Ég vaknaði í morgun, ekki eins þreytt og vanalega að sökum vetrafrís.

Þegar að ég opnaði augun og var búin að hrista mig upp úr svefninum, þá fannst mér eitthvað breytt. Einhver stemmning var í loftinu.

Mér fannst eitthvað svo jólalegt! Ég stóð upp og fór fram í eldhús. Ég var að fá mér vatn þegar að ég lít upp og viti menn, það hafði snjóað!

Það snjóar enn og þótt að ég vilji helst ekki komast í jólagírinn í október, þá get ég ekki varist því!

Það er eitthvað jólalegt við það að vera í fríi og láta fara vel um sig meðan að snjónum kyngir niður.

Það er eitthvað við jólin og alla snemmninguna í kringum þau sem að lætur manni líða vel í hjartanu..

Mér finnst fátt betra en að kúra mig heima hjá mér í faðmi fjölskyldunnar, jafnvel drekkandi heitt kakó, og njóta þess að sjá fegurðina í snjónum!

–57 dagar í jólin