Ofurkusa fyrir 22 árum, 11 mánuðum Fjöldi lestra: 234

Kusa í tilvistarkreppu!

Mér finnst sorglegt að vita til þess hve fáir trúa á guð af einlægni nú til dags. Flestir eru jú samt í þjóðkirkjunni og hafa við fermingu heitið því að gera Jesú Krist að ljósi lífs síns og fylgja boðskap kristinnar trúar eftir fremsta megni. Nóg um það, því eftir að fermingarveislan er búin og allar fermingargjafirnar hafa verið tættar upp (og fermingarbörnin búin að sjá að þær voru ekkert annað en ómerkilegt drasl frá nískum ættingjum) fara flestir út af sporinu. Biblían og sögurnar af Jesú, guði og “þeim öllum”, eru allt í einu ekkert annað en ævintýri skrifuð af einmana, hebreskum gyðingi sem vildi reyna finna svör við gátum lífsins. Eða eitthvað…

En ekki meir um það, ég ætla mér alls ekki að vera með neinar predikanir, ég er bara að velta fyrir mér af hverju þessi þróun hefur orðið. Af hverju guð skipar ekki eins stóran sess í lífi manna og áður fyrr. Áður fyrr hættu menn sér varla út fyrir dyrnar á moldarkofunum sínum, til dæmis á hvítasunnunni eða á föstudeginum langa sökum guðsótta! En núna er öldin önnur og gengin er í garð “öld einstaklingsins”. Einstaklingar hafa óbilandi trú á sjálfum sér og virðast ekki lengur þurfa á trúnni að halda, allt þetta þvaður um guð, sem enginn veit einu sinni hvort sé í rauninni til, finnst flestum allt að því óþolandi. Mér finnst þetta skrítin þróun og vil meina að hún stafi af aukinni velmegun og auknum efnahag manna. Staðreyndin er sú að flestir fæðast með silfurskeiðina í kjaftinum, fá allt upp í hendurnar og þurfa aldrei að hafa fyrir nokkrum sköpuðum hlut, ja nema bara að pota sjálfum sér áfram í lífsgæðakapphlaupinu. Skilur einhver hvert ég er að fara? Ég er náttla frekar harðorð en ég held að því miður sé þetta raunin. Þið megið ekki heldur misskilja mig, ég er engin ofsatrúarmanneskja eða neitt þannig…. ég fer ekki í kirkju né er meðlimur í einhverjum söfnuði, er alls ekki bitur, guðhrædd, ung stúlka haldin tilvistarangist og í mikilli sálarkreppu, jú nó vott æ mín…?? :)

Spurningin er ekki hvort að guð sé til, heldur AF HVERJU ÞAÐ TRÚIR ENGIN LENGUR Á GUÐ!!!??

[Notanda eytt] fyrir 22 árum, 11 mánuðum

á ég að gefa þér nokkrar ástæður:

„…ég er engin ofsatrúarmanneskja eða neitt þannig…. ég fer ekki í kirkju né er meðlimur í einhverjum söfnuði, er alls ekki bitur, guðhrædd,…“

– Fólk vill ekki viðurkenna að það trúi á guð nema með því að segja eftir á að það sé ekki eitt af OFSAtrúarfólkinu (annar möguleiki er náttla að það sé það).

Það er nú margoft búið að tauta um þetta en hvað um það, „guð er dauður”, Þessi þrjú orð hafa náttúrulega verið túlkuð yfir í margar málsgreinar og það hljómar einhverveginn svona:

„Hún [setningin] lýsir breytingum sem orðið hafa á trúar- og menningarlífi Vesturlandabúa undanfarnar aldir. Því er haldið fram að á fyrri öldum hafi trúin verið lifandi hluti af menningu, heimsmynd og hversdagslífi almennings. Hugtök á borð við guðrækni, synd, blessun, köllun, himnaríki og helvíti hafi verið hluti af virkum orðaforða fólks. Nú sé öldin önnur. Við lifum á tímum afhelgunar og sífellt færri taka alvarlega hið trúarlega tungutak og siði. Í þessum skilningi sé Guð líkur dauðri myndlíkingu. Náskylt þessu svari er hitt að setningin láti í ljós þá skoðun að trúin á Guð sé dauð, fólk trúi ekki lengur á tilvist Guðs. Enn önnur algeng túlkun er að setningin hafi þá merkingu að grundvöllur allra gilda, ekki síst siðferðilegra gilda, sé brostinn. Hér kemur fram skyldleiki við fleyga setningu Dostojevskíjs, „Ef Guð er ekki til, er allt leyfilegt".

Svo með meiri menntun þá fer fólk að sjá í gegnum trú, ég meina það eru milljón mótsagnir í bæði biblíunni og kóraninum, trúin er orðin of tvíræð, t.d.:
http://answering-islam.org/Quran/Contra/
http://www.ffrf.org/lfif/contra.html

Þetta er bara þróunin, og við getum varla farið að sporna við henni

Fyrra álit

[Notanda eytt] fyrir 22 árum, 10 mánuðum

Ég held að mér sé óhætt að fullyrða að hellingur fólks trúi ennþá á guð. Aftur á móti, þá er það bæði svo að guðshugmyndin er breytt, og auk þess er vel hægt að trúa á guð án þess að fara eftir því sem að fyrirskipað er í trúarritum og af trúarstofnunum.
Mér sýnist guð hafa færst innávið, og er orðinn aftur það sem hann var í upphafi: Hluti af menninu. Sjálfið er (næstum því) tignað sem goð.
“Einstaklingar hafa óbilandi trú á sjálfum sér og virðast ekki lengur þurfa á trúnni að halda … ” lýsir þessu einmitt ágætlega. Einstökin hafa ekki lengur þörf fyrir trú á ytri og óskynjanleg fyrirbæri þegar þau geta trúað á sig sjálf, “mátt sinn og megin”. Þessi þróun stafar án efa m.a. af aukinni velmegun, en líka af minnkandi valdi kirkju og almannaróms. Fyrir ekkert voðalega löngu síðan var manni útskúfað úr mannlegu samfélagi fyrir að neita að trúa á guð, og nokkru fyrr var fólk sumstaðar brennt fyrir að trúa ekki á rétta guðinn.

Fyrra álit

spik fyrir 22 árum, 10 mánuðum

Ég til dæmis trúi eiginlega ekki á biblíuna. Sæt saga og allt það en of ótrúleg fyrir minn smekk. Sem leiðir til þess að ég sé eftir því að hafa fermst. 13 ára er of ungt fyrir fermingu. Krakkar á þessum aldri eru fæstir að vilja vera öðruvísi en allir aðrir. Ef ég ætti að fermast núna til dæmis, þá myndi ég líklegast ekki gera það. Biblían bara er ekki mitt thing. Ég hins vegar trúi óhikað á EITTHVAÐ æðra, hvað sem það nú er sem ég trúi á….
Eins og einhver sagði þá er fólk farið að sjá í gegnum þetta með aukinni menntun og trúfrelsi. Fólk trúir því sem það vill (því miður ekki alltaf samt með friðsamlegum afleiðingum) og lifir með því. Tímarnir hafa bara breyst og fólk er meira að hugsa um að skapa sitt eigið sjálf heldur en einhverja manneskju sem allir vilja sjá. skilurru? það ætti allavega eitthvað rökrétt að koma útúr þessu hjá mér, vona ég:)

Fyrra álit

manilla fyrir 22 árum, 10 mánuðum

talandi um fermingaraldur þá er fáránlegt að þegar þú ert 13/14 máttu ekki kaupa sígó drekka keyra eða gifta þig en samt er gert ráð fyrir því að veljir hvort þú viljir vera kristinn og ganga veg Guðs ogeiga séns á að fara til himna sem er aðeins stærri ákvörðun en hvort þú viljir reykja eða ekki

Fyrra álit

Ofurkusa fyrir 22 árum, 10 mánuðum

Ja ég meina, fyrst að við höfum talað um svona mikla einstaklingshyggju og að fólk hafi ekki þörf fyrir að trúa á neitt annað en sjálft sig er þá ekki alveg jafn mikil áhætta að ákveða hvort maður byrjar að reykja eða ekki? Reykingar eru náttla mjög heilsuspillandi og geta skemmt fyrir einstaklingum sem ætla sér langt í lífsgæðakapphlaupinu, ekki satt? Ég meina, þær eru náttla ógeðslega óhollar og svo kosta þær líka fúlgur fjár!! Það er jú stór ákvörðun að ákveða að ganga á guðs vegum en ég held að það sé andskotakornið skynsamlegri ákvörðun heldur en að byrja að reykja!!

Fyrra álit

spik fyrir 22 árum, 10 mánuðum

Umm… þetta meikaði eilla ekkert sense fyrir mér. No offence. Það er allt annað mál að byrja að reykja eða fermast. Þeir sem byrja að reykja eru flestir að vilja falla inn í hópinn og sama á hvaða aldri það er. Oft er það vegna hópþrýstings. Reykingar eru óhollar og svona en þær eru samt ekki eins varanlegur hlutur og að skrá sig inn í einhverja trú 13 ára. Þú getur hætt að reykja þótt þú sért orðin fertug/ur eða eitthvað en þú ert alltaf fucking fermd/ur. Þú getur náttla fermst seinna en þeir sem fermdust ekki 13 ára eru flestir búnir að uppgötva að þeim finnst þetta ekki nógu trúlegt til að gera þetta. það finnst bara öllum sjálfsagt að maður fermist og allir fagna þessum tímamótum og bla bla bla en ef þú myndir t.d. fermast 18 ára, myndirðu þá búast við stórum gjöfum og flottri veislu? Það er nokkuð skýrt að þeir sem ferma sig eru ekki að hugsa bara um “að staðfesta skírnina.” Krakkar vita að þau fá fallegar gjafir og sæta veislu og allir eru voða happy.
Ef þú byrjar að reykja (og btw. það náttla eru margir sem eru bæði fermdir og reykja samt) ertu að vilja venja þig á ósið sem spillir heilsu þinni og svona en það er samt ekki ákvörðun sem þú getur ekki horfið frá.
Úff… þetta er ábyggilega mesta kjaftæði en reynið að skilja þetta. Bara pælingar: Reykingar og ferming eru ekki hlutir sem hægt er að bera saman, finnst mér. Samt er ég búin að vera að því… æ whatever. ég ætla að fara að sofa bara:)

Fyrra álit

Ofurkusa fyrir 22 árum, 10 mánuðum

Já en gæskur, þú varst einmitt að bera það saman!!

Ég lít ekki hliðstæðum augum á reykingar og fermingu, þvert á móti og það er náttúrulega rétt hjá þér að reykingar er eitthvað sem maður getur horfið frá, en fermingin er það ekki!

Annars nenni ég ekki að tala um þetta lengur, fólk er farið að taka mig alltof alvarlega, trúmál er eitthvað sem ekki ætti að ræða því fólk hefur svo misjafnar skoðanir að það er aldrei hægt að vera annað en ósammála. Mér finnst samt hafa komið fram margir góðir, athyglisverðir punktar sem vert er að íhuga. Engu að síður ætla ég bara að halda áfram í trúnna á minn guð og hef ekki í hyggju að reyna að pranga því inn á aðra. Vona bara að það sé ekki það sem allir halda!

Sí jú beibí, sheikin' ðat ess… :)

Fyrra álit

survivor fyrir 22 árum, 10 mánuðum

Ofurkusan mín. þú ert yndisleg, og þetta er alveg rétt hjá þér! Ekki taka mark á vonda fólkinu:)
luv jú,
systa survæva'.

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Kusa í tilvistarkreppu!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi