herbalist fyrir 15 árum, 7 mánuðum Fjöldi lestra: 817

Hugleiðing

Meditation symbol

Ég er þið.

lucifersam fyrir 15 árum, 7 mánuðum

Já, ég er að leiða hugan að því hvað þetta er og hvaða skírskotun í heimspeki það hefur. Hefur þú hugmynd?

Fyrra álit

herbalist fyrir 15 árum, 7 mánuðum

Ég leiði hugan oft að ýmsum hlutum sem flestir myndu flokka undir heimspeki.
Fyrir utan það þá ætla ég að benda þér á myndirnar á undan.

Ég er þið.

Fyrra álit

lucifersam fyrir 15 árum, 7 mánuðum

Hvað meinar þú? Hvað er þetta? Og hvernig tengist þetta heimspeki?

Hvernig væri að hafa smá metnað til þess að útskýra aðeins myndir þegar þær eru sendar inni og upplýsa menn tilgagn hennar og hvernig umrædd mynd tengist umræddu áhugamál.

Fyrra álit

vitringur fyrir 15 árum, 7 mánuðum

/dulspeki

Við erum alheimurinn, vaknaður til vitundar um sjálfan sig

Fyrra álit

Amon fyrir 15 árum, 7 mánuðum

Hindúismi getur auðveldlega fallið undir heimspeki sem og dulspeki.

Fyrra álit

lucifersam fyrir 15 árum, 7 mánuðum

Þessi mynd gæti líka alveg eins átt heima í grafískri hönnun…

Fyrra álit

vitringur fyrir 15 árum, 7 mánuðum

Af hverju segiru það?

Við erum alheimurinn, vaknaður til vitundar um sjálfan sig

Fyrra álit

orator fyrir 15 árum, 4 mánuðum

þú áttar þig á því að hindúismi var upprunalega bara heimspekistefna en ekki trúarbrögð eins og nú til dags.

Fyrra álit

vitringur fyrir 15 árum, 4 mánuðum

Kannski, en Hindúismi síðastliðin 3000 ár hefur verið trúarbrögð

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Og trúarbrögð eiga ekkert tengt við heimspeki?

Ég hefði nú haldið að flest trúarbrögð heimsins í dag væru frekar mikil heimspeki..

Það fer nú samt líklega eftir því hvernig maður skilgreinir heimspeki, sem þú getur mjög örugglega gert á annan hátt heldur en ég, ef þér sýnist.

indoubitably

Fyrra álit

vitringur fyrir 15 árum, 4 mánuðum

Að hvaða leiti?
siðfræðin í trúarbrögðum er mjög vansköpuð og langt undir virðingu heimspekinnar.

Einnig eru trúarbrögð oft full af þversögnum sem er óheimspekilegt.

Einnig fylgir heimspekin rökum, sem trúarbrögð gera ekki.

þar af leiðandi finnst mér þetta frekar eiga heima undir /dulspeki

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Það getur þó ekki verið að þú sért að einblína á vestræn trúarbrögð?

indoubitably

Fyrra álit

vitringur fyrir 15 árum, 4 mánuðum

Það sýnist mér ekki.

Trúarbrögð mynda afstöðu sem er síðan ekki breitt í ljósi nýrra sönnunargagna og raka.

Heimspekin virkar eins og vísindagrein, sífellt að reyna að bæta sig og breyta og finna skynsömustu niðurstöðuna.

Ef ég er að einblína á vestræn trúarbrögð, segðu mér þá endilega hvernig.
Annars er ég ekki var við að svo hafi verið.

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Nú ef við tökum til dæmis búddhisma þá er það dæmi um trúarbragð sem er ekki endilega að reyna að útskýra heiminn, heldur frekar bæta sjálfan sig og koma með hugmyndir hvernig menn gætu öðlast hamingju. Það er einnig dæmi um trúarbragð sem er í sífelldri þróun. Yoga, sem á reyndar rætur sína að rekja til Hindú, en er mikið stundað innan búddhismans, er stöðugt að þróast, stækka og breytast.

