Ertu að meina öll þessi fancy orð sem gthth er að tala um í greinum sínum?<br><br>hvurslags

Það getur stundum verið erfitt að leggja mat á það hvaða orð í eigin orðaforða eru vandskilin eða sjaldgæf, enda þekkir maður þau flest og er vanur að nota þau. Ég geri mér ekki alltaf ljóst hvenær ég er að segja eitthvað sem enginn skilur og hvenær ekki. Þess vegna verð ég bara að bjóðast til að útskýra það sem ég segi ef einhver nennir að spyrja. En ég er sammála því að það ætti að skrifa um heimspeki á skiljanlegu máli.

Aftur á móti getur verið erfitt að segja frá heimspekilegum hugmyndum með takmörkuðum orðaforða. Ég segi nú ekki að það sé ómögulegt eða að það sé alltaf svo. En það getur verið mjög erfitt. Stundum hafa sniðugustu heimspekingarnir gert lítið annað en að finna upp orð eða gera greinarmun sem hægt er að nota til að tjá einhverjar hugmyndir sem ekki var hægt áður.

Ég legg því til að við notum þessi heimspekiorð þar sem þau eiga við og útskýrum þau fyrir þeim sem ekki skilja; þeir verða þá bara að vera ófeimnir við að spyrja. Lærum hvert af öðru!<br><br>__________________________
Aut tace aut loquere meliora silentio.