einaraxel fyrir 20 árum, 6 mánuðum Fjöldi lestra: 895

Af stríði

Ég ætla hér að segja frá bók, ég veit first-hand að þessi bók er ekki gefin út í
gróðaskyni, nema þá að þar sé verið að tala um siðferðislegan gróða, enda fyrsta
upplag aðeins örlítið. Þessi bók heitir ‘Af stríði’. Hún er gefin út af útgáfunni/
félaginu nýhil (http://www.nyhil.com) og er “AFBÓK #1”, sem þýðir væntanlega
fyrsta bók í þessari línu. Ritstjóri er Haukur Már Helgason og er með BA-gráðu í
heimsspeki.

Ég er rétt varla búinn með formálann (Eftir ritstjórann sjálfan), og er þegar hrifinn
af henni, hann er um það aðallega hvernig Íslendingar setja upp tákn og merki
sem þeir meina ekkert með:

„Á framhlið Alþingishússins við Austurvöll var, fyrir sjálfstæði árið 1944, danska
krúnan. Árið 2003 er þar enn danska krúnan. Á mæninum á háu húsi sem stendur
enn gamalt einkennismerki Eimskips: Hakakross. Íslendingar útskýra léttilega fyrir
aðkomufólki sem bregður: „Já, neinei, hann snýr öfugt, sjáðu!“…
…Það eru tákn þarna uppi en við meinum ekkert með þeim. Við meinum hvorki
„Hollusta við Danmörku“ með krúnunni, né „Yfirburðir hvíta kynstofnsins“ með
hakakrossinum.“

Þetta er ekki nóg til að gefa allan kaflann en þó er þetta svolítil lýsing á honum,
auk þessa má þó finna fleiri mikilvæg málefni í kaflanum.

Efni bókarinnar er Pólitík séð frá heimspekilegum og allt að því spaugilegum
sjónarhóli og eru allir höfundar og þýðendur prýðismenn(og konur), og gætu vart
hentað betur til þessarra skrifa. Sumir kannast kannski við þetta félag, t.d. frá
leikritaklasa sem sýndur var á menningarnótt síðastliðna (þ.e. 2003 ef einhverjir
eru tímavilltir) og má m.a. finna í bókinni handrit eins þess. Auk annars efnis er
eitt og eitt ljóð eða prósi og jafnvel kveðskapur frá Donald Rumsfeld,
varnarmálaráðherra BNA.

Ég hvet fólk eindregið til að kaupa þessa bók sem ætti að koma út í helstu
bókabúðir eftir helgi (helgina 10-12 október) og kemur sjálfsagt til með að kosta
eitthvað í kringum kr.2000 þó að fólk fyrirgefi manni nú kannski ef það er rangt.

Jafnframt hvet ég fólk til að fara inn á heimasíðu félagsins, http://www.nyhil.com
þar sem alltaf kemur eitthvað skemmtilegt inná og er margt efnið hér efni sem
hefur áður birst á nyhil.com.

(\_/)

Inzaniac fyrir 20 árum, 6 mánuðum

Heyrðu félagi.

Hakakrossinn er ekkert helvítis tákn sem segir til um yfirburði hvíta kynstofnsins.

Þetta er ævafornt tákn sem á að tákna gæfu. Man ekki hvaðan hann er en Nazistanir notuðu hann þannig. Hann er bara alltaf hafður með þegar menn tala um Nazista af því að þeir notuðu hann á allt, þannig þekkir fólk þá.

“Good luck to germany” Skiluru ?

Vona að þú breiðir ekki þessari fáfræði útum allt.

Með Kveðju.

Fyrra álit

ethorg fyrir 20 árum, 6 mánuðum

Hakakrossinn er gamalt frjósemistákn,hann táknar sólina. Eimskipafélagið er stofnað fyrir Nazismann þannig að þetta merki hefur ekkert með hann að gera.

Fyrra álit

marxus fyrir 20 árum, 6 mánuðum

InNAZIac:

Hakakrossinn er tákn um yfirburði hvíta kynstofnsins, í vitund okkar. Þó að hann sé ævafornt tákn t.d. hjá hindúum (sem nota hann ennþá t.d. í helgimyndum af guðinum Ganesh) þá hefur hann greypst í vitund okkar Vesturlandabúa sem tákn fyrir nasista.

Hakakrossinn í Eimskipamerkinu snýr alls ekki öfugt eins og sumir segja. Er þetta fólk haldið einhverjum kvilla sem veldur því að það sér allt öfugt? Það þarf aðeins að hliðra honum örlítið á ská og þá er hann nákvæmlega eins og hakakross nasista. Það þarf ekki að breyta honum neitt til þess að hann sé alveg eins medallíur og fánar SS sveitanna.

Ég hef sjálfur stundum pælt í þessum táknum sem eru alls staðar í kringum okkur. Það að fólk skuli leiða þetta hjá sér ber vott um algeran doða fyrir umhverfi sínu. Af hverju er danska krúnan á Alþingishúsinu? Af hverju er hakakross á Eimskipahúsinu? Af hverju er merki SúlnaSals Hótel Sögu með nákvæmlega eins leturgerð og merki SS sveitanna? Af hverju er Davíðsstjarnan utan á Bar Metz (Austurstræti 9)? Af hverju er Frímúraramerkið utan á Reykjavíkurapóteki (Austurstræti 16)? Af hverju er Hallgrímskirkja eins og risastór reður sem gnæfir yfir borginni? Af hverju er aðalbygging Háskóla Íslands, Þjóðleikhúsið og Laugarneskirkja í sama byggingarstíl og nasistar höfðu svo mikið dálæti á?

Sumar af þessum spurningum eru út í hött og jaðra við bilun, sumar ekki. Sumar hafa eðlilegar sögulegar skýringar, sumar ekki.

Fyrra álit

einaraxel fyrir 20 árum, 6 mánuðum

Takk fyrir vingjarnlegt fídbakk, gott að verða var við stuðning á greinum manns. :)

(\_/)

Fyrra álit

thortho fyrir 20 árum, 6 mánuðum

Svar við tveim spurningum:

„Af hverju er danska krúnan á Alþingishúsinu?“

Vegna þess að danskur konungur lét reisa Alþingishúsið.

„Af hverju er Hallgrímskirkja eins og risastór reður sem gnæfir yfir borginni?“

Vegna þess að kirkjuturnar eru almennt álitnir vera reðurtákn. Sennilegast vegna kynsveltra kvenmanna - rétt eins og við kynsveltir karlmenn sjáum brjóst í hverju sem er, jafnvel sjálfdauðum máfum.

All we need is just a little patience.

Fyrra álit

phi fyrir 20 árum, 6 mánuðum

Hann sagði það ekki. Hann var að vitna í bók.

Science. It works, bitches.! ^_^

Fyrra álit

einaraxel fyrir 20 árum, 6 mánuðum

Einmitt, ég vona að fólk fari að skilja það að þetta er tilvitnun en ekki mín orð. Og svona for the record ætla ég að vona að þetta fari ekki útí einhverja umræðu um hakakrossa, en það virðist vera eðli sumra hugagreina að fara útí umræðu um eitthvað sem í raun skiptir ekki máli í greininni í heild.

(\_/)

Fyrra álit

VeryMuch fyrir 20 árum, 6 mánuðum

Einaraxel:
Kannski er ég haldinn fordómum en mig grunar að þetta sé enn eitt B-O-R-I-N-G andvanafætt fyrirbæri, fóstur sem hengdist í naflastreng pólitíkur, sem kom niður á súrefnisflæði til heilans.

Að vera hip er ekki það sama og vera klár, eða hafa eitthvað að segja. Mig grunar að þessir náungar séu haldnir einhverjum popp vírus, sem mun alltaf hindra þá í að verða ALVÖRU. Nema það sé skortur á alvöru gáfum.

Kv.
VeryMuch

Fyrra álit

Mal3 fyrir 20 árum, 6 mánuðum

Eins og mér finnst gaman að segja: það er ekki það sama að vera gáfulegur og gáfaður :)

Fyrra álit

einaraxel fyrir 20 árum, 6 mánuðum

Hehe, ég þekki margt þetta fólk persónulega og ég verð að segja að kynni mín af þeim eru ekkert nema jákvæð og þetta er upp til hópa mjög gáfAÐ fólk, en ég er svo sem ungur að árum og eins og öðru fólki getur mér alltaf skjátlast, en það er allt í lagi að láta fólk vita af þessu.

(\_/)

Fyrra álit

maggimega fyrir 20 árum, 6 mánuðum

Þetta er ekki haka krossin =| heldur er þetta tók Eimskipafélagið þetta upp fyrir löngu síðan og langt fyrir seinni heimstyrjöldina. Tákn eru stundum bara logo og þurfa ekk alltaf að hafa djúpa merkingu á bakvið af hverju þau eru notuð.

Fyrra álit

einaraxel fyrir 20 árum, 6 mánuðum

Ég veit vel og þetta fólk líka að hakakrossinn er ekki merki um yfirburði hvíta kynstofnsins, og vona að fólk komi ekki með endalaus comment um það, þetta er einungis tekið sem svona dæmi um hvernig þetta virðist alltaf vera, kannski er ég slæmur í að taka dæmi úr bókinni, en ótrúlega mikið er þó til í því sem í henni stendur. Það kostar allavega ekkert að kíkja á vefinn þeirra.

Og varðandi það að þetta sé bara eitthvað popp dæmi hjá þeim, það held ég að sé alrangt. T.d. er(eða ég veit ekki betur en að hann sé enn þar) einn þeirra sem kemur einna helst að þessarri bók núna staddur útí Palestínu og myndar með öðru góðu fólki mannlegan varnarvegg um Yasser Arafat, þeim er nokkuð alvara um allt sem þeir segja og gera.

(\_/)

Fyrra álit

thortho fyrir 20 árum, 6 mánuðum

Þar sem það virðist vera afar ‘popular’ (en af því orði er dregið orðið „popp“ í þessari merkingu) að styðja Palestínu í þessu veseni þarna, þá er alveg hægt að flokka það sem popp að fara þangað að styðja Arafat.

Annars tek ég barasta undir með Verymuch, sem hefur yfirleitt góða hluti til málanna að leggja.

All we need is just a little patience.

Fyrra álit

einaraxel fyrir 20 árum, 6 mánuðum

Ja, popp dæmi eða ekki, þetta fólk virðist hafa sitt að segja, reyndar er svolítið af greinum þarna sem þeir hafa bara fengið lánaðar frá öðru fólki(og taka það skýrt fram).

(\_/)

Fyrra álit

einaraxel fyrir 20 árum, 6 mánuðum

humm, ég ætlaði eiginlega að segja “…ýmislegt að segja” en ekki “…sitt að segja”, biðst velvirðingar á þessari prentvillu.

(\_/)

Fyrra álit

whowsnite fyrir 20 árum, 6 mánuðum

Ég má til með að taka undir með þessum staðhæfingum, varðandi það að hakakross eimskipafélagsins snýr alls ekki öfugt og er það hið mesta bull. Skrifa það hérna, munið það, þið öll sem þetta lesið….

KROSSINN SNÝR EKKI ÖFUGT, HANN HALLAR!!!!

Takk fyri

I love Stan, Stan loves ham… ham I am!

Fyrra álit

wInGs fyrir 20 árum, 6 mánuðum

Rétt er það, en það er ekki eini munurinn á krossunum… Armarnir á hakakrossinum eru líka lengri en á krossi Eimskipafélagsins.

Kveðja,
wInGs

Fyrra álit

Exitmusic fyrir 20 árum, 6 mánuðum

segja eitt heimspekilegt um þessar umræður um hakakrossinn……….HVERJUM ER EKKI SAMA

Er það ekki heimspekilegt að ætla að krossinn atarna þýði mismunandi fyrir fólk eins og sést hér á álitum á þessari ágætu grein frá gestum og gangandi?

Segjum frekar “all wars are civil wars because all men are brothers”:P

Og hvur sagði svo HA?:D

Hafið það gott

Fyrra álit

einaraxel fyrir 20 árum, 6 mánuðum

Punkturinn þarna er að hvað sem hakakrossinn annars getur þýtt meinar sá sem sýnir hann í sjálfu sér.
Svo ég vitni nú enn og aftur í blessaða bókina sem greinin átti að vera um (þessi tilvitnun kemur reyndar í beinu framhaldi af þeirri fyrri(sjá grein)):

“Táknin svífa bara þarna fyrir ofan okkur, meðan við lifum bara hérna niðri, allsendis ósnert af þeim”

(\_/)

Fyrra álit

thortho fyrir 20 árum, 6 mánuðum

„Segjum frekar “all wars are civil wars because all men are brothers”:P

Og hvur sagði svo HA?:D„

Ekki græna glóru. Hver spurði hins vegar „What's so civil about war, anyway?“

All we need is just a little patience.

Fyrra álit

bossanova fyrir 20 árum, 6 mánuðum

Mér finnst dálítið magnað að þú skulir vera farinn að mæla þessi ósköp með þessari bók, þegar haft er í huga að þú ert einungis búinn að lesa formálann! Ég get ekki varist þeirri hugsun að þú, eða einhverjir þér tengdir, hafi persónulega hagsmuni af þvi að þessi bók seljist sem best.

Kveðja, Bossanova

Fyrra álit

Noproblem fyrir 20 árum, 6 mánuðum

Jú snýr ekki hakakrosinn hjá Eimskip öfugt við þann sem Nazistar notuðu? Ég er allavega alveg fullviss um það.

“Nyhil” as in “Nihil”?
Nihilism kanskje ? :)

Fyrra álit

einaraxel fyrir 20 árum, 6 mánuðum

Ja, fyrst að því sem bossanova segir, jújú, ég þekki þetta fólk, en ég veit samt ekkert hvað þau græða á sölu hennar, þetta er svo lítið upplag. Svo þetta með nyhil, reyndar er nýhil afbökun á orðinu nihil, og á reyndar fátt skylt með því, bara þetta sem þú heyrir.

(\_/)

Fyrra álit

Belgur fyrir 20 árum, 6 mánuðum

Logo eimskipafélagsins og hakakrossinn og þórshamar snúa öll eins!

Meat is murder.

Fyrra álit

Marz fyrir 20 árum, 5 mánuðum

Maður breytir ekki svona hlutum t.d. í usa er fylki sem heitir New England hefðu Bandaríkjamenn átta að skipta um nafn þegar þeir ráku bretana út

Fyrra álit

Heimspeki

Heimspeki

Ofurhugar

Stjórnendur

Hverjir eru inni

Greinar

Af stríði

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi