Ég á einn sem kýrstekkur af því að hann er svo skeið/lull gengur! Mjög leiðinlegt vandamál og sérstaklega í keppni!
Hann stekkur oftast rétt ef ég læt hann brokka áður en hann tekur stökkið. Þá ætti fótaröðunin sjálfkrafa að lenda rétt nema hann víxli eins og getur gerst.
Ég mæli líka með því að lónsera hann á stökki, ríða hægt stökk og gera liðkandi æfingar t.d. krossgang, ríða slöngulínur og margt fleira sem þér dettur í hug! ;D

En til að róa hestinn er ég ekki viss með! Mínir eru allir svo miklir letipúkar! ;P Þú getur reynt að leika við hann í taumunum það virkar allavega ekki að vera að hjakkast eitthvað í honum! Frekar taka og gefa til skiptis.:)(ef þú fattar) Ef hann er að eitthvað rjúka er líka gott að nota sveigjustopp!
Og ég mæli eindregið að nota röddina ef þú gerir það ekki nú þegar! Ég gæti næstum riðið mínum án taums!(fyrir utan beygjur;) Hehe..
En þetta með afturfótaskrefið er ég sjálf líka í smá vandræðum með..:/ Ég held samt að það sé hægt bæta það eitthvað með því að þrýsta kálfunum aðeins aftar en vanalega, þá spennir hann magavöðvana og vera með hestinn safnaðann! ;)

En ég vona að þú hafir nennt að lesa þetta og að þetta komi þér að einhverju gagni! ;P



Bætt við 13. febrúar 2007 - 16:15
Já og ég skil ekki fólk sem ríður bara á tölti! Ég leyfi mínum að brokka mikið og sérstaklega upp brekkur eða í þungu undirlagi! Hesturinn verður ánægðari og skemmtilegri fyrir vikið!

Bara forvitni, á eigandinn eða sá sem tamndi hann það til að vera með svolítið hátt taumhald?

Allavega var ég með hest fyrir vinkonu mína sem hafði aldrei stokkið rétt fyrir þau en vandamálið var að hann þurfti mikið skýrari ábendingar. Þegar hesti er kennt eitthvað nýtt, þá þurfa allar ábendingar að vera skýrar og helst pínu ýktar til að hesturinn skilji þær örugglega.

Þú getur prufað þetta sem ég gerði við þann klár ef þú vilt..

Þá byrjarðu á að lækka taumhaldið all verulega, hafa það jafnvel of lágt og lokað, heldur aðeins við hestinn almennt í reiðtúr, en svo kemur að því að hleypa hestinum og finna rétt stökk, þá eru allar ábendingar ýktar allsvakalega, það er hallað sér frám eins og í kappreiðum, taumhaldið opnað og hækkað, jafnvel allt að því yfir eyrun og þegar hesturinn hefur brugðist rétt við er hægt að minka ábendingarnar..

En svo er það að slaka hestinn niður, fyrir mig hefur alltaf virkað lang best að fara í gerði og ná alltaf meiri og meiri slaka á tauminn, venja hestinn á að maður taki ekki í taum nema hann sé að gera eitthvað vitlaust, eða til að gefa vægar ábendingar sem hverfa um leið og hesturinn bregst við. Ef hesturinn brokkar þá slakar það hesta oft niður eins ef hesturinn fæst ekki til að feta á slökum taum er gott að byrja með aðstoðarmann sér við hlið.

Alltaf jafn pirrandi þegar hestar eru eiðilagðir með ofþjálfun tölts, ÓÞokki minn kunni bara tölt og stökk þegar ég fékk hann, en er með frábært brokk og skeið í dag eftir að hann lærði það, en þetta situr oft í þeim að þeir eigi bara að tölta og ekkert annað..

Bara vonandi að þetta nýtist þér eitthvað, en gangi þér vel með klárinn ;)

Með stökkið:

Eins og einhver sagði þá geturðu lónserað hann á báðar hliðar eða látið hann brokka fyrst (sem er reyndar örrugglega alltaf best). Það getur líka verið gott að fara í reiðhöll eða á völl eða eitthvað þannig, og setja hann á stökk út úr beygjunum. Segjum sem svo að þú sért að ríða upp á vinstri hönd, þá seturðu á brokk, sveigir hestinn aðeins upp að veggnum (bara smá), og hvetur hann svo út úr beygjunni (reyndar áttu að hvetja hann meira með öðrum fætinum, en ég man bara ekki hvorum)

Með viljan:

Það gæti verið gott að prófa bara að tappa af honum. Fara bara langt og hratt kannski einu sinni eða tvisvar í viku en nokkuð rólega þar á milli, og svo náttúrulega að kenna honum að stoppa og svona.

Með fótana:

Ég geri það eiginlega aldrei neitt rosalega meðvitað að lengja afturfótasporið, en ég er nokkuð viss um að það sé það sem gerist ef þú hvetur hann með hljóðum og hamlar á sama tíma. Virkar líka að setja kálfana aftar og hamla.

Og aftur með stökkið smá: Passaðu að hafa hann afslappaðan þegar þú setur hann á stökk, og ekki gera það upp af töltinu, sérstaklega þegar þú ert að kenna honum.