Vertu bara eðlilegur og vinalegur, miklu meiri líkur á að þeir taki þig inn ef þeim líkar vel við þig. Ekki hafa of miklar áhyggjur af því að vera ekki nógu góður, því í FÍH er jafnt tekið inn af lengra komnum og byrjendum. Þeir sem komast inn eru þeir sem kennararnir telja að eigi mesta möguleika á að verða góðir á hljóðfærið, svo þú skalt endilega segja þeim hversu brennheitur áhugi þinn á hljóðfærinu er, og hversu mikið þig langar að verða góður, jafnvel þó þú getir þegar ekki gert allt sem þeir biðja um.

ég mæli með því að æfa snerilpartinn sem þú fékkst með bréfinu vel, og nota taktmæli. Byrjaðu hægt, þeir vilja frekar að þú gerir þetta RÉTT en hratt.

Taktu vel á þyrlinu í þeim parti, og líka 3/4 töktunum. Síðustu tveir taktarnir eru mjög erfiðir, þannig að þó þú náir þeim ekki fullkomnum þá er það allt í lagi.

Trommusettsparturinn er yfirleitt einfaldari hjá þeim. Hann er óvenju léttur í ár, og þú ættir ekki að eiga í miklum erfiðleikum með hann. Kannski smá með neðri línuna, en ef þú æfir þig í svona tvo til þrjá tíma ætti þetta að nást.

Svo vona ég bara að þú komist inn, og að við verðum skólafélagar í deildinni á næsta skólaári!