Vinkona mín á mömmu sem hefur alltaf verid heimavinnandi. Fjölskyldan byr í rosalega stóru húsi, og thad tharf allt ad vera perfect fyrir jólin! Thad tharf gjörsamlega allt ad vera gljáandi, og meira ad segja bílskúrinn er thrifinn hátt og lágt!! Og thótt ad vinkona mín sé núna med eigid heimili og börn, thá tharf hún enn ad fara og hjálpa mömmu sinni ad thrífa stóra fína húsid, og gera thad ennthá fínna. Svona lagad finnst mér algjörlega bilad, ég myndi ekki nenna ad taka thátt í svona stressi.

Thad á ad njóta desembermánadar, thad er ekki oft sem ad falleg ljós og tilhlökkun styttir skammdegid, og thad á ad njóta thess medan haegt er.

Jólakvedjur

eyk.

Úff ég man sko eftir svona! Ég man samt sérstaklega eftir öllum styttunum sem þurfti að þvo… það voru til hátt í 100 styttur sem þurftu að fá jólabað, síðan voru allar myndir á veggjunum teknar og þvegið af þeim ryk og svoleiðis og já.. það var gjörsamlega allt tekið í gegn :) og tíminn sem fór í þetta.. vá! :)
Mamma er samt alveg hætt að nenna þessum svaaakalegu hreingerningum fyrir jólin, hún er búin að sjá að jólin koma alveg jafnt þó gardínurnar hafi verið þvegnar um sumarið en ekki akkúrat 3 dögum fyrir jól eða eitthvað ;)

Ég á reyndar eftir að taka til og þrífa hjá mér, er búin að liggja í rúminu síðustu vikuna og hef einfaldlega ekki haft orku í að þrífa :(

Kveðja,
Corta :)

Það er að sjálfsögðu sjálfsagt að hafa snyrtilegt í kringum sig um jólin en ég held að flestar ungar útivinnandi konur séu hættar þessu rugli, já og þessar heimavinnandi líka. Ég spurði einhvern tímann mömmu að þessu og þá var amma nálægt og þær sögðu mér að tímarnir og peningafjárráð fólks hefði breyst svo mikið síðan að þær byrjuðu að búa.

T.d þrif á veggjum, í dag málum við svo reglulega að það er enginn þörf á að þrífa alla veggi og við málum líka með betri efnum sem safna ekki jafn mikilli drullu í sig eins og þá.

Gluggatjöld kostuðu kannski mánaðarlaun hjá afa á sínum tíma og því var sjálfsagt að láta þau haldast sem best og hugsa vel um þau, í dag skiptir fólk um gardínur hjá sér reglulega. Og þó þau séu ekki tekin niður nema öðru hverju, þá eru þau heldur ekkert svo skítug enda ekki á morgum heimilum stórrisar og síðar gardínur niður á gólf, eins og þá sem safna endalausu ryki. Eins hafa húsinn breyst, ömmur okkar og sumar mömmur okkar bjuggu ekki í svona fínum húsum, sófasett, teppi og annað var orðið lúið og því varð að gljáfægja allt til þess að gera hlutina sem fínasta, núna kaupir fólk bara nýtt á Vísa. Ég held að þetta sé bara spurning um að tímarnir hafa breyst og fólkið með þeim.

Ég geri vorhreingerningu, þríf þá glugga, skápa, ljós og framvegis og um jól reyni ég að nota frítímann með fjölskyldunni. Þar liggur líka talsverður munur á mér og t.d ömmu minni, hún hafði nægan tíma með sinni fjölskyldu í dag þarf maður að berjast fyrir öllum þeim frítíma sem gefst og mér dettur sko ekki í hug að eyða honum í að þrífa veggi ;)

Kv. EstHe

Ójá ég man sko eftir þessu, allir veggir, hurðakarmar, loftin, bókstaflega allt. Allar myndir teknar niður og pússaðar, stytturnar þvegnar, meira að segja allar bækurnar úr bókaskápnum týndar niður díííís.
Eina “stórhreingerningin” mín fyrir jólin er eldhússkáparnir, ég laga til í þeim og þríf þá, helst í nóvember. Þá kemur líka í ljós hvaða krydd og bökunarvörur er útrunnið og hvað vantar fyrir jólabaksturinn og jólamatinn.

Á mínum bæ er mikilvægt að taka til og gera eina mjög góða laugardagshreingermningu, en ég bóna dúkana og parketið alltaf fyrir jólin. Ég er hins vegar alltof léleg við að taka skápa og svolissh, enda nóg að gera við allt hitt.
Í denn voru svo margar heima og allt var öðruvísi. Fólk er farið að njóta jólanna sem frís og afslöppunar og nennir ekki eins miklu veseni. Ég þvæ reyndar þær gardínur sem þarf að þvo.
:)

Jólabaksturinn:

Setjið hellu á eldavélinni á lítinn straum. Stráið á heita helluna teskeið af negul, kanil og engifer… sópið fljótt af aftur … og Bingó!

Bökunarlyktin komin.

Kaupið pakka af Homeblest með súkkulaði, skellið örstutt í örbylgjofninn

nokkrum kexkökum (muna að taka þær fyrst úr pakkanum) og fyrsta umferð í

jólabakstrinum er fullkomin. Restina kaupið þið í næsta bakarí og setjið í

fallega bauka… það er ekki nokkur maður sem sér muninn. (nema þeir sem

hafa notað sömu uppskrift : )



Jólahreingerningin:

Fyrir þá sem hafa tíma: Vindið nokkrar tuskur upp úr þrifi eða ajax og

[leggið á ofna vítt og breytt um húsið.. og heimilið ylmar af

[jólahreingerningunni. Fyrir þá sem ekki hafa eins mikinn tíma er nóg að

skrúfa tappann af þrifbrúsanum og láta hann standa í forstofunni. Þá fer

það ekki framhjá neinum sem kemur í heimsókn að búið er að gera hreint

Nauðsynlegt getur verið á sumum heimilum að styðja við þessa aðgerð með því

að draga úr raflýsingu og nota kertaljós í staðinn… það passar líka miklu>betur hvort eð er fyrir stemminguna



Gleðileg Jól

Ég sé enga ástæðu til að þrífa eitthvað sérstaklega fyrir jólin. Það er nú ekki eins og íbúðin hjá mér sé alltaf svo rosalega skítug að það þurfi eitthvað stórvirki til.

Hins vegar gerir mamma þetta. Aðallega að taka allt út úr eldhússkápunum sem er náttúrulega ágætt að gera öðru hverju þó ekki sé nema til að henda gömlum pakkamat sem er útrunninn eða þannig.

Það er auðvitað engin vitglóra að gera ærlega hreingerningu á dimmasta tíma ársins. Vorhreingernig er mjög góð. Farið að birta og hægt að viðra hluti úti og létta vetrardrunga af heimilinu. Etv. fá sér e-ð ljósara og sumarlegra.
Eins á haustin er gott að taka smá rispu og undirbúa heimilið fyrir veturinn. Halda síðan hreinu þess á milli og njóta aðventunnar og jólanna.