Á miðvikudagsmorgun mætti J Rawls einsamall til landsins ..þá hafði J Sands misst af fluginu. Hann kom svo snemma föstudagsmorgun hingað og þeir fóru beint í viðtal hjá Tvíhöfða, sem var mjög fínt.
Klukkan 18 tóku þeir smá syrpu í Japis, Topshop þar sem Anthony úr Souls Of Orpheus og J Sands rokkuðu feitt saman !
Um kvöldið voru svo fyrri tónleikar Lone Catalysts á Spotlight og byrjaði það klukkan 23. Nokkrir vel valdir skankarar (Total Kayoz, Magic, Intro, B Ruff, MAT) hituðu salinn upp þangað til Forgotten Lores tóku yfir sviðið. Augljóst var að fólk þekkti lögin og textana þeirra nokkuð vel og stemmingin tók að vaxa. Souls Of Orpheus héldu áfram eftir að FL fóru af sviðinu og rokkuðu salinn upp ásamt Black Fist. Magse og Anthony áttu góðar syrpur (ég sjálfur var reyndar í miðasölunni meðan FL, Black Fist og Souls of Orpheus spiluðu en ég heyrði allt sem fram fór!). Þegar klukkan var orðin rúmlega tvö stigu svo meistararnir í Lone Catalysts á svið og þá fyrst byrjaði fjörið fyrir alvöru …DJÖFULL VORU ÞEIR GÓÐIR !!! Ég vorkenni þeim sem misstu af þeim því prógrammið var þannig að allir í salnum voru hrópandi eftir óskum J Sands. Þeir héldu svo uppi góðu stuði til rúmlega þrjú og þá var staðnum breytt í hefðbundið form :(
Klukkan fjögur spiluðu Lone Catalysts í Exódus og þangað mættu nokkrir harðir hip hop hausar að hlusta á þá og sjá.
Klukkan átta mættu Lone Catalysts í Hip Hop þáttin Krónískt flæði á Rás 2 og þar tóku þeir nokkur freestyle og lög með þeim voru spiluð.
Laugardagskvöldið áttu tónleikarnir að vera í félagsheimilinu Drangey í Stakkahlíð en útaf helví… löggunni sem voru með endalaust vesen í okkur einum degi fyrir tónleikana !!! …þá þurftum við að leggja útí nokkuð meiri kostnað og miklu meira vesen til að fá annan sal og við náðum að redda Fóstbræðraheimilinu á Langholtsvegi 110-111 með stuttum fyrirvara. Sögusagnir voru um að tónleikarnir hefðu aflýsts og ekki allir vissu hvar þessi nýji staður var.
…Tónleikar byrjuðu allavega rúmlega níu í Fóstbræðraheimilinu og skífuskankararnir voru að byrja …en þá mætti helvítis eftirlitið á svæðið og fór að bögga alla viðstadda og nokkrir voru látnir yfirgefa svæðið !! …svo byrjaði prógrammið eins og áætlun var. Skankarar spiluðu til ellefu og skemmtu liðinu. Hljómsveitin O.N.E tók svo lög í frumflutningi og komu þeir mikið á óvart með góð lög. Eftir að þeir kláruðu prógrammið stigu Forgotten Lores á sviðið og gerðu sama og á Spotlight, spinnuðu upp frábæra stemmningu !! Um leið og þeir voru búnir mætti helví… eftirlitið aftur og rölti um svæðið. Ekkert vesen var samt á þeim núna nema bara móralslega séð. Eftir smá bið tók Black Fist í mikrófóninn og tók góða rispu á sviðinu með Magse. Svo kom eftirlitið aftur fyrir utan en fóru strax aftur, …þá var klukkan að verða hálf-eitt …en þá byrjuðu Lone Catalysts !!! …og sem fyrr þá áttu þeir salinn og allir voru sveittir af gleði og stuði !! Þrátt fyrir dræma mætingu vantaði ekkert á kraftinn frá Lone Catalysts og þeir tóku FEITT prógramm sem stóð til hálf-tvö. Ég veit að allir sem mættu á svæðið eiga alltaf eftir að muna eftir þessum tónleikum ! Eftir frábært prógramm seldu þeir gestum diska og árituðu.
Ég mæli með því að allir fylgist með Lone Catalysts í framtíðinni því þeir eiga eftir að verða mjög áberandi mjög fljótlega með ferskan stíl og frábæra tónlist !!!
friður út til þeirra sem mættu !!