Mér finnst eins og flestar tilvitnanir sem ég les frá Nietszche komi úr Beyond good and evil. Handan góðs og ills heitir hún á íslensku held ég.

Las handan góðs og ills í byrjun sumars. Það þurfti blóð svita og tár til að klára hana og fáranlega langann tíma. Hún er ekki aðgengileg en hún er líka óþægileg af því leiti að hann hefur svo oft óþægilega rétt fyrir sér. Sérstaklega þegar kemur að völdum, stéttaskiptingu og kynjafræði.

En persónulega mæli ég með Svo mælti Zaraþústra, miklu aðgengilegri og jafnvel skemmtileg. Falleg og heimspekin hans kemur alveg skýrt fram þar.

Það borgar sig oft að lesa um heimspekinga áður en maður reynir að lesa texta eftir þá; í tilfelli Nietzsche er til dæmis vert að hafa í huga að hann var fornfræðingur að mennt og um tíma mikilsmetinn sem slíkur. Þetta endurspeglast í ritum hans að því leiti að margsinnis í ritum hans er vísað til fornra rita og manna sem manni er ekki kunnugt um. Þar að auki er ritstíll hans afar skáldlegur, sem aftur endurspeglar hann sem fræðimanns á sviði fornra sagna og ljóða. Það gerir texta hans mun torveldari og oft margræðan (og sérlega erfiðan í þýðingu!), þess vegna eru uppi margar hugmyndir um hvert raunverulegt innihald heimspeki hans er og um tíma var mjög vinsælt að sálgreina persónu hans í þaula.

Ef þér er alvara um að leggja stund á heimspeki hans gætir þú lesið eitthvert nútíma fylgirit eins og A Companion to Nietzsche frá bókaforlagi Blackwell. En þú gætir alveg lesið Handan góðs og ills í íslenskri þýðingu ef þú bara googlar þig áfram þegar hann vísar til einhverra furðulegra hluta (sem gæti reyndar reynst erfitt ef þú ert ekki með enska bók til hliðsjónar).

Handan góðs og ills, og í guðanna bænum lestu formálann, það borgar sig milljónfallt.