Fyrir mörg þúsund árum voru nokkrir hjátrúarfullir menn að skálda upp stóra sögu sem var þeirra útskýring á hvernig heimurinn varð til o.s.frv. Núna, mörg þúsund árum seinna, hafa stofnanir misnotað þessa sögu þeirra í aldir og milljónir hafa verið drepnar fyrir þessa sögu. Þar að auki hefur stór hluti sögunnar verið afsannaður og margir þeirra sem ekki hlusta á rök, hugsa ekki rökrétt og trúa enn á söguna hafa smækkað hana niður í það að sá sem þeir sögðu áður að hefði skapað alheiminn á einungis að hafa skapað augu, fjaðurvængi, svipur baktería og frumna og eitthvað smotterí. Megnið af þessu hefur verið hrakið en þeir halda því fram að ef þeir sem trúa á þróunarkenninguna geti ekki útskýrt þróun svipna, og það strax, þá sé þeirra kenning, að sjálfsögðu, sönnuð.

Guð sé þá til og þá geti þeir strokað út Darwin, látið kannski brenna bækurnar hans, kallað þær trúvillu og haldið í nýjar krossferðir og nú gegn vísindamönnum. “Það er ekki synd að drepa vísindamann, þú ferð til himnaríkis ef þú drepur vísindamann” verður nú hrópað og líkt og áður er krossfararnir brenndu Býsansríkið munu þeir nú kannski lýsa því yfir að stærðfræðileg djúphygli sé guðlast! Þá geta þeir hyllt guð sinn með tárin í augunum, grátið yfir himneskri fegurð ljóssins, þessa yndislega guðs sem samkvæmt þeirra eigin trúarritum hefur myrt trilljónir og frægustu illmenni jarðarinnar í 15. veldi myndu fölna við samanburðinn.

Vissulega hljómar þetta með t.d. stærðfræðina absúrd en ekki má gleyma því að fjölmargt sem t.d. páfinn hefur sagt hljómar furðulega. Í hans augum eru t.d. Harry Potter bækurnar guðlast og trúvilla og ef að kirkjan hefði vald í námunda við það sem hún hafði fyrr á tímum hefði fyrir löngu verið búið að brenna öll eintök af Harry Potter, Narníu-bókunum, Hringadróttinssögu og ábyggilega allar myndasögurnar frá Marvel comics. Enn verra væri þetta ef að lútherstrúarmenn, sem samkvæmt skilgreiningu eru bókstafstrúarmenn (svo að þeir sem kalla sig það en eru ekki bókstafstrúar eru fals), hefðu vald á við kirkjuna fyrr á tímum, eða vald kirkjunnar á fólkinu í Bandaríkjunum, því að Lúther sjálfur var afskaplega harður á því að einoka bókmenningu með trúarritum og hefði helst viljað losa sig við allar bækur nema þær sem hans lútherstrúarmenn rituðu um trú. Sannindin eru þau að sjálf rökhugsunin er hættuleg trúarbrögðum eins og kristni.

Þið þekkið eflaust til “vitrænnar hönnunar”. Rosalega “vísindalegt” og “gáfulegt” bull sem reynir að finna eitthvað að kenningum Darwins til að sanna tilvist einhvers skapara alheimsins, helst hins kristna guðs. Þeir kalla þetta vísindi, en allir með vit í kollinum sjá að þetta eru ekki vísindi, og reyna að breyta vísindunum þar sem við reynum að öðlast betri skilning á heiminum og sannreyna kenningar í það að þylja upp mörg þúsund ára gamlar bækur fullar af bulli og trúa því án þess að efast.

Helstu rökin snúast um “óeinfaldanlegan margbreytileika” á ýmsum líffærum og hefur það flest verið afsannað en þeir halda fast í það sem vísindin hafa enn ekki afsannað og segja að ef vísindin geta ekki afsannað eitthvað nákvæmlega núna, strax, þá hljóti þau að vera vitleysa og guð hafi skapað heiminn. Svo hlaupa þeir með tárin í augunum niður göturnar öskrandi “guð er til, guð er til!” froðufellandi af heimsku og gleði. Auðtrúa fíflin rúlla sér um göturnar í krampakasti yfir dýrð drottins, þess blóðuga drottins sem á að hafa drekkt heimsbyggðinni vegna þess að fólkinu, sem hann skapaði, þótti gaman að ríða og búa til líf.