Hvað er þetta eiginlega?? Erum við komin með stigalöggæslu hér á huga sem passar upp á að fólk sé ekki að næla sér í óþarfa stig? Mitt nafn er á þessum lista og þegar ég hakaði við “Ég ætla” ætlaði ég mér að standa við það. Ég var á tímabili dugleg að senda inn efni og fá það birt, en svo allt í einu var öllu hafnað sem ég sendi inn - sama hvers eðlis það var. Við það dvínaði áhugi minn á þessu áhugamáli hér. Það sem ég var að senda inn tónaði alveg við það sem aðrir eru að senda inn og ég fékk aldrei nána skýringu á af hverju mínu var hafnað. Getur ekki verið að einhverjir á þessum lista hafi lent í því sama?

Ég tek undir með hamid að það varðar ekki einn né neinn þó sumt fólk velji “ég ætla” og standi svo ekki við það. Við vitum ekki söguna á bak við það. Þetta fólk á svo kannski eftir að vera duglegt að senda inn seinna meir.

Ég segi nú bara fyrir sjálfa mig, ég hef ekki mikinn áhuga á að senda inn greinar hér á huga, þar sem mér finnst alltof margir svara greinunum með leiðindum og látum. Það á jafnt við um unga sem aldna. Fólk er oft (en því miður ekki alltaf) að senda inn greinar í von um málefnalega umræðu en fær þess í stað leiðréttingu á stafsetningu sinni auk þess sem gert er lítið úr skoðunum þess. Ég skil ekki svona lagað!

Kveðja,
Tigerlily