Nei í raun og veru ekki, en það er nauðsynlegt að fá góðar leiðbeiningar. Best væri fyrir þig að reyna að leigja pláss hjá einhverjum sem er vanur og getur hjálpað þér þ.e. ef þú ert að byrja.
Það er ekki fyrr en að maður er búin/inn að vera í þessu í nokkur ár og er búin/inn að ákveða að maður ætli að vinna við þetta eða að vera mjög virk/ur að maður fer í skóla.
Það eru nefnilega inntökuskilirði í hestaskóla og þetta kostar einhvern 420.000 kall!<br><br>Þetta er <a href="http://www.hugi.is/hestar">snilldin</a> ein!
Og meðan ég man, heimasíðan er ekki í notkun svo ekki hafa fyrir því að kíkja þangað.
<b>Sleipnir, karl í krapinu.</

Ertu þá að tala um að fara á reiðnámskeið eða í skóla eins og á Hólum til dæmis?

Þetta veltur fyrst og fremst á kunnáttu þinni núna. Ef þú hefur einhverja reynslu og langar bara að eignast eigin hest gætirðu farið í einkatíma hjá einhverjum sem gæti þá gefið þér ráð og sagt þér hvar þú ert staddur/stödd.

En ef þú hefur litla reynslu en langar að byrja þá gæti verið gott að fara á allaveganna eitt reiðnámskeið þar sem reiðskólinn skaffar hestana. Þá gætirðu væntanlega prófað fleiri en einn hest til að læra á og gætir jafnvel fengið álit reiðkennarans á því hvernig hest þú ættir að fá þér þannig að hann hentaði þér örugglega. Það eru nefnilega margir sem fara illa út úr hestakaupum þegar þeir eru óvissir og vita ekki hverju þeir eiga að gæta að eða leita eftir.

Svo gætirðu líka fengið vini eða ættingja til að hjálpa þér ef það er möguleiki.

En svo ef þú ert að tala um að fara í umfangsmeiri skóla þá er það ekki nauðsynlegt en ef þú ert virkilega áhugsamur/-söm þá gerði það þér ekkert nema gott. En það er dýrt og flestir fara því aðeisn ef þeir hyggjast ætla að reyna að fá til dæmis kennslu- eða tamningarréttindi og svo til að verða kannski betri keppnismanneskjur.

En ef þú ert að pæla í að fá þér hest skaltu alls ekki kaupa hest sem að á einhvern hátt vekur upp óöryggi eða hræðslu. Fyrstu hestar manns ættu að vera traustir og góðir reiðhestar. Ekki endilega sprengjuheldir barnahestar þá heldur hestur sem þú treystir og líður vel á. Þegar maður er búinn að ríða út í einhvern tíma verður það svo auðveldara að átta sig á því hvers konar hross maður vill eiga.
Og passaðu þig á því að fá að prófa hrossin sem þú ert að skoða. :) Og að prófa kófsveitt hross getur verið merki um að eigandinn hafi verið að ríða því út á undan til þess að “róa það örlítið”. Það lofar yfirleitt ekki góðu.

Annars þá skaltu endilega spurja ef þú hefur einhverjar spurningar! Hér er fólk sem hefur án efa gengið í gegnum sín fyrstu hestakaup og getur ráðlagt þér ef að þú hefur einhverjar spurningar. :)

Ég held ekki maður getur alveg lært það sjálfur. Það er alveg hægt líka að fara í skóla ef maður vill vita meira.

nei, en ég mæli ekki með að þú kaupir “ókláraðan” hest, þ.e. ekki fulltaminn, það gæti farið illa, því hesturinn gæti misheppnast. Svo er nauðsyn að prófa hestinn fyrst, nokkrum sinnum. Reyndar prófaði ég Sprengju bara einu sinni, og heillaðist gjörsamlega! Hún er nú að bæta sig með hverjum reiðtúrnum, hún var bara hálftamin þegar ég keypti hana, en ég er búin að vera á hestbaki frá því ég var 5 ára… og mundu að útlitið á fyrsta hestinum skiptir ekki öllu, heldur að hann sé traustur og að þið verðið góðir vinir!

Prófaðu alla vega að vera á lánshestum og svoleiðis áður en þú færð þér hest. Þá veistu alla vega betur hvað þú vilt í hesti. Og alls ekki kaupa ótamið. Stelpa sem ég þekki lét gabba sig til að kaupa ótamið og maðurinn sem seldi henni hestinn þóttist ætla að temja hann fyrir hana. Bæði gekk henni illa að fá hann til að temja auk þess að hann breytti skilmálunum eftirá, þegar hann seldi henni hestinn átti hún að fá hann fulltaminn en þegar hann fór að temja og nennti ekki að klára þá fullyrti hann að hún hefði aldrei átt að fá hann nema hálftaminn. Þetta reyndist síðan vera hin argasta bikkja í þokkabót og hún endaði með að geta rétt svo losnað við hana á reiðskóla fyrir slikk.

Óvant fólk fer ekki á Hóla það er fyrir fólk sem er að hugsa um að leggja hestamennsku fyrir sér sem atvinnu, og einnig tekur skólinn ekki við fólki sem kann ekki neitt.
Það er mjög gott að fara á námskeið og svo að vera með einhverjum í reiðtúrum sem kann einhvað og getur kennt manni.
Svo er um að gera að fá lánaða hesta í smá tíma því að kannski hefur maður ekki áhuga þegar að þú kynnist þessu.