Bætt við 6. desember 2008 - 23:07
Það sem ég vill meina er að ef þér finnst það vanskapað að rækta sjálfan sig þá er það eflaust eitthvað sem þú þarft að eiga við sjálfan þig. Og að segja að trúarbrögð séu undir virðingu heimspekinnar er eiginlega bara hroki. Heimspeki, sem á nú svo margt skylt við sálfræði hlýtur að fagna því að hægt sé að rannsaka trúarbrögð á siðferðislegan og hlutlausan máta, en ekki fordæma það og kasta því í eldinn ef svo mætti að orði komast :)

indoubitably

Fyrra álit

vitringur fyrir 15 árum, 4 mánuðum

búddismi inniheldur hugtök eins og nirvana og alheimssálina sem er ákveðin aðferð til að útskýra heimin svo fullyrðing þín er einfaldlega röng.

Búddismi eru trúarbrögð eins og hver önnur.
Yoga getur vel verið fín íþrótt, en ég læt íþróttaþjálfara um að dæma það.

það er ekkert að því að rækta sjálfan sig. Mér finnst bara ekki sanngjarnt þegar lygastefnur reyna að fanga fólk í vef sínum í nafni þess að það sé að þroskast og rækta sig andlega.
Það er alveg hægt að gera það á raunsæjan hátt.

Auðvitað er hægt að athuga trúarbrögð á siðfræðilegan hátt. En það er þó takmarkað og er siðfræðin fræði út af fyrir sig.
En það segir ekkert um sannleiksgildi trúarbragðanna.

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Heyrðu vinur þú getur nú ekki kallað sjálfan þig heimspeking og sagt að fullyrðing mín sé “einfaldlega” röng, sérstaklega ekki þegar við erum að ræða um trúarbrögð. Trúarbrögð og tengingu þeirra við heimspeki, ekki sannleiksgildi þeirra. Þetta er einhver vísindaheimspeki sem þú ert að upphefja, sem er fremur kaldhæðnislegt þegar litið er á að “alvöru” vísindamenn (eðlisfræðingar etc.) líta á heimspeki sem ósannaðar bábiljur.

Og að lokum þá myndi ég ekki telja nirvana né alheimssálina hugtök sem reyna á neinn hátt að útskýra heiminn. Þó að ég skilji vissulega hvernig er hægt að túlka það þannig.

indoubitably

Fyrra álit

vitringur fyrir 15 árum, 4 mánuðum

Hvað meinaru að ég geti ekki kallað mig heimspeking? Ef þú segir að gras sé fjólublátt þá er það einfaldlega rangt… búið.
Ef þú segir að búddismi séu ekki trúarbrögð og reyni ekki að útskýra heiminn þá er það einfaldlega rangt hjá þér.
Búddismi er með sínar fullyrðingar og skoðanir varðandi heiminn rétt eins og önnurtrúarbrögð og þau eru studd með alveg jafn mörgum sönnunargögnum og önnur trúarbrögð… engum.

Svo er það annar armur trúarbragða sem snýst að siðfræði og þar af leiðandi heimspeki. Sá partur má vel vera innan búddisma.
Svo er nú frekar langsótt að vísindamenn líti á heimspeki sem ósannaðar bábiljur. Vísindamenn viðurkenni sjálfir að ekkert verið nokkur tímann sannað eða afsannað með aðferðum vísinda.
En vísindamenn fylgja rökum sem eru hluti af heimspeki… svo það er afleitt að segja að vísindamenn líti niður á heimspeki, þó þeir geti verið ósammála um ákveðna anga hennar.
Stærðfræði er til dæmis ekkert annað en heimspeki.

En jú, nirvana er hið æðsta ástand sem maður á að geta komist í þegar sál hans sleppur úr líkamanum og rennur saman við alheimssálina þaðan sem öll vitund kemur. Þetta er leið til að útskýra manninn og vitundina, rétt eins og öll önnur trúarbrögð reyna.

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Og flestir búddhistar deyja við það að ná nirvana. Eða öfugt. Matter of perspective. Sem reyndar einkennir samræður okkar.

“Ef þú segir að gras sé fjólublátt þá er það einfaldlega rangt… búið.”

Nei þessu er ég nú ekki sammála. Fyrst af öllu getum við athugað hvað gras sé. Líklega erum við að tala um “þetta græna”, en plöntur og gras eru svo náskyld að það er ekkert athugarvert við það að flokka liljur sem gras, þær eru nú fjólubláar. Eða bláar eða eitthvað. Við gætum jafnvel tekið þetta lengra og sagt að margskrúðugir páfagaukar séu gras, there is no spoon. Svo má einnig rökræða vel og lengi hvað fjólublátt sé í raun og veru, en það væri mjög djúp samræða sem þyrfti helst að fara fram undir áhrifum LSD. En það yrði eflaust einar af óvísindalegustu samræðum sem til væru. Þessi efnisgrein er þó nokkuð mikið bull og ekkert svo alvarleg.

En svo má á hinn boginn minnast á það að vísindi eru í sjálfu sér ekkert nema trúarbrögð. Big bang? Ok, heldur nútímalegra en Adam og Eva en nákvæmlega sama sagan í sjálfu sér. Vísindi eru sérstaklega mikil trúarbrögð þegar við tökum tillit til strengjafræðinnar. 11 víddir?

Stærðfræði er líka margt annað en heimspeki. Stærðfræði er kennd sem raunvísindi í skólum, ekki af ástæðulausu (ekki að segja að hún sé það endilega). En ég myndi segja að það væri svona jafn mikið heimspekilegt við stærðfræði og það er við trúarbrögð. Það að reikna flatarmál þríhyrnings er ekki mikil heimspeki, en þrátt fyrir það stór partur af stærðfræði.

indoubitably

Fyrra álit

vitringur fyrir 15 árum, 4 mánuðum

Og flestir búddhistar deyja við það að ná nirvana. Eða öfugt.

Og flestir kristnir deyja við það að fara til himna. eða öfugt.
Það breytir því ekki að himnaríki er fyrirbæri innan trúarbragðanna til að útskýra dauðann. Nirvana er líka bara fyrirbæri innan búddhisma til þess að útskýra dauðann.

Fjólublátt eru ljósagnir með bylgjulengd í kringum 450 nanómetra. Það þarf ekki að ræða það á sýru. Blóm eru ekki gras. Blóm eru blóm, gras er gras. Blóm eru oftast fjölærir dulfrævingar. Gras eru oftast einærir berfrævingar.

En vísindi eru ekki trúarbrögð. Ef þú hefur eitthvað að setja út á miklahvellskenninguna þá er það líklegast vegna þess að þú hefur ekki kynnt þér sönnunargögnin fyrir henni. Hún er ekki virt vegna þess að hún er nútímaleg, hún átti erfitt uppdráttar í byrjun 20. aldarinnar og þótti út í hött.
Það var ekki nútímaleikinn og speisaða konseptið um þenjandi alheim sem hreif fólk, heldur voru það sönnunargögnin. Hversu vel hún lýsti og útskýrði allt það sem er að gerast í heiminum í dag. Bakgrunnsgeislunina, fjarlægðir milli vetrarbrauta.

Strengjafræði er ekki vísindagrein … Það er hrein stærðfræðileg tilgáta.

Stærðfræði eru ekki raunvísindi sama hvað íslenskt skólakerfi segir. Skólakerfið á íslandi er ekki heilagt, oftast eru 2-3 í hverjum árgang sem vita meira en allir kennararnir til samans.
Það að útskýra flatarmál þríhyrnings er víst heimspeki. Það er verið að finna algildar reglur yfir ímyndaða heima… ég veit ekki undir hvað það á að flokkast annað en heimspeki.

stærðfræði má einnig flokka sem tungumál, þar sem það er í raun tungumál raunvísindanna, en það er ekki raunvísindagrein

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Líklega er það bara ég, en furðulegt þykir mér að afneita heimspeki trúarbragða og vilja á sama tíma meina að flatarmál þríhyrninga sé heimspeki..

indoubitably

Fyrra álit

vitringur fyrir 15 árum, 4 mánuðum

Hvað meinaru afneita heimspeki trúarbragða?
Heimspeki er auðvitað hluti af trúarbrögðum, og ég afneita þeim hluta ekkert, en hversu merkilegur í heimspekilegum skilningum hann er má deila um.

Hvenær afneitaði ég því að hluti af trúarbrögðum snerist um heimspeki?

Við erum alheimurinn, vaknaður til vitundar um sjálfan sig

Fyrra álit

smeppi fyrir 15 árum, 4 mánuðum

Svona þegar maður les yfir svörin þín þá virðistu vera að bera þann boðskap. Það er svona rauður þráður frekar en eitthvað sérstakt sem þú sagðir.

indoubitably

Fyrra álit

vitringur fyrir 15 árum, 4 mánuðum

Trúarbrögð koma niður á efni sem tengjast vísindum, siðfræði, lögfræði, og fleiru…

en þetta eru samt allt sjálfstæðar greinar og tengjast trúarbrögðum í raun ekki neitt. Siðfræði (heimspeki) er sjálfstæð fræðigrein þó að mismunandi trúarbrögð hafi mismunandi siðfræðikenningar, rétt eins og raunvísindi eru sjálfstæð fræðigrein, þó svo að trúarbrögð reyni líka að troða sér inn í hana með sínum kennisetningum.

Við erum alheimurinn, vaknaður til vitundar um sjálfan sig

Fyrra álit

uberduber fyrir 15 árum, 4 mánuðum

Langar að segja eitt, ekkert að reyna að vera leiðinlegur. En ef mig minnir rétt þá eru til nokkrar tegundir af búddisma og byggjast þær á kenningum og kennslu aðferðum Siddhartha Gautama sem fékk nafnið búddha útaf því að hann komst í nirvana og uppljómaði sig. Og getur hver sem er verið kallaður búdda sem kemst í þetta ástand.

Megin kjarni búddhismans er að kenna fólki að vera siðsamlegt og að rækta sjálfan sig. Svo koma kenningar eins og Yin og Yang dótið með að allt hefur andstæðu og bla bla.

En svo koma tegundirnar. Bara eins og það eru margar tegundir af kristni trú.

Buddhism is broadly recognized as being composed of two major branches:

Theravada, which has a widespread following in Southeast Asia
Mahayana (including Pure Land, Zen, Nichiren and Vajrayana), found throughout East Asia

Nirvana er ekki dauði. Dauðinn er bara dauðinn og í búddisma þá trúa þeir að maður fæðist aftur nema að maður hefur viljan til að uppljóma sjálfan sig (nirvana)og komast út úr hringrás kvalarinnar og endurfæðingar. Nirvana er því ástand eða hugarástand þar sem einstaklingur á að hafa held ég mikið vald á sjálfum sér svo að hann getur tengst alheimsálinni (farið úr sínum líkama).

Það var eitthvað meira sem mig langaði að segja. En ef þú hefur eitthvað að segja, leiðrétta mig, þá skaltu endilega svara mér. Langaði bara að vera með í þessari samræðu! ;D

Fyrra álit

vitringur fyrir 15 árum, 4 mánuðum

einmitt. Einn helsti munurinn á Búddisma og svo hindúisma sem hann er sprottinn út frá (og ef búddha væri til í dag myndi hann líklegast líta á sig sem hindúa) er að menn þurfa ekki að vinna sig upp þjóðfélagsstigann með stöðugum endurfæðingum til þess að geta loks orðið brahmíni, þar sem þeir einir geta öðlast nirvana og runnið saman við alheimssálina samkvæmt hindúsima, heldur getur hver sem er gert það, sama í hvaða stétt, ef hann lifir nógu siðsamlega

Við erum alheimurinn, vaknaður til vitundar um sjálfan sig

Fyrra álit

herbalist fyrir 15 árum, 7 mánuðum

Búddismi líka.

Ég er þið.

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Myndir

Hugleiðing

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi