæfilega. Toppstykkið er þannig lagskipt að það er eins og það sé innbyggður pop-filter sem kemur sér sérstaklega vel ef menn eru að taka hressilega á raddböndunum í sér. En einnig svínvirkar hann t.d. á kassagítar. Unique og sjaldgæfur míkrófónn sem það má vel vera að ég sjái eftir að hafa selt ef hann fer.