Ég er í leiguhúsnæði eins og er og legg því ekki mikinn metnað í málningu eða slíkt, ég hreinlega tími ekki að mála eitthvað hevví flott eða kaupa dýr gluggatjöld fyrir eitt ár.

En draumurinn er einmitt í svipuðum stíl og þú ert að tala um EstHerP, massív dökk húsgögn með ljósum veggjum, og kannski einhverjum röff gluggatjöldum úr grófu efni.

Eldhúsið vil ég hafa svolítið í kántrí stíl .. er með svolítið af kántrí föndri þar inni, og langar að eignast meira, er að fara að rækta kryddjurtir til að fullkomna eldhúsið mitt ;D

Svefnherbergið .. æj ég er ósköp mikil prinsessa innst inni, langar rosalega í himnasæng á rúmið mitt sko *fliss*

Ég á enga uppáhaldsverslun, en mér finnst alltaf gaman að skoða í antíkbúðir og skransölur, ótrúlegt hvað maður finnur leynast þar inn á milli.
Ég er td með æði fyrir gömlum ljósmyndum, og er að koma mér upp góðu safni af þeim sem ég ætla að hengja upp some fine day :)<br><br>——————————
“Það besta sem Guð hefur skapað er …… nýr dagur”

Sama hér, ég er í leiguhúsnæði eins og Zally svo ég er ekki að mála og get ekki gert of mikið. En minn tími mun koma :) Hins vegar er ég ekki hrifin af stórum massívum húsgögnum. Er reyndar ekki búin að gera upp hug minn um hvernig stíl ég vil, nema að ég mun aldrei láta LaZBoy stólinn minn. Ætli ég finni ekki eitthvað sem verður í stíl við hann hahaha ;D

Annars vil ég hafa þægileg húsgögn sem gott er að sitja (og liggja) í, og sem eru slitsterk. Eins og er þá vil ég ekki skjannahvíta veggi. Í íbúðinni sem ég er í núna eru viðarveggir að hluta til í stofunni, það gerir hana alveg svakalega hlýlega. Ég vil hafa eitthvað svoleiðis í minni framtíðaríbúð. Svo væri ég sko alveg meira en til í að hafa arin, kósí á köldum vetrarkvöldum ;)

Ég vil ekki grófar gardínur, en ekki heldur einhverjar blúndúdúllur. Ég vil hafa þær frekar plein, en samt í einhverjum litum sem tóna við litina sem eru í herberginu.

Ætli minn stíll sé ekki einhvernvegin svona kósí og hlýlegur, frekar plein, alls ekki of nýtískulegur, en heldur ekki svona gamaldags rokokostíll. <br><br>Kveðja,
GlingGlo

mamma og pabbi eru með öll húsgögn í þessum þunga dökka stíl.. frá Míru og ýmislegt sem þau hafa keypt á ferðalögum sínum þegar pabbi var skipstjóri á millilandaskipi.

Ég sjálf er miklu meiri naumhyggjumanneskja.. vil hafa fáa liti, mjög stílhreint, eins fá húsgögn og ég kemst upp með og nánast hvíta veggi. ég efast samt um að það eigi eftir að vera svoleiðis í nýju íbúðinni minni.. allavega ekki í nánustu framtíð.. maður verður að nýta það sem maður á og það er misfallegt og mismikið í tísku… en ég held að það verði ágætt :)