Ég á gamalt eintak af Guitar Player þar sem Kevin Sheilds rekur upptökuferlið á Loveless plötunni, hann talar um það að hafa eytt mörgum mánuðum í að fínstilla langar keðjur af effektum til að ná fram gítarsándunum sem hann notar á plötunni, stór hluti af sándinu hans átti rætur að rekja til gamals Fender Blender pedala og Digitech Whammypedala sem var þá nýkominn á markaðinn.
Fender Blender pedalar eru rosalegir ef maður setur tildæmis compression/limiter pedala eða autowah filter á undan þeim, þegar filterinn eða compressorinn “sleppir” nótunni og hleypir gítarsignalinu beint í Blenderinn þá “öskrar” pedallinn og fylgja því háir áttundaskrækir, þetta er svona signiature Kevin Shields sánd.
Núna er hægt að fá endurútgáfu af þessum Fender Blender pedala í Hljóðfærahúsinu fyrir 10.000 kall, ég á svoleiðis og hef áður átt upprunalega pedalann og munurinn er mjög lítill, það er helst að það suðar aðeins minna í endurútgáfunni, þetta eru svo brútal pedalar að þeir eru nánast ónothæfir í hefðbundinn fuzz rythma en í alla tilraunastarfsemi eru þeir alveg rosalegir.
Ég efast ekkert um að Kevin Shields noti svona Yamaha rekka en hann notar alveg helling af öðru dóti líka.