hvort viltu epli eða appelsínu?
hvað viltu, epli, appelsínu eða banana?<br><br>hvurslags

Þetta er hárrétt hjá þér, thossinn. “Hvort” á við þegar um tvo kosti er að velja. Maður spyr til dæmis: “Hvor ykkar braut rúðuna?” ef aðeins tveir (já eða tvær) koma til greina en “Hver ykkar braut rúðuna?” ef fleiri koma til greina. Þetta er eins með “annar hvor” og “annar hver”. Maður segir ekki að annar hvor maður úti á götu eigi bíl (eða hvaðeina), heldur annar hver.

Í könnuninni hefði einnig mátt spyrja: “Hvað af þessu skiptir mestu máli í heimspeki?” eða “Hvert þessara er mikilvægast í heimspeki?”

En annars verð ég að taka undir með Lynx. Stjórnendur áhugamála ættu að hafna könnunum sem gefa manni ekki kost á að velja eitthvað annað eða vera hlutlaus nema sérstaklega standi á. Það getur til dæmis hugsast að einungis sé um tvo kosti að ræða, já eða nei. Til dæmis: “Ertu Íslendingur?” Svarið hlýtur að vera annað hvort já eða nei. Eða finnst ykkur fleira koma til greina? Og eins mætti færa rök fyrir því að ekki ætti að vera hægt að taka ekki afstöðu. En þetta eiga að vera undantekningarnar! <br><br>__________________________
Aut tace aut loquere meliora silentio.