Ég hugsa að tölva myndi aldrei hugsa eins og manneskja nema ef hún fengi líkama manneskju.

Held að þetta væri ekki góð leið til að forrita tölvuna, best væri að forrita bara heila held ég.

Bætt við 26. ágúst 2010 - 01:22
vá hvað einhver á eftir að misskilja mig held ég

Annað hvort við búum til líkan af heila eða smíðum vél sem hegðar sér eins og heili. Hvor leiðin er heppilegri fer eftir því hve nákvæmlega þarf að herma eftir því hvernig taugafrumur hegða sér. Ef við þurfum að líkja eftir þeim alveg niður fyrir stærðargráðu frumulíffæra er líklega heppilegra að rækta bara heila í tilraunaglasi. Það er samt vel mögulegt að ganga megi út frá einföldunum og segja hverja taugafrumu vera tengda ákveðnum öðrum frumum, að hvert tengi sendi hamlandi eða hvetjandi skilaboð og að fruman sé svo og svo viðkvæm fyrir innsendum skilaboðum. Það væri mjög heillandi að smíða þannig módel og það er verið að vinna í því.

Ef þú átt bara við hefðbundin samskipti mætti gera forritið aðgengilegt á vefnum þannig að hægt væri að ræða við gervigreindina í gegnum netið, þó þannig að með handahófskenndum hætti er einstaklingur sem tengist vefsíðunni annað hvort komið í samband við mannveru eða gervigreind, síðan væri hver einstaklingur beðinn um að meta hvort hann er að ræða við tölvu eða ekki. Ef menn gera ráð fyrir að þeir séu að ræða við menn þegar þeir eru í raun að ræða við gervigreind allajafna m.t.t. þess að menn halda stundum að aðrir menn séu gervigreind, þá hlýtur hún að teljast jafngild manneskju.

þarf hún ekki bara að geta lært? Ef hún lærir af öðum, hvað er gott og hvað sé slæmt getur það mótað aðgerðir hennar. Þegar hún getur mótað aðgerðir sínar svo útfrá því þá held ég að þú sért mjög nálægt því að vera eins og manneskja.