Rapparinn The Game hefur verið dæmdur í 60 daga fangelsi eftir hafa gengist við því að bera ólöglegt skotvopn. The Game, sem heitir réttu nafni Jayceon Taylor, var ákærður í þreumu liðum, fyrir ílöglegan vopnaburð og fyrir að hafa haft í hótunum við tvo menn í miðjum körfuboltaleik á síðasta ári. Ákærunar tvær umhótanir voru felldar niður, gegn því að rapparinn myndi játa á sig vopnaburðinn. ,,Málið er að ég hef gengið með byssu á ýmsum stigum lífs míns, en þarna var ég ekki með byssu,“ segir rapparinn. Samkvæmt skýrslum vitna var The Game að spila körfubolta þegar mennina bar að og fljótlega brutust út slagsmál, sem enduðu með því að rapparinn tók upp skammbyssu og hafði í hótunum við mennina. ,,En bara vegna þess að einhver einn segir að ég hafi verið með byssu og fékk félaga sinn til að ljúga því, fannst mér gáfulegra að játa það á mig, í stað þess að eyða milljónum dollara í lögfræðikostnað, bara svo að einhver kviðdómur sakfelli mig á endanum. Frekar spara ég peninginn, tek því rólega í steininum og læt málið ekki hafa frekari áhrif á mig,” segir The Game, sem áður hefur komist í kast við lögin og missti meðal annars námsstyrk sinn við Washington State-háskólann vegna eiturlyfjamisferlis. Yfirvöld í Los Angeles búast við því að The Game hefi afplánun fyrir 3. mars næstkomandi. Hann þarf einnig að sinna samfélagsþjónustu í 150klst. og verður á skilorði næstu þrjú árin.