fyrst við erum að tala um að vera hreinskilin vill ég bara koma því á framfæri að mín skoðun á þessu “rappi” þínu er sú að þú ert bara að hrauna einhverju bulli út yfir fína takta, ég meina .. þú getur hraunað þessu yfir hvað sem er, fyrir mér þarf að vera samræmi á milli taktsins og rappsins og lagðu meiri metnaður í rappið en að reyna að segja 500 orð á mínútu. það kemur fljótfærnislega út og er eins og þú sért of feiminn til að fólk geti almenninlega hlustað á þig.

það eru 8 lög á plötunni sem að eru ekki á myspace.

hvað finnst mér um skoðanir rottweiler? ekki neitt… þeir hafa rétt á sinni persónulegu skoðun og ég ber virðingu fyrir henni og fagna hreinskilninni og gagnrýninni sem að þeir setja fram. mér finnst almennt frábært þegar að fólk hefur kjark til að standa við sínar persónulegu skoðanir, sérstaklega ef að þær eru ekki líklegar til þess að vekja kátínu hjá einhverjum.

að sjálfsögðu tek ég alla gagnrýni til greina og umhugsunar, og geri mér grein fyrir því að það sem að ég er að gera höfðar kannski ekki til allra.
það er alltaf þannig. við aðhyllumst ólíkar stefnur og tónlistarheimspeki en ekki ætla ég að halda því fram að ég hafi meira rétt fyrir mér en þeir. skoðanir mínar eru ekki heilagur sannleikur, en þær eru mínar og ég stend við þær þó að þær falli kannski ekki í kramið hjá öllum. ég býst við því að það sama gildi um þá.

Diss á Móra og Rottweiler?

þetta er ekki yfirlýst diss á neinn nema það sem að ég tala um í laginu. annars hefði ég bara nafngreint menn.

já og hvað með það?

ég hlýt að hafa rétt á því að hafa mína persónulegu skoðun og að tjá hana?

á ég ekki að vera trúr því sem að mér finnst því að einhver gæti tekið því illa?

það þýðir samt ekki það að ég geri mér ekki grein fyrir því að persónulegar skoðanir mínar eru bara skoðanir og ekki neitt meira en það.

enda þegar að ég er spurður hvað mér finnst svara ég heiðarlega. og mér finnst það mun meiri virðing við annað fólk að vera heiðarlegur við það heldur en að fronta með einhverjar skoðanir og ályktanir sem að eru ekki mínar eigin. og er skítsama um hvort að ég sé í náðinni hjá einhverjum eða ekki svo lengi sem að ég get verið viss um að ég er það sem að ég segist vera og standa fyrir.

Og þú mátt vera viss um það að ég sagði skoðun mína á tónlistinni þeirra vegna þess að ég vildi koma á stað ákveðnu ferli í íslensku hiphop-i sem að myndi þjóna því betur heldur en sú viðtekna venja að vera já-manneskja.

það er ekkert sem að gerir útaf við fleiri tónlistarmenn en já-manneskjur. því að tónlistarmennirnir eiga að vera einhver nöfn og svona þá þorir engin að segja sína raunverulegu skoðun heldur er “goodshit” eða já látið duga. og tónlistarmennirnir verða svona eins og gaurinn sem að hefur enga samkeppni um stöðu í fótboltaliðinu. þarf ekkert að hafa fyrir hlutunum, allir segja bara já og tónlistin verður sjálfsögð og menn hætta að þróa sig.

þess vegna finnst mér mikilvægt að segja að segja skoðun sína heiðarlega þó að aðrir séu ósammála henni.

þess vegna get ég alveg sagt skoðun mína á tónlist rottweiler en á sama tíma fagnað því að þeir segji skoðun sína á mér.

því að ég met heiðarleika meira heldur sleikjuskap eða þykjustunnileiki.

og það að þú hafir skoðun á tónlist einhvers þýðir ekki að þér sé illa við einhvern. enda þekki ég Rottweiler strákanna ekki neitt og hef enga skoðun á þeim sem gaurum og hvað þá skoðanir á skoðunum þeirra.