Það er ekki bara verið að spurja um hann í könnuninni en það var hann sem skrifaði þennan kork. Þú virtist samsamast honum þegar þú sagðir: “Einmitt. Ekki það sama að vera guðleysingi og að vera trúleysingi.” En ég hef greinilega misskilið það, þú hlýtur samt að sjá að það er hægt að skilja þetta öðruvísi.

Þess vegna spurði ég hvaða merkingu þú leggur í orðin guðleysi og trúleysi. En nú hefur það komið í ljós og að þú hefur ekki misskilið TheAmbassador eða lagt mér óþekkta merkingu í orðin trúleysi og guðleysi.

Samt sem áður kemur það í ljós að jafnvel þótt þú bætir við þessum möguleika, guðleysi, þá er engin leið að vita munin á þessum hugtökum. Eins og áður sagði þá nota margir trúleysi og guðleysi sem samheiti. Jafnframt þýðir trúleysi ekki endilega að hafna trú á ÖLLU, það getur þýtt að hafna trú á goðmögn eða trúarsöfnuði.

Það væri hægt að losna undan þessu og nota annað hvort setningar: “Ég trúi ekki á goðmögn, en hins vegar á aðra yfirnáttúrlega hluti eins og drauga, álfa o.s.frv.” eða þá hugtökin úr grísku, aþeism, agnosis o.s.frv. En það gæti samt enn verið dálítið óskýrt